अ‍ॅप डाउनलोड न करता पाहता येणार Instagram रिल्स, येतंय नवीन फिचर

Instagram आयफोन युजर्सनाना अ‍ॅप डाउनलोड न करता रिल्स बघण्याची सुविधा देणार आहे. हे आयफोनवर App Clips फिचरच्या माध्यमातून शक्य होईल, जे २०२१ मध्ये आयओएस १४ अपडेटमध्ये देण्यात आलं होतं. अ‍ॅप क्लिप्स मध्ये युजर्सना आयफोनवर अ‍ॅप डाउनलोड करण्यापूर्वी ते अनुभवण्याची संधी देतं. अ‍ॅप क्लिप्सच्या माध्यमातून तुम्ही बाइक रेंट करू शकता, पार्किंगचे पैसे देऊ शकता किंवा जेवणही मागवू शकता.इंस्टाग्रामचं देखील अ‍ॅप क्लिप येत आहे, ज्यावर रिल्स पाहता येतील.

Instagram App Clip

हे फिचर इंस्टाग्रामच्या बीटा व्हर्जन ३१९.०.२ मध्ये टेस्ट फ्लाइटच्या माध्यमातून दिसल्याची माहिती 9to5Mac ने दिली आहे. या व्हर्जनमध्ये इंस्टाग्रामचं अ‍ॅप क्लिप येईल. इंस्टाग्राम अ‍ॅप क्लिपच्या माध्यमातून तुम्ही नेटिव्ह इंटरफेसच्या माध्यमातून रिल्स पाहता येतील. यासाठी तुम्हाला तुमच्या आयफोनवर अ‍ॅप डाउनलोड करण्याची गरज नाही. विशेष म्हणजे जर तुम्हाला कोणी इंस्टाग्राम रीलची लिंक पाठवली आणि तुमच्याकडे अ‍ॅप नसेल तरी हे फिचर कामी येईल. तुम्ही त्या लिंकवर टॅप करून ती लिंक अ‍ॅप क्लिपमध्ये ओपन करू शकता.

इंस्टाग्राम अ‍ॅप क्लिपमध्ये तुम्ही स्क्रोल करून अधिक रील देखील पाहू शकतात आणि तुम्हाला इथे शेयर बटन देखील मिळेल. परंतु सहा रिल्स पाहून झाल्यावर अधिक रिल्स पाहण्यासाठी मात्र तुम्हाला इंस्टाग्राम अ‍ॅप डाउनलोड करण्याची सूचना दिली जाईल.

हे फिचर तेव्हा उपयुक्त ठरेल जेव्हा तुम्हाला काही रिल्स पाहायच्या असतील परंतु इंस्टाग्राम अ‍ॅप डाउनलोड करायचं नसेल. हल्ली खूप कमी आयफोन युजर्स असतील ज्यांच्या स्मार्टफोनवर इंस्टाग्राम अ‍ॅप नसेल. परंतु इंस्टाग्रामचं नवीन अ‍ॅप क्लिप फिचर लवकरच आयफोनवर अपडेटच्या माध्यमातून उपलब्ध होईल.

लवकरच येईल Flipside

इंस्टाग्राम सध्या फ्लिपसाइड फिचरची टेस्टिंग देखील करत आहे, ज्यात तुम्हाला एकाच अकाऊंटमध्ये सेकंडरी प्रोफाइल बनवता येईल. या प्रोफाइलमध्ये निवडक फॉलोवर्स असतील आणि याची फीड देखील नेहमीच्या प्रोफाइल पेक्षा वेगळी असेल. हे फिचर युजर्ससाठी कधी उपलब्ध होईल, याबाबत कोणतीही अचूक माहिती समोर आलेली नाही.