खुशखबर! Samsung तीन स्मार्टफोनवर देतेय जबरदस्त डिस्काउंट; बजेटमधील मोबाइल झाले आणखी स्वस्त

Samsung Galaxy A0s वरील डिस्काउंट

सॅमसंग गॅलेक्सी ए०५एस च्या दोन्ही मॉडेलची किंमत २००० रुपयांनी कमी केली आहे. त्यामुळे १३,४९९ रुपयांचा फोनचा ४जीबी रॅम व १२८जीबी व्हेरिएंट आता ११,४९९ रुपयांमध्ये खरेदी करता येईल. तर ६जीबी रॅम व १२८ जीबी स्टोरेज असलेला मॉडेल १४,९९९ रुपयांच्या ऐवजी १२९९९ रुपयांमध्ये खरेदी करता येईल.

Samsung Galaxy A34 5G वरील ऑफर

सॅमसंग गॅलेक्सी ए३४ फोनचा एकमेव मॉडेल ८जीबी रॅम व १२८ जीबी स्टोरेजसह भारतीय बाजारात उपलब्ध आहे. कंपनीनं त्यावर देखील ३५०० रुपयांच्या डिस्काउंटची घोषणा केली आहे. त्याचबरोबर १५०० रुपयांचा बँक कॅशबॅक देखील अ‍ॅक्सिस बँकेच्या ग्राहकांना मिळेल. या ऑफरमुळे ३०,९९९ रुपयांमध्ये मिळणार हा फोन २५,९९९ रुपयांमध्ये उपलब्ध झाला आहे.

Samsung Galaxy A54 5G वरील ऑफर

सॅमसंग गॅलेक्सी ए५४ आता ३,५०० रुपयांच्या इन्स्टंट डिस्काउंट आणि रुपयांच्या बँक कॅशबॅकसह विकला जात आहे. यासाठी तुम्हाला अ‍ॅक्सिस बँकेच्या कार्डचा वापर करावा लागेल. या डिस्काउंट आणि बँक ऑफर नंतर फोनचा ८जीबी रॅम व १२८जीबी स्टोरेज असलेला मॉडेल फक्त ३३,४९९ रुपयांमध्ये खरेदी करता येईल. तर ८जीबी रॅम २५६ जीबी स्टोरेज मॉडेल ३५,४९९ रुपयांमध्ये तुमचा होईल.

Samsung Galaxy A54 5G आणि Galaxy A34 5G चे फीचर्स

दोन्ही फोन फुल एचडी प्लस अ‍ॅमोलेड डिस्प्लेसह येतात, ज्याचे पिक्सेल रिझोल्यूशन २४००x१०८० आहे. त्यांचा रिफ्रेश रेट १२०हर्ट्झ आहे. Galaxy A54 मध्ये ६.४ इंचाचा डिस्प्ले आहे आणि Galaxy A34 मध्ये ६.६ इंचाचा डिस्प्ले आहे. दोन्ही फोन ऑक्टा-कोर प्रोसेसरसह येतात. यात ८जीबी पर्यंत रॅम आणि २५६जीबी पर्यंत स्टोरेज आहे. हे दोन्ही फोन अँड्रॉइड १३ वर आधारित वनयुआय ५.१ वर चालतात.

Galaxy A54 मध्ये ट्रिपल रियर कॅमेरा आहे. त्याचा पहिला सेन्सर ५० मेगापिक्सेलचा आहे. दुसरा १२ मेगापिक्सेल अल्ट्रा-वाइड-एंगल लेन्स आहे. तिसरा ५ मेगापिक्सेल मॅक्रो लेन्स आहे. फोनमध्ये ३२ मेगापिक्सलचा फ्रंट सेन्सर आहे. Galaxy A34 मध्ये ट्रिपल रेअर कॅमेरा देखील देण्यात आला आहे. त्याचा पहिला सेन्सर ४८ मेगापिक्सेलचा आहे. दुसरा ८ मेगापिक्सेल अल्ट्रा-वाइड-एंगल लेन्स आहे. तिसरा ५ मेगापिक्सेल मॅक्रो लेन्स आहे. फोनमध्ये १३ मेगापिक्सलचा फ्रंट सेन्सर आहे. Galaxy A54 5G आणि Galaxy A34 5G मध्ये ५०००एमएएचची बॅटरी आहे. तसेच, फोन्सना आयपी६७ रेटिंग देण्यात आली आहे.