Google चा भारतीय ॲप्सना मोठा झटका; कुकू एफएम, भारत मॅट्रिमोनी आणि इतर भारतीय ॲप्सना Google Play Store काढले

By tejpolicetimes On Mar 3, 2024

Google ने भारतीय ॲप्सना मोठा झटका दिला असून कुकू एफएम, भारत मॅट्रिमोनी यांसह जवळपास 10 भारतीय ॲप्स Google Play Store वरून हटविण्यात आले आहेत. यावर गुगलचे म्हणणे आहे की, या ॲप्सने प्ले स्टोअरच्या वितरण नेटवर्कचा (मार्केटिंग नेटवर्क ) वापर करून डिजिटल वस्तूंची विक्री करण्यासाठी सेवा शुल्क (सर्विस फी ) भरलेले नाही.

बिलिंग धोरणांचे केले नाही पालन

Google ने आपल्या Android Play Store वरून 10 भारतीय ॲप काढून टाकले आहेत. या यादीत कुकू एफएम, भारत मॅट्रिमोनी, शादी डॉट कॉम, नौकरी डॉट कॉम, 99 एकर, ट्रूली मॅडली, क्वॅक क्वॅक, स्टेज, एएलटीटी (अल्ट बालाजी) आणि स्टेज ओटीटी या नावांचा समावेश आहे. गेल्या आठवड्यात, कंपनीने काही ॲप डेव्हलपर्सना Google च्या बिलिंग धोरणांचे पालन करण्यास अयशस्वी झाल्याबद्दल चेतावनी दिली होती.

गुगलने विवादित ॲप्सची नेमकी यादी जाहीर केलेली नाही. त्याऐवजी, टेक जायंटने 10 ॲप्स डिलिस्ट केले आहेत आणि ब्लॉग पोस्टद्वारे या हालचालीं बद्दल सूचित केले आहे. भारतीय युजर्स प्ले स्टोअरवर काही ॲप्स शोधू शकले नाही तेंव्हा हा बदल लक्षात आला.

Google ची ॲप वितरण धोरणे अन्यायकारक X वर निषेध सत्र

‘कुकू एफएम’चे सीईओ लालचंद बसू यांनी गुगलला व्यवसायासाठी सर्वात वाईट कंपनी म्हणत टीका केली आहे. त्याच्या X (पूर्वीचे ट्विटर) पोस्टमध्ये, त्यांनी नमूद केले आहे की, कंपन्यांना Google च्या अटी आणि नियम स्वीकारण्यास भाग पाडले जाते.
‘Naukri.com’ आणि ’99acres’ चे संस्थापक संजीव बिखचंदानी यांनीही गुगलवर नाराजी व्यक्त केली आहे . त्यांनी यावेळी भारतीय ग्राहक व्यवहार मंत्री पियुष गोयल यांना टॅग करत देशात UPI विकसित केले होते त्याचप्रमाणे स्वदेशी ॲप स्टोअरचे महत्त्व अधोरेखित केले आहे .
‘शार्क टॅंक इंडिया’चे आयकॉन व ‘Shaadi.com’ चे संस्थापक अनुपम मित्तल यांनी Google चे दावे खोटे असल्याचे नमूद केले आहे. त्यांनी इन्डायरेक्टली आमिर खानच्या लगान चित्रपटाचा संदर्भ देत डिलिस्टेड ॲप्सवर लादलेले सेवा शुल्क योग्य नसल्याचे नमूद केले.

Google ने मांडली बाजू

तिकडे Google च्या अधिकृत विधानानुसार मात्र , संबंधित ॲप्सने Play Store वर डिजिटल वस्तू विकण्यासाठी कंपनीकडून डेव्हलपर्सला आकारले जाणारे सेवा शुल्क भरणे वगळले असल्याचे सांगण्यात आले आहे .त्यांनी बिलिंग धोरणाचे पालन करण्यासाठी ॲप डेव्हलपर्सला तीन वर्षांमध्ये पुरेसा वेळ दिलेला असल्याचे सांगितले. गुगलने पुढे नमूद केले की, संबंधित ॲप डेव्हलपर थर्ड-पार्टी सोर्समार्फत त्यांचे ॲप्स वितरित करणे सुरू ठेवू शकतात. प्ले स्टोअरवरून ॲप डाउनलोड केलेले एक्झिस्टिंग युजर्सदेखील संबंधित ॲप्स कोणत्याही व्यत्ययाशिवाय वापरू शकतील.

Google ने आपल्या पोस्टमध्ये असेही नमूद केले आहे की, काही ॲप डेव्हलपर्सनी भारताच्या सर्वोच्च न्यायालयाकडून अंतरिम संरक्षण मिळवले आहे आणि हेतुपुरस्सर Google ला सेवा शुल्क न देण्याचा पर्याय निवडला आहे.

Play Store आणि Apple App Store इंटरनेटवरील सर्वात मोठे ॲप मार्केट

Google चे Play Store आणि Apple App Store हे इंटरनेटवरील दोन सर्वात मोठे ॲप मार्केट आहेत. तथापि, ॲप-मधील खरेदीवर उच्च कमिशन शुल्क आकारल्याबद्दल दोन्ही कंपन्यांवर अनेकदा टीका केली जाते. एपिक गेम्स सारख्या कंपन्यांनी ॲपल आणि गुगल यांच्या विरोधात त्यांच्या अयोग्य ॲप वितरण धोरणांवर कायदेशीर भूमिका घेतली आहे.

विशेष म्हणजे, Kuku FM, Naukri.com, 99acres आणि Shaadi.com व्यतिरिक्त, Play Store वरून काढलेल्या इतर ॲप्सनी अद्याप परिस्थितीवर भाष्य केलेले नाही. तसेच हे ॲप्स अद्यापही Apple ॲप स्टोअरवर उपलब्ध आहेत. Google असेही म्हणते की डेव्हलपर्सनी नियमांचे पालन केल्यावर ते ॲप्स त्याच्या Play Store वर परत करेल. आता हे ॲप्स या परिस्थितीवर कशी प्रतिक्रिया देतात हे पाहणे मनोरंजक असेल.

Source link