Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आजचे राशिभविष्य, ८ फेब्रुवारी 2024 : या राशींना आर्थिक लाभ होणार पण… जाणून घ्या तुमचे राशिभविष्य
मेष – कामाचे नीट नियोजन करा
मेष राशीच्या लोकांच्या मनात आज अनेक सकारात्मक विचार येत राहतील. तुम्ही सकारात्मक विचारांनी तुमचे काम करून आपल्या विचारांना कार्यान्वित करून प्रत्यक्षात आणाल. शिवाय उत्पन्नात वाढ होण्याच्या दृष्टीने काम कराल. वैयक्तिक आणि कौटुंबिक संबंधांमध्ये जितके व्यग्र असाल तितके तुमच्यासाठी लाभदायक ठरेल. घरगुती बाबींकडे तुम्ही अधिक लक्ष द्यावे अशी तुमच्या कुटुंबियांची मागणी असेल त्यामुळे तुम्ही तुमच्या कौटुंबिक आणि वैयक्तिक नात्यांना जास्त वेळ देऊ शकाल असे तुमच्या कामाचे नियोजन केले तर तुमचे नाते संबंध अधिक वृद्धिंगत होतील.
आज भाग्य ९१ टक्के तुमच्या सोबत राहील. शिव चालिसाचे पठण करा
वृषभ – संधीची संयमाने वाट पहा
वृषभ राशीचे लोक करिअरमधून होणाऱ्या लाभावर लक्ष केंद्रित करतील आणि करिअरपथावर आगेकूच करण्यासाठी योग्य वेळ आणि संधीची संयमाने वाट पाहतील. लाभदायक असणाऱ्या संधी कोणत्या आहेत हे जर तुम्हाला एकदा कळलं तर तुम्ही गरज पडल्यास तुमच्या पैशाच्या गुंतवणुकी सोबत वेळ आणि ऊर्जाही खर्ची घालू शकाल. हे तुमच्या दीर्घकालीन करिअरसाठी लाभदायक ठरेल. तुम्हाला तुमच्या जोडीदार आणि मुलांसाठी खर्च करावा लागू शकतो म्हणून तुम्ही तुमच्या कुटुंबियांना आणि जोडीदाराला खुश करण्यासाठी गरजेपेक्षा जास्त खर्च कराल.
आज भाग्य ९३ टक्के तुमच्या सोबत असेल. देवी सरस्वतीची पूजा करा.
मिथुन – लाभदायक असतील तेच व्यवसाय कराल
आज मिथुनेची मंडळी आपली बुद्धिमत्ता आणि चातुर्याने एकच वेळी आपले करिअर, घरगुती संबंध आणि वैवाहिक सुख किंवा प्रेम संबंध या सगळ्यात सक्षमतेने समतोल राखतील. तुम्ही तुमच्या कामात सक्रीय राहाल आणि तुमच्या विश्लेषणात्मक शक्तीने तुमच्या करिअरमध्ये पुढे जात राहाल. शिवाय त्याच व्यवसायासाठी तुम्ही काम कराल जे लाभदायक आहेत. तुम्ही तुमच्या जोडीदारासोबत खूप चांगला वेळ व्यतीत कराल ज्यामुळे तुम्ही एकमेकांच्या भावना समजू शकाल आणि एकमेकांची काळजी घेण्यासोबतच वैयक्तिक नात्याला प्रेमाचे एक सुंदर वळण देण्यासाठी प्रोत्साहन मिळेल.
आज भाग्य ८६ टक्के तुमच्या सोबत असेल. पांढऱ्या वस्तूचे दान करा.
कर्क – कुटुंबीयांमुळे त्रास होऊ शकतो.
आज कर्क राशीच्या लोकांना करिअरमध्ये मिळालेल्या संधीचा जास्तीतजास्त लाभ उचलण्याचा मोह होऊ शकतो. तुमच्या दृष्टीने जर तुम्ही व्यवहारी आणि शिस्तबद्ध नसाल तर ही बाब तुमच्या समोर समस्या निर्माण करू शकते. तुम्हाला वाटेल की तुमच्यात आणि तुमच्या वरिष्ठांमध्ये योग्य समजूतदारपणाचा अभाव आहे. सध्या व्यवसायात असणाऱ्या उणीवांचा विचार न करता त्यात बदल करू नये. तुमच्या कुटुंबातील लोक तुमच्यासाठी समस्या निर्माण करू शकतात आणि त्यांच्या निराशाजनक वागणुकीमुळे तुम्हाला त्रास होऊ शकतो.
