Tej Police Times
११ हजारांमध्ये ३२एमपीचा सेल्फी कॅमेरा आणि २५६जीबी स्टोरेज; १६जीबी रॅमच्या पावरसह Tecno Spark 20 लाँच
टेक्नोनं आज भारतीय बाजारात आपल्या ‘स्पार्क’ सीरीजचा विस्तार करत एक नवीन स्मार्टफोन सादर केला आहे. कंपनीनं Tecno Spark 20 भारतात लाँच केला आहे जो फक्त १०,४९९ रुपयांमध्ये सेलसाठी उपलब्ध होईल. हा फोन 32MP Selfie कॅमेऱ्यासह भारतीयांच्या भेटीला आला आहे. तसेच Memory Fusion टेक्नॉलॉजीमुळे १६जीबी रॅमची ताकद देखील मिळते.
TECNO Spark 20 ची किंमत
टेक्नो स्पार्क २० स्मार्टफोन सिंगल मेमरी व्हेरिएंटमध्ये लाँच करण्यात आला आहे. यात ८जीबी रॅम व २५६जीबी स्टोरेज मिळते ज्याची किंमत १०,४९९ रुपये आहे. हा फोन २ फेब्रुवारीपासून अॅमेझॉनवर Black, Gold, White आणि Blue कलरमध्ये सेलसाठी उपलब्ध होईल.
TECNO Spark 20 चे स्पेसिफिकेशन्स
टेक्नो स्पार्क २० स्मार्टफोन पंच-होल स्टाइल स्क्रीनसह लाँच करण्यात आला आहे. या मोबाइलमध्ये ६.५६ इंचाचा मोठा एचडी+ डिस्प्ले देण्यात आला आहे जो ९०हर्ट्झ रिफ्रेश रेटवर चालतो. हा टेक्नो फोन आयपी५३ रेटिंगसह येतो, त्यामुळे हा पाणी व धुळीपासून काही प्रमाणात सुरक्षित राहू शकतो. तसेच फोनमध्ये ड्युअल डीटीएस स्पिकर देखील मिळतो.
टेक्नो फोन अँड्रॉइड १३ वर लाँच झाला आहे. प्रोसेसिंगसाठी या स्मार्टफोनमध्ये मीडियाटेक हीलियो जी३५ ऑक्टाकोर प्रोसेसर देण्यात आला आहे. Tecno Spark 20 मध्ये ८जीबी रॅम देण्यात आला आहे. हा स्मार्टफोन ८जीबी वचुर्अल रॅमला देखील सपोर्ट करतो ज्यामुळे फिजिकल रॅमसह मिळून हा १६जीबी रॅमची पावर देतो. फोनमध्ये २५६जीबी स्टोरेज मिळते जी मायक्रोएसडी कार्डच्या माध्यमातून १टीबी पर्यंत वाढवता येते.
फोटोग्राफीसाठी हा स्मार्टफोन ड्युअल रियर कॅमेऱ्याला सपोर्ट करतो. याच्या बॅक पॅनलवर एलईडी फ्लॅशसह ५० मेगापिक्सलचा मुख्य सेन्सर देण्यात आला आहे, जोडीला एआय लेन्स आहे. तसेच सेल्फी आणि व्हिडीओ कॉलिंगसाठी फोनमध्ये ३२ मेगापिक्सलचा फ्रंट कॅमेरा आहे. पावर बॅकअपसाठी Tecno Spark 20 ५,०००एमएएचच्या बॅटरीला सपोर्ट करतो. ही मोठी बॅटरी वेगानं चार्ज करण्यासाठी यात १०वॉट चार्जिंग टेक्नॉलॉजी देखील आहे.