खतरनाक! फक्त ७,४९९ रुपयांमध्ये १६जीबी रॅम असलेला फोन; ५०एमपी कॅमेऱ्यासह ५०००एमएएचची बॅटरीही

itel P55 आणि itel P55+ भारतात लाँच झाले आहेत. स्टायलिश लुक आणि शानदार स्पेसिफिकेशन्ससह हे स्मार्टफोन ५०एमपी कॅमेरा आणि ६.६-इंचाचा ९०हर्ट्झ डिस्प्लेला सपोर्ट करतात. १० हजारांच्या आत आलेल्या या आयटेल स्मार्टफोन्समध्ये 16GB Expandable RAM टेक्नॉलॉजी देखील आहे. आयटेल पी५५ आणि पी५५प्लसची किंमत आणि फीचर्स, स्पेसिफिकेशन्सची माहिती तुम्ही पुढे वाचू शकता.

itel P55 ची किंमत

आयटेल पी५५ स्मार्टफोन दोन मेमरी व्हेरिएंट्समध्ये लाँच झाला आहे. याच्या बेस मॉडेलमध्ये ४जीबी रॅमसह १२८जीबी स्टोरेज देण्यात आली आहे ज्याची किंमत ७,४९९ रुपये आहे. तसेच मोठा व्हेरिएंट ८जीबी रॅम व १२८जीबी स्टोरेजला सपोर्ट करतो, तसेच याची किंमत ९,४९९ रुपये आहे. सुरुवातीच्या सेलमध्ये कंपनी या दोन्ही मॉडेल्सवर ५०० रुपयांचा डिस्काउंट देण्यात येत आहे, त्यानंतर यांची इफेक्टिव प्राइस अनुक्रमे ६,९९९ रुपये आणि ८,९९९ रुपये होईल.

itel P55+ ची किंमत

आयटेल पी५५ प्लस पाहता हा मोबाइल सिंगल मेमरी व्हेरिएंटमध्ये आला आहे. यात ८जीबी रॅम व २५६जीबी स्टोरेज देण्यात आली आहे ज्याची किंमत ९,९९९ रुपये आहे. या स्मार्टफोनवर देखील कंपनी ५०० रुपयांची सूट देत आहे. त्यामुळे itel P55+ ची इफेक्टिव प्राइस ९,४९९ रुपये होईल. फोन्सची विक्री १३ फेब्रुवारीपासून सुरु होईल.

itel P55 आणि itel P55+ स्पेसिफिकेशन्स

आयटेल पी५५ आणि पी५५+ दोन्ही स्मार्टफोन ६.६ इंचाच्या एचडी+ डिस्प्लेसह लाँच करण्यात आले आहेत. ही स्क्रीन पंच-होल स्टाइलवर बनली आहे जी ९०हर्ट्झ रिफ्रेश रेटवर चालते. हे दोन्ही मोबाइल फोन अँड्रॉइड १३ ओएसवर लाँच झाले आहेत. तसेच प्रोसेसिंगसाठी यात यूनिसोक टी६०६ ऑक्टाकोर प्रोसेसर मिळतो जो १.६गीगाहर्ट्झ क्लॉक स्पीडवर चालू शकतो. आयटेल पी५५प्लस मध्ये ८जीबी एक्सपांडेबल रॅम देण्यात आला आहे तसेच आयटेल पी५५ १६जीबी एक्सपांडेबल रॅमला सपोर्ट करतो. ही टेक्नॉलॉजी फिजिकल रॅमसह मिळून यात १६जीबी आणि २४जीबी रॅमची ताकद मिळते.

फोटोग्राफीसाठी itel P55 आणि itel P55+ ड्युअल रियर कॅमेऱ्याला सपोर्ट करतात. यांच्या बॅक पॅनलवर ५० मेगापिक्सल मेन सेन्सर तसेच सेकंडरी एआय लेन्स देण्यात आली आहे. सेल्फी आणि व्हिडीओ कॉलिंगसाठी हे फोन ८ मेगापिक्सलच्या फ्रंट कॅमेऱ्याला सपोर्ट करतात. पावर बॅकअपसाठी या दोन्ही स्मार्टफोन्समध्ये ५,०००एमएएचची बॅटरी देण्यात आली आहे. आयटेल पी५५ १८वॉट फास्ट चार्जिंग टेक्नॉलॉजीला सपोर्ट करतो तसेच आयटेल पी५५+ ४५वॉट फास्ट चार्जिंग टेक्नॉलॉजीला सपोर्ट करतो. हे दोन्ही आयटेल फोन सिक्योरिटीसाठी साइड माउंटेड फिंगरप्रिंट सेन्सरला सपोर्ट करतात. तसेच यात फेस अनलॉक फीचर देखील आहे. या स्मार्टफोन्समध्ये ३.५एमएम हेडफोन जॅक आणि एफएम रेडियो देखील मिळतो.