आज भाग्य ७८ टक्के तुमच्या सोबत असेल. श्रीकृष्णाला लोणी साखरेचे नैवेद्य अर्पण करा.
सिंह – कष्टाप्रमाणे लाभ मिळेल
सिंह राशीच्या लोकांना अपेक्षित परिणाम मिळण्यासाठी थोडेफार कष्ट करावे लागतील आणि सर्वच व्यावसायिक कामांमधून तुमच्या कष्टाप्रमाणे लाभ मिळेल. जर तुम्ही व्यावसायिक करिअरमध्ये भागीदारी करण्याची अपेक्षा करीत असाल तर तुम्हाला चांगला फायदा होईल आणि एक व्यावसायिक म्हणून तुम्ही चांगले काम कराल शिवाय तुमच्या प्रयत्नांना चांगले फळ मिळेल. तुमचे मनापासून असलेले प्रेम आणि सन्मानपूर्वक प्रेम करण्याची पद्धत यामुळे तुमच्या जोडीदारासोबत असलेल्या नात्याची वीण अधिक घट्ट होईल आणि तुमचे प्रेम जीवन चांगले आणि समृद्ध बनेल.
आज भाग्य ६४ टक्के तुमच्या सोबत असेल. आज पहिली पोळी गोमातेस खाऊ घाला.
कन्या – सुखद आश्चर्याचा धक्का बसेल
आज कन्या राशीच्या लोकांना वैयक्तिक आणि वैवाहिक संबंधांमध्ये चांगल्या आणि सुखद आश्चर्याचा धक्का बसेल आणि तुम्ही तुमच्या वैयक्तिक संबंधांमध्ये सौंदर्याने परिपूर्ण अशा चांगल्या जवळीकीची अपेक्षा कराल. तुम्ही आज फक्त वैयक्तिक संबंधांचाच आनंद घेणार नाही तर अचानक करिअरसाठी कराव्या लागलेल्या आणि तुम्ही स्वेच्छेने स्वीकारलेल्या प्रवासाचा सुद्धा आनंद घ्याल. आज तुम्ही वैयक्तिक आणि व्यावसायिक गरजांकडे लक्ष देण्यासाठी योजना बनवाल. तुम्ही दोन्ही क्षेत्रात तुमच्या चातुर्याने आणि श्रेयलाभासह आपले प्रयत्न आणि वेळ यात समतोल राखाल आणि घरी आपल्या जोडीदाराला किंवा कार्यालयात आपल्या वरिष्ठांना संतुष्ट कराल.
आज भाग्य ८६ टक्के तुमच्या सोबत असेल. योगसाधना आणि प्राणायाम करा.
तूळ – जोडीदाराशी मतभेद होतील
तूळ राशीचे लोक आणि त्यांचे जोडीदार यांच्यात आज लहानमोठ्या गोष्टींवरून मतभेद होतील आणि तुम्ही दैनंदिन बाबींमध्ये एकमेकांच्या समजून घेण्यात समन्वय ठेवू शकणार नाहीत. व्यवसायिक लाभावर लक्ष केंद्रित केल्याने तुमच्या वैयक्तिक संबंधांपासून तुम्ही लांब राहाल आणि त्याकडे दुर्लक्ष कराल. तुमचा दृष्टीकोन हा व्यावहारिक असेल त्यामुळे तुम्ही पैसे कमावण्याकडे अधिक लक्ष द्याल. शिवाय तुमच्या वैयक्तिक आणि जोडीदाराच्या आनंदासोबत आपले आरोग्य आणि आयुष्याची सुद्धा उपेक्षा कराल.
आज भाग्य ८८ टक्के तुमच्या सोबत असेल. कोणा गरजूला भाताचे दान करा.
वृश्चिक – अनपेक्षित परिस्थिती निर्माण होईल
वृश्चिक राशीचे लोक एक स्वतंत्र उद्योजक म्हणून त्यांची सर्व कामे उत्तमरीत्या पूर्ण करतील. असे असले तरी कोणत्याही गोष्टीची शाश्वती देता येणार नाही कारण अधून मधून अनपेक्षित परिस्थिती निर्माण होईल आणि गोष्टी मनाजोगत्या होणार नाहीत. तुमचे कर्मचारी किंवा ज्यांच्या सोबत तुम्ही काम करीत आहात ते तुम्हाला सकारात्मक प्रतिसाद कदाचित देणार नाहीत. यामुळे तुम्हाला राग येईल किंवा तुमची चिडचिड होईल. तुम्हाला असा सल्ला आहे की तुम्ही तुमच्या स्वभावावर ताबा ठेवा. तुमचे कौटुंबिक जीवन सामान्य राहील पण काही मुद्द्यांवर कुटुंबीयांसोबत मतभेद होतील.
