शॉपिंग प्लॅटफॉर्म्सवर आता मिळणार नाहीत ‘डेथ आयटम्स’; ‘PETA’ ला दिला प्रतिसाद

आजकाल कोणतेही उत्पादन घ्यायचे असेल तर लगेच ऑनलाइन शॉपिंग प्लॅटफॉर्मची मदत घेतली जाते. अगदी छोट्या छोट्या गोष्टींपासून मोठ्या उत्पादनापर्यंत खरेदी करण्यासाठी Amazon, Flipkart किंवा Meesho सारख्या प्लॅटफॉर्मवर वळणाऱ्यांसाठी एक वाईट बातमी आहे. इथून पुढे या प्लॅटफॉर्मवरून उंदीर मारण्याचे साहित्य खरेदी करता येणार नाही. वास्तविक, आता उंदीर मारण्याच्या सापळ्यांच्या विक्रीवर बंदी आली आहे.

पेटा इंडियाने केली मागणी

‘PETA इंडिया’ या प्राण्यांच्या हक्कांवर काम करणाऱ्या संस्थेने केलेल्या मागणीमुळे आणि दबावामुळे उंदीर पकडणे आणि संबंधित वस्तू आता Amazon, Flipkart आणि Meesho सारख्या ई-कॉमर्स प्लॅटफॉर्मवरून खरेदी करता येणार नाहीत.
त्यामुळे या प्लॅटफॉर्मने गोंद सापळे आणि प्राण्यांना हानी पोहोचवू शकतील अशा उपकरणांच्या विक्रीवर बंदी घातली आहे.

प्राण्यांवरची क्रूरता रोखणे

अनेकदा उंदीर आणि इतर लहान प्राणी पकडण्यासाठी गोंद सापळे वापरले जातात. यामध्ये अडकलेले प्राणी अडकतात आणि बाहेर पडू शकत नाहीत. अशा प्रकारे ते हळूहळू मरतात. अशा सापळ्यात उंदीर आणि प्राणी तासंतास अडकून राहतात, सुटकेच्या नादात स्वतःला इजा करवून घेतात किंवा उपासमारीने मरतात. पेटा अनेक दिवसांपासून अशा क्रूरतेवर बंदी घालण्याची मागणी करत आहे.

अनेक राज्यांत बंदी

ऑनलाइन किरकोळ विक्रेत्यांनी मोठा निर्णय घेतला असून प्राण्यांवर होणारी अशी क्रूरता थांबवण्याच्या दिशेने हे पाऊल उचलले आहे. आता या ई-कॉमर्स प्लॅटफॉर्मवरून उंदीर मारण्याचे सापळे आणि अशी उपकरणे खरेदी करता येणार नाहीत.अनेक राज्ये आणि केंद्रशासित प्रदेशांनी यापूर्वीच गोंद सापळ्यांच्या विक्री, उत्पादन आणि वापरावर बंदी घातली आहे.

इतर प्लॅटफॉर्म्सनाही अनुकरणाचे आवाहन

PETA ने या बदलाचे कौतुक केले. तसेच हा बदल केल्याबद्दल Amazon, Flipkart, Meesho, JioMart आणि Snapdeal सारख्या प्लॅटफॉर्मचे कौतुक केले आहे. तथापि, संस्थेने बिगबास्केट आणि इंडियामार्टला तसे करण्याचे आवाहन केले आहे. आतापर्यंत त्यांनी या उत्पादनांच्या विक्रीवर बंदी घातलेली नाही.