Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
लोखंडासारखा मजबूत Samsung चा स्मार्टफोन येतोय भारतात; वॉटरप्रूफ Galaxy XCover7 भारतीय वेबसाइटवर लिस्ट
सॅमसंगनं ११ जानेवारीला जागतिक बाजारात आपला नवीन रगेड स्मार्टफोन सादर केला होता, याचे नाव Galaxy XCover7 आहे. रगेड फोन ही अशी कॅटेगरी आहे ज्यात मजबूत फोन मिलिटरी रेटिंग, वॉटरप्रूफ रेटिंग इत्यादी जबरदस्त फीचर्स मिळतात, ज्यामुळे हे फोन दमदार बनतात. आता बातमी अशी आली आहे की सॅमसंग गॅलेक्सी एक्सकव्हर७ लवकरच भारतीय बाजारात येऊ शकतो. कारण या फोनचं सपोर्ट पेज भारतीय वेबसाइटवर लाइव्ह झालं आहे. म्हणजे मिलिट्री ग्रेड रेटिंग असलेला हा स्मार्टफोन लवकरच भारतात येईल. चला, जाणून घेऊया याची माहिती.
Samsung Galaxy XCover7 सपोर्ट पेज
सॅमसंगनं भारतात गॅलेक्सी एक्सकव्हर७ चं सपोर्ट पेज लिस्ट केलं आहे. ज्यावरून स्पष्ट झालं आहे की हा मजबूत मोबाइल लवकरच भारतीय ग्राहकांसाठी उपलब्ध होईल. विशेष म्हणजे SM-G556B मॉडेल नंबरसह हा याआधी BIS साइटवर देखील आला होता. आशा आहे की ब्रँड येत्या काही दिवसांत अधिकृतपणे याचा खुलासा करेल.
Samsung Galaxy XCover7 चे स्पेसिफिकेशन्स
Samsung Galaxy XCover7 मध्ये ६.६ इंचाचा टीएफटी एलसीडी डिस्प्ले मिळतो. जो फुल एचडी+ रिजॉल्यूशन, ६० हर्ट्झ रिफ्रेश रेट, २०:९ अ‍ॅस्पेक्ट रेशियो आणि कॉर्निंग गोरिल्ला ग्लास विक्टस+ च्या प्रोटेक्शनसह आला आहे. फोनचे वजन २४० ग्राम आणि डायमेंशन १६९.० × ८०.१ × १०.२ मिमी आहे.
फोनमध्ये माली जी५७ जीपीयू सह मीडियाटेक डायमेन्सिटी ६१००+ प्रोसेसरचा वापर करण्यात आला आहे. डिवाइसमध्ये ६ जीबी रॅमसह १२८GB इंटरनल स्टोरेज देण्यात आली आहे. तर मायक्रोएसडी कार्ड स्लॉटच्या मदतीनं स्टोरेज वाढवता देखील येईल. Samsung Galaxy XCover7 अँड्रॉइड १४ आधारित वनयुआय वर चालतो.
मोबाइलमध्ये LED फ्लॅशसह ५०एमपीचा रियर कॅमेरा आहे. तसेच, सेल्फी आणि व्हिडीओ कॉलिंगसाठी ५एमपीचा कॅमेरा आहे. Galaxy XCover7 मध्ये ४,०५०एमएएचची बॅटरी, १५वॉट फास्ट चार्जिंग, यूएसबी टाइप-सी पोर्ट आणि चार्जिंगसाठी पोगो पिन पण देण्यात आली आहे.
सॅमसंग मोबाइलमध्ये आयपी६८ पाणी व धूळ प्रतिरोधक रेटिंग, MIL-STD-810H रेटिंग, डॉल्बी अ‍ॅटमॉस आणि ३.५ मिमी ऑडियो जॅक सारखे फीचर्स मिळतात. फोनच्या सुरक्षेसाठी सॅमसंग नॉक्स वॉल्टसह फेस अनलॉक आणि सॅमसंग नॉक्सची सुविधा आहे. फोनमध्ये ड्युअल-सिम ५जी, वायफाय, ब्लूटूथ ५.३, एनएफसी, जीपीएस, ग्लोनास, गॅलीलियो आणि यूएसबी २.० पोर्टचा समावेश आहे.