आज भाग्य ६८ टक्के तुमच्या सोबत असेल. शिवा जपमाळेचे पठण करा.
धनू – मोठ्या सुट्टीची योजना आखा
धनू राशीच्या लोकांचे प्रयत्न आणि पुढाकारामुळे वैयक्तिक बाबींमध्ये चांगले संबंध प्रस्थापित होतील आणि वैयक्तिक संबंध आणखी चांगले होण्यासाठी एका मोठ्या सुट्टीची योजना आखण्याचा सल्ला तुम्हाला दिला जात आहे. वैयक्तिक नात्याला अनेक वेगवेगळे पैलू असतील आणि व्यावसायिक पार्श्वभूमीवर भागीदारी सुद्धा फलदायक सिद्ध होईल. तुमचे करिअर आणि वैयक्तिक आयुष्य एकमेकांसमोर उभे ठाकतील आणि तुम्हाला जशी परिस्थिती असेल त्यानुसार लक्षपूर्वक त्यातून मार्ग काढावा लागेल.
आज भाग्य ७२ टक्के तुमच्या सोबत असेल. तुळशीला नियमितपणे पाणी देऊन दिवा लावा.
मकर – जवळीक नव्याने अनुभवाल
आज मकर राशीचे लोक मेहनत करतील आणि व्यावहारिक राहून आपल्या करिअरसाठी खूप कष्ट घेत राहतील. तुम्ही तुमच्या वैयक्तिक संबंधांमध्ये सावध राहाल पण तुमचे संपूर्ण लक्ष तुमच्या करिअरकडे लागलेले असल्याने तुमच्या वैयक्तिक संबंधांमध्ये सर्व गोष्टींत दिरंगाई होईल. याचा परिणाम तुमच्या जोडीदाराच्या आणि तुमच्या वैयक्तिक संबंधांमध्ये एक दरी निर्माण होईल. अचानक शारीरिक जवळीकीची संधी मिळाल्याने वैयक्तिक संबंध पुन्हा प्रस्थापित होतील. शिवाय प्रेम करण्याच्या तुमच्या हळुवार आणि निश्चित पद्धतीमुळे तुमच्या नात्यातील सुंदरता आणि जवळीक नव्याने अनुभवाल.
आज भाग्य ७५ टक्के तुमच्या सोबत असेल. लक्ष्मी देवीला खीरीचे नैवेद्य दाखवा.
कुंभ – आर्थिक लाभ होईल, पण…
कुंभ राशीच्या व्यक्ती आज व्यवस्थितरित्या काम करतील. तुमच्या करिअरच्या दृष्टीकोनात आत्मविश्वास असेल आणि यामुळे चांगले धनलाभ होतील. तुम्हाला चांगला आर्थिक लाभ होईल पण पैशाची स्थिरता कायम ठेवण्यासाठी प्रयत्न करत राहावे लागतील नाहीतर अचानक उद्भवणाऱ्या खर्चांमुळे तुमची कमावलेली आर्थिक स्थिरता बिघडू शकते. तुम्ही तुमच्या प्रेम संबंधांमध्ये उतावीळ राहाल पण प्रेमाची कबुली देताना मात्र वेळ काढत राहाल आणि यामुळेच तुमच्या नात्याला छेद जाईल.
आज भाग्य ७३ टक्के तुमच्या सोबत राहिले. गुरुजन किंवा वडिलधाऱ्या व्यक्तींचे आशीर्वाद घ्या.
मीन – करिअरमध्ये फायदा होणार
मीनेच्या लोकांचे करिअर जिथे सुरू आहे त्या संस्थेवर विश्वास असेल आणि एक सन्मानजनक करिअर तुमच्या पुढील कारकिर्दीसाठी आणि व्यावसायिक जीवनासाठी फलदायी ठरेल. व्यावसायिक जीवनात तुमचा दृष्टीकोन खूप सकारात्मक असेल आणि तुम्ही तुमची सर्व उर्जा व्यावसायिक कामात लावून व्यावसायिक संबंध प्रस्थापित करून ते चांगले ठेवाल ज्यामुळे तुम्हाला तुमच्या करिअरमध्ये फायदाच होईल. आज तुमच्या कुटुंबासोबत आणि जोडीदारासोबत चांगला वेळ व्यतीत कराल ज्याचा सुद्धा तुम्हाला फायदा होईल.
आज भाग्य ८१ टक्के तुमच्या सोबत असेल. गणपतीला लाडवांचा नैवेद्य अर्पण करा.
आयुषी त्यागी यांच्याविषयी
