Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
iQOO Z9 5G १२ मार्चला भारतात लाँच होईल. कंपनी हा मोबाइल सतत सोशल मीडिया प्लॅटफॉर्मवर टीज करत आहे. आता टिपस्टर मुकुल शर्मानं फोन लाँचच्या पूर्वीच आयकू झेड९ ५जीची किंमत इंटरनेटवर लीक केली आहे. फोनच्या मेमरी व्हेरिएंट्स तसेच त्यांच्या किंमतीसह फोनमध्ये मिळणाऱ्या ऑफर्सची माहिती देखील या लीकमध्ये समोर आली आहे.
iQOO Z9 5G ची संभाव्य किंमत
iQOO Z9 Specifications
iQOO Z9 5G ची संभाव्य किंमत
लीकनुसार आयकू झेड ९ ५जी फोन ८जीबी रॅमसह लाँच केला जाईल तसेच दोन स्टोरेज व्हेरिएंट्समध्ये सेलसाठी उपलब्ध होईल. बेस मॉडेलमध्ये १२८जीबी स्टोरेज मिळेल ज्याची किंमत १९,९९९ रुपये असेल तर. मोठा व्हेरिएंट २५६जीबी स्टोरेजसह २१,९९९ रुपयांमध्ये विकला जाईल. या फोनवर २,००० रुपयांचा बँक डिस्काउंट (ICICI आणि HDFC) मिळण्याची शक्यता आहे. त्यामुळे iQOO Z9 5G ची प्रभावी किंमत अनुक्रमे १७,९९९ आणि १९,९९९ रुपये होईल.
iQOO Z9 Specifications
कंपनीनं सांगितलं आहे की हा मोबाइल AMOLED पॅनलवर बनलेल्या Punch-Hole Display सह लाँच केला जाईल. यात १२००Hz Touch Sampling Rate तसेच १८००नीट्स ब्राइटनेस सारखे फीचर्स मिळतील.
आयकू झेड९ ५जी फोन ४नॅनोमीटर फॅब्रिकेशनवर बनलेल्या Mediatek Dimensity ७२०० चिपसेटवर लाँच केला जाईल जो २.८गीगाहर्ट्झ क्लॉक स्पीडवर चालू शकतो. ब्रँडने सांगितलं आहे की iQOO Z9 5G ला AnTuTu बेंचमार्कमध्ये ७३४,९२४ पॉईंट्स मिळेल आहेत. जे या बजेटमधील स्मार्टफोन्ससाठी खूप चांगले आहेत.
फोनमध्ये ड्युअल रियर कॅमेरा मिळेल. यात 50MP Sony IMX882 मेन सेन्सर दिला जाईल जो ऑप्टिकल इमेज स्टॅबिलायजेशन फीचरसह येईल. तसेच या फोनमध्ये Portrait, Night आणि Macro मोड सोबतच 30fps 4k Video Recording चा सपोर्ट दिला जाईल.
पावर बॅकअपसाठी या आयकू स्मार्टफोनमध्ये ५,०००एमएएच बॅटरी दिली जाईल. कंपनीचा दावा आहे की फुल चार्जमध्ये हा मोबाइल सतत ६७.८ तास पर्यंत म्यूजिक प्ले करू शकतो. तसेच फोनमध्ये फास्ट चार्जिंग देखील मिळेल.