Box office collection: तेरी बातों में ऐसा उल्झा जियाची गाडी सुसाट, तर ‘फायटर’च्या कमाईला ब्रेक

मुंबई– २०२४ सुरु झाल्यापासून बरेच सिनेमे बॉक्स ऑफिसवर रिलीज झाले. नुकताच शाहिद कपूर आणि क्रिती सेनॉन या नव्या कोऱ्या जोडीचा रोमँटिक-कॉमेडी असलेला ‘तेरी बातों में ऐसा उल्झा जिया’ हा सिनेमा रिलीज झाला. आता या सिनेमाचा पहिल्या सोमवारा रिपोर्ट समोर आला आहे. या चित्रपटाने पहिल्या वीकेंडमध्ये २७.१० कोटी रुपयांची कमाई केली. सोमवारी रिलीजच्या चौथ्या दिवशीही सिनेमा चांगली कामगिरी करेल, अशी अपेक्षा होती आणि ती खरी ठरली.

पहिल्या दिवसाच्या तुलनेत सोमवारी चित्रपटाची कमाई ४५.५२% कमी झाली. पण बॉक्स ऑफिसवर सिनेमाची तितकीशी बिकट परिस्थिती नाही. तर दुसरीकडे हृतिक रोशन आणि दीपिका पादुकोणचा ‘फाइटर’ चित्रपटही १९ व्या दिवशी १ कोटींहून अधिक कमाई करण्यात यशस्वी ठरला आहे. मात्र, हा चित्रपट अजूनही देशात २०० कोटींची कमाई करू शकलेला नाही.

अमित जोशी आणि आराधना शाह दिग्दर्शित ‘तेरी बातों में ऐसा उल्झा जिया’चे बजेट ७५ कोटी रुपये होते. चित्रपटाची कथा ही एका मानव आणि रोबोट यांच्यातील प्रेमकथा आहे. sacnilk च्या मते, सोमवारी चित्रपटगृहात ११% हून जास्त प्रेक्षकांची उपस्थिती होती. आता या चित्रपटाने कमाईचा हा वेग कायम ठेवला तर २०२४ मध्ये १०० कोटींचा पल्ला गाठणारा ‘फायटर’ नंतरचा हा दुसरा चित्रपट ठरू शकतो.

असं कुठे असतं का, मालिका सुरू व्हायच्या आधीच संपली? शिवा मालिकेने केला प्रेक्षकांचा हिरमोड

‘तेरी बातों में ऐसा उल्झा जिया’चे बॉक्स ऑफिस कलेक्शन

‘तेरी बातों में ऐसा उल्झा जिया’ने सोमवारी देशभरात ३.६५ कोटी रुपयांचे कलेक्शन केले आहे. तर जगभरात याने चौथ्या दिवशी ६.५ कोटी रुपयांची कमाई केली आहे. चित्रपटाचे एकूण देशातील केलक्शन ३०.७५ कोटी रुपये झाले आहे, तर जगभरात याने ५९ कोटी रुपये कमावले आहेत.

‘फायटर’ १९ व्या दिवशीही २०० कोटींची कमाई करू शकला नाही

दुसरीकडे, हृतिक आणि दीपिकाचा ‘फायटर’ देशात २०० कोटींच्या उंबरठ्यावर उभा आहे, मात्र त्यासाठी त्याला बराच वेळ लागत आहे. सोमवारी १९ व्या दिवशी या चित्रपटाने देशात १.२० कोटी रुपयांचे कलेक्शन केले आहे आणि त्यामुळे त्याची एकूण कमाई १९८.१० कोटी रुपये झाली आहे. तर या चित्रपटाचे वर्ल्डवाइड ग्रॉस कलेक्शन ३३३ कोटी रुपये आहे. सिद्धार्थ आनंदच्या दिग्दर्शनाखाली बनलेल्या या चित्रपटाचे बजेट २५० कोटी रुपये आहे. बजेटची रक्कम ओलांडली तरच हा सिनेमा सुपरहिट म्हणता येईल.
ती परत येतेय! ‘भूल भुलैय्या ३’ बाबत कार्तिक आर्यनकडून मोठी अपडेट, या दिवशी रिलीज होणार सिनेमा

व्हॅलेंटाइन डे ला दिलासा

या आठवड्यात बॉक्स ऑफिसवर रिलीज होणारा कोणताही मोठा सिनेमा नसला तरी बुधवारी व्हॅलेंटाईन डे देखील आहे. त्यामुळे चित्रपटांचा व्यवसाय वाढण्याची आशा आहे. पण रोण्टॅक कॉमेडी असल्यामुळे ‘तेरी बात में ऐसा उल्झा जिया’ला अधिक फायदा मिळणार हेही निश्चित.