दरवाढीला Airtel कडून सुरुवात! ४० रुपयांपर्यंत महाग झाले ‘हे’ प्रीपेड प्लॅन

Bharti Airtel नं आपल्या ग्राहकांना एक मोठा धक्का दिला आहे. कारण एअरटेलनं आपल्या दोन प्रीपेड प्लॅन्सच्या किंमतीत ४० रुपयांपर्यंतची वाढ केली आहे. एअरटेलनं गुपचूप ११८ रुपये आणि २८९ रुपयांच्या प्लॅन्सच्या किंमती वाढवल्या आहेत. ११८ रुपयांच्या प्लॅन ११ तर २८९ रुपयांच्या प्लॅनची किंमत ४० रुपयांची वाढवण्यात आली आहे.

११८ रुपयांचा प्लॅन, एक 4G डेटा व्हाउचर आहे, आता १२९ रुपयांचा झाला आहे म्हणजे हा प्लॅन ११ रुपयांनी महाग झाला आहे. तर, २८९ रुपयांचा प्लॅन आता ३२९ रुपयांचा झाला आहे, म्हणजे हा ४० रुपयांची महागला आहे. प्लॅन नवीन किंमतीत एअरटेल वेबसाइटसह मोबाइल अ‍ॅपवर देखील लिस्ट करण्यात आले आहेत. चला या दोन्ही प्लॅन्स आणि त्यांच्या अपडेटेड किंमतीची माहिती घेऊ.

एअरटेलचा १२९ रुपयांचा डेटा पॅक

एअरटेलचा १२९ रुपयांचा प्लॅन १२जीबी डेटा सह येतो. आदी याची किंमत ११८ रुपये होती म्हणजे आता यात ११ रुपयांची दरवाढ करण्यात आली आहे. विशेष म्हणजे हा एक डेटा पॅक आहे आणि यात बल्क डेटा मिळतो. या प्लॅनची व्हॅलिडिटी, अ‍ॅक्टिव्ह बेस प्रीपेड प्लॅन इतकी असते. या प्लॅनमध्ये इतर कोणतीही बेनिफिट मिळत नाहीत. ११८ रुपयांवरून १२९ रुपये किंमत केल्यामुळे या प्लॅनमध्ये प्रत्येक जीबी डेटाची किंमत ९.८३ रुपयांवरून १०.७५ रुपये झाली आहे.

एअरटेलचा ३२९ रुपयांचा प्रीपेड प्लॅन

एअरटेलच्या ३२९ रुपयांच्या प्लॅनची किंमत आधी २८९ रुपये होती, म्हणजे हा आता आधीपेक्षा ४० रुपयांनी मंगल आहे. हा प्लॅन ३५ दिवसांच्या व्हॅलिडिटीसह येतो. या प्लॅनसह युजर्सना ४जीबी डेटा, अनलिमिटेड व्हॉइस कॉलिंग आणि ३०० एसएमएस मिळतात. या प्लॅनमध्ये ग्राहकांना मोफत एअरटेल थँक्स बेनिफिट्स देखील मिळतात, ज्यात अपोलो २४/७ सर्कल सब्सक्रिप्शन, फ्री हॅलोट्यून्स आणि फ्री विंक म्यूजिकचा समावेश आहे.

किंमत तर बदलली आहे त्यामुळे रोजचा खर्च देखील ८.२५ रुपयांवरून ९.४ रुपये झाला आहे. परंतु हा प्लॅन ग्राहकांना डेटा ऑफर करण्यासाठी नाही तर त्या युजर्ससाठी आहे, ज्यांना काही जीबी डेटा आणि व्हॉइस कॉलिंग बेनिफिट्ससह शॉर्ट टर्म व्हॅलिडिटी हवी आहे.

काही दिवसांपूर्वी कंपनीचे चेअरमन भरती मित्तल यांनी एका मुलाखतीत सांगितलं होतं की लवकरच दरवाढ होऊ शकते. त्यामुळे टेलीकॉम कंपनीनं आता केलेली ही दरवाढ अ‍ॅवरेज रेवेन्यू पर युजर (ARPU) वाढवण्यासाठी आहे का असा प्रश्न ग्राहकांना पडला आहे? तसेच उर्वरित प्लॅन्सच्या किंमती देखील वाढणार आहेत का?