फक्त PAN Card वापरून देखील बँक अकाऊंटमधून पैसे गायब करत आहेत स्कॅमर्स, तुम्ही ही चूक करू नका

PAN शेयर करू नका

PAN शेयर करण्यापूर्वी दोनदा विचार केला पाहिजे. कारण याच्या मदतीनं स्कॅमर्स तुमच्या विषयी बरीचशी माहिती मिळवू शकतात. त्यामुळे जर तुम्हाला फोन करून कोणी पॅन संबंधित माहिती मिळवत असेल तर तुम्हाला यापासून सावध राहील पाहिजे. हे तुमच्यासाठी धोकादायक ठरू शकतं. तसेच तुमच्या बँक अकाऊंटसाठी देखील ही धोक्याची घंटा असू शकते.

PAN Update च्या नावावर फसवणूक

PAN Card अपडेट करताना खूप सावध झालं पाहिजे. साधरणतः जेव्हा तुम्ही PAN Update करता तेव्हा सर्व माहिती द्यावी लागते. परंतु स्कॅमर्स युजर्सची माहिती मिळवतात आणि ते थेट युजर्सशी संपर्क साधतात. फोनवर ते पॅन अपडेट करण्याच्या नावावर इतर माहिती मिळवून घेण्यास सुरुवात करतात. काही वेळानं तुमच्या बँक अकाऊंट मधून पैसे डेबिट झाल्यावर समजते की इतका वेळ तुमची फसवणूक करण्याची तयारी सुरु असते.

माहिती सार्वजनिक करू नका

आधार असो किंवा पॅन तुम्ही कोणतेही डॉक्यूमेंट शेयर करण्यापूर्वी हजार वेळा विचार केला पाहिजे. कारण एकदा माहिती पब्लिक झाल्यानंतर युजर्स काही करू शकत नाहीत. खासकरून जर तुमच्याशी संबंधित माहिती स्कॅमर्सच्या हाती लागली तर जास्त प्रॉब्लम येऊ शकतो. तुम्ही तुमची प्रत्येक माहिती अत्यंत गोपनीय ठेवली पाहिजे. पॅन आणि आधार कार्ड तर चुकूनही अनोळख्या व्यक्तीशी शेयर करू नका.