Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
जगभरातील लोकप्रिय iPhone ची नवीन सीरीज २०२४ च्या उत्तरार्धात लाँच केली जाऊ शकते. या सीरीजचे iPhone 16 Pro आणि iPhone 16 Pro Max दोन नवीन कलर्स मध्ये सादर केले जाऊ शकतात. हे कलर ग्रे आणि गोल्ड फिनिश आहेत. कंपनी मधील iPhone 15 सीरीजचे Pro मॉडेल्स गोल्ड कलरमध्ये लाँच झाले नव्हते.
गेल्यावर्षी लाँच करण्यात आलेल्या आयफोन १५ सीरीजचे फ्लॅगशिप स्मार्टफोन्स टायटेनियम फ्रेम मध्ये सादर करण्यात आले होते. सोशल मीडिया प्लॅटफॉर्म X चे युजर Majin Bu (@majinbuofficial) नं दोन डिजाइन शेयर केल्या आहेत, हे नवीन कलर्स मधील आयफोन १६ प्रो वाटत आहेत. कंपनीच्या नवीन प्रीमियम आयफोन मॉडेल्स Desert Titanium आणि Titanium Grey मध्ये लाँच केला जाऊ शकतो. नवीन डेजर्ट टायटेनियम (डेजर्ट येलो) कलर आयफोन १६ प्रो मॉडेल्स मधील गोल्ड कलर आहे. गेल्यावर्षी लाँच करण्यात आलेल्या आयफोन १५ सीरीजचे प्रो मॉडेल्स गोल्ड फिनिशमध्ये उपलब्ध झाले नव्हते. टिप्सटरने दिलेली माहिती खरी ठरल्यास आयफोन १६ प्रो द्वारे कंपनीच्या प्रीमियम स्मार्टफोन्समध्ये गोल्ड कलरचे पुनरागमन होऊ शकते.
आयफोन १६ प्रो मॉडेल्स मध्ये मोठी बॅटरी देखील दिली जाऊ शकते. अलीकडेच याच टिप्सटरनं सांगितलं आहे होतं की आयफोन १६ प्लसची बॅटरी कपॅसिटी गेल्यावर्षी सादर केलेल्या आयफोनच्या तुलनेत कमी असू शकते. या लीकमध्ये सांगण्यात आलं होतं की आयफोन १६ मध्ये ३,५६१ एमएएच आणि आयफोन १६ प्लस मध्ये ४,००६ एमएएचची बॅटरी दिली जाऊ शकते. आयफोन १६ प्रो मॅक्स मध्ये ४,६७६ एमएएचची बॅटरी असू शकते. आयफोन १६ प्रोच्या बॅटरीची माहिती मिळाली नाही.
या स्मार्टफोन सीरीजच्या iPhone 16 Pro आणि iPhone 16 Pro Max मध्ये ओव्हर हीटिंगच्या समस्येवर उपाय म्हणून Graphene मटेरियलचा वापर केला जाऊ शकतो. कंपनीनं आयफोन १५ सीरीजच्या महागड्या मॉडेल्समध्ये टायटेनियम फ्रेमचा वापर करण्यात आला होता, ज्याची थर्मल कंडक्टिविटी स्टेनलेस स्टील पेक्षा कमी असते. त्यानंतर iOS 17 अपडेट सह या स्मार्टफोन्समध्ये हीटिंगची समस्या काहीशी कमी झाली आहे. अलीकडेच PhoneArena च्या रिपोर्टमध्ये सांगण्यात आले होते की अ‍ॅप्पलच्या iPhone 16 Pro आणि iPhone 16 Pro Max मध्ये ग्रॅफाइट पॅड्स ऐवजी ग्राफिन शीटचा वापर करण्याची योजना आहे. या मटेरियलमुळे चिप मधून निघणारी हीट दूर करणे आणि स्मार्टफोनचे टेम्परेचर कमी करणे सोपे होईल.