Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
टेक्नोनं गेल्यावर्षी डिसेंबरमध्ये TECNO Spark Go 2024 लाँच केला होता. त्यावेळी फक्त 3GB + 64GB आणि 4GB + 64GB स्टोरेज सादर झाले होते. तसेच, आता ब्रँडनं ४जीबी व्हर्च्युअल आणि ४जीबी सामान्य म्हणजे ८जीबी पर्यंत रॅम आणि १२८जीबी इंटरनल स्टोरज मॉडेल आणला आहे. हा खूप स्वस्तात आणि ऑफर्ससह सेलसाठी उपलब्ध झाला आहे. चला, जाणून घेऊया डिवाइसची किंमत, स्पेसिफिकेशन्स आणि ऑफर्स.
TECNO Spark Go 2024 ची किंमत आणि ऑफर
TECNO Spark Go 2024 च्या नवीन मॉडेल ४जीबी रॅम व १२८जीबी इंटरनल स्टोरेज मॉडेलची किंमत ७,२९९ रुपये ठेवण्यात आली आहे. मोबाइल ९ फेब्रुवारीपासून ई-कॉमर्स साइट अ‍ॅमेझॉनच्या माध्यमातून विकत घेता येईल. लाँच ऑफर अंतगर्त TECNO Spark Go 2024 च्या १२८जीबी मॉडेलवर ५०० रुपयांची सूट दिली जात आहे. त्यामुळे याची किंमत फक्त ६,७९९ रुपये होते. कलर ऑप्शन पाहता हा मोबाइल मिस्टिक व्हाइट आणि ग्रॅव्हिटी ब्लॅक अश्या दोन रंगात येतो.
TECNO Spark Go 2024 चे स्पेसिफिकेशन्स
टेक्नो स्पार्क गो 2024 स्मार्टफोनमध्ये ६.६ इंचाचा मोठा एचडी+ डिस्प्ले देण्यात आला आहे. यात ७२० x १६१२ पिक्सेल रिजॉल्यूशन आणि ९०हर्ट्झ रिफ्रेश रेटचा सपोर्ट आहे. स्क्रीनवर नवीन डायनॅमिक पोर्ट फीचर देखील आहे, ज्याच्या मदतीनं युजर्स डिस्प्ले पॅनलच्या वरच्या बाजूला पिल शेप बारमध्ये कलर आयडी, चार्जिंग परसेंट अशी बरीच माहिती पाहू शकता.
फोनमध्ये ब्रँडनं Unisoc T६०६ प्रोसेसरचा वापर केला आहे. डिवाइस एकूण ८जीबी रॅम म्हणजे ४जीनी इंटरनल व ४जीबी व्हर्च्युअल रॅमला सपोर्ट करतो, त्याचबरोबर १२८जीबी इंटरनल स्टोरेज मिळते. इतकेच नव्हे तर स्टोरेज मायक्रोएसडी कार्डच्या माध्यमातून १टीबी पर्यंत वाढवता येते.
कॅमेरा फीचर्स पाहता मोबाइलमध्ये रियर पॅनलवर ड्युअल LED फ्लॅश असलेला १३ मेगापिक्सलचा प्रायमरी आणि एक एआय लेन्स आहे. तसेच, सेल्फी आणि व्हिडीओ कॉलिंगसाठी पण ड्युअल LED फ्लॅशसह ८ मेगापिक्सलचा फ्रंट कॅमेरा आहे.
बॅटरी बॅकअपसाठी स्मार्टफोनमध्ये ५०००एमएएच बॅटरी आणि १०वॉट फास्ट चार्जिंग देण्यात आली आहे. फोन चार्ज करण्यासाठी यूएसबी टाइप-सी पोर्ट मिळतो. टेक्नो स्पार्क गो 2024 स्मार्टफोन अँड्रॉइड १३ वर चालतो. मोबाइलमध्ये साइड-माउंटेड फिंगरप्रिंट सेन्सर, ड्युअल स्टीरियो स्पिकर, ४जी, वाय-फाय, ब्लूटूथ v५.०, जीपीएस, ओटीजी, आणि एफएम रेडियो सारखे फीचर्स आहेत.