५० एमपीचा सेल्फी कॅमेरा असलेल्या फोनची किंमत झाली कमी; जाणून घ्या Vivo V29e 5G चे नवे दर

स्मार्टफोन कंपन्या आपली विक्री वाढविण्यासाठी आणि ग्राहकांना आकर्षित करण्यासाठी सतत काही ना काही करत असतात. यात डिस्काउंट ऑफर, कॉस्ट कटिंग आणि EMI सारख्या ऑप्शनचा समावेश असतो. विवोनं देखील आता भारतात आपल्या Vivo V29e ची किंमत १,००० रुपयांनी कमी केली आहे. इतकेच नव्हे तर यावर बँक ऑफर देखील मिळत आहे. हा फोन Vivo च्या प्रीमियम मिड-रेंज लाइनअप अंतगर्त ऑगस्ट २०२३ मध्ये लाँच झाला होता. याचा लुक, स्पेसिफिकेशन्स आणि जबरदस्त फ्रंट कॅमेरा यामुळे हा सर्वाधिक चर्चेत राहिला आहे. चला जाणून घेऊया मोबाइलची नवीन किंमत आणि फीचर्स.

Vivo V29e ची नवीन किंमत

Vivo V29e स्मार्टफोन भारतात दोन स्टोरेज ऑप्शनमध्ये सेलसाठी उपलब्ध आहे. डिवाइसचा ८ जीबी रॅम व १२८ जीबी मॉडेल आता फक्त २५,९९९ रुपयांमध्ये मिळत आहे. तर ८ जीबी रॅम व २५६ जीबी व्हेरिएंट प्राइस कट नंतर फक्त २७,९९९ रुपयांमध्ये विकला जात आहे.

विवो एचडीएफसी बँक आणि आयसीआयसीआय बँक क्रेडिट आणि डेबिट कार्डवर २,००० रुपयांची अतिरिक्त सूट देखील देत आहे. तसेच ग्राहक ६ महिन्यापर्यंत नो-कॉस्ट ईएमआयचा ऑप्शन देखील निवडू शकतात.

Vivo V29e चे स्पेसिफिकेशन्स

विवो वी२९ई डिवाइस ६.७८ इंचाच्या कर्व अॅलोमेड डिस्प्लेसह येतो. या स्क्रीनवर दमदार १२० हर्ट्झ रिफ्रेश रेट आणि २४०२ x१०८० चा एफएचडी प्लस रिजॉल्यूशन आहे. स्मार्टफोनमध्ये युजर्सना चांगल्या डिस्प्ले एक्सपीरियंससाठी १३०० निट्स पीक ब्राइटनेस मिळते. पावर बॅकअपसाठी यात ५,०००एमएएचची बॅटरी, ४४वॉट फास्ट चार्जिंग सपोर्टसह येते.

Vivo V29e 5G मोबाइल क्वॉलकॉमच्या स्नॅपड्रॅगन ६९५ ऑक्टा कोर प्रोसेसरसह चालतो. डिव्हाइसमध्ये ८ जीबी रॅमसह ८ जीबी पर्यंत रॅम ३.० चा सपोर्ट देखील आहे. म्हणजे तुम्ही फोनमध्ये १६ जीबी पर्यंत रॅमचा वापर करू शकाल. तर इंटरनल स्टोरेजसाठी २५६जीबीचा सपोर्ट देण्यात आला आहे. फोनमध्ये ६४ मेगापिक्सलचा ऑप्टिकल इमेज स्टॅबिलायजेशन असलेला प्रायमरी कॅमेरा आणि ८ मेगापिक्सल अल्ट्रा वाइड अँगल लेन्स मिळते. तसेच, विवो वी२९ई मध्ये ५० मेगापिक्सलचा फ्रंट कॅमेरा आहे.