साप्ताहिक राशिभविष्य 18 मार्च ते 24 मार्च : या राशींसाठी करिअरसंबंधी शुभवार्ता, फक्त विरोधकांपासून सावध राहा ! पाहा राशिभविष्य

By tejpolicetimes Last updated Mar 18, 2024

मेष – अतिआत्मविश्वास आणि अहंकार यापासून दूर राहा

मेष राशीच्या लोकांना या आठवड्यात मनासारखे यश मिळवण्यासाठी कठोर परिश्रम आणि प्रयत्न करावे लागणार आहेत. आठवड्याच्या सुरुवातीला महत्त्वपूर्ण कामात अनावश्यक विलंब झाल्याने मन उदास होईल. या आठवड्यात स्वतःच्या रागावर नियंत्रण ठेवा आणि इतरांशी विनयशील वर्तन ठेवा. अतिउत्साहात स्वतःवरील नियंत्रण गमावू नका आणि कोणाशी चुकीचे वर्तन करू नका, अन्यथा तुम्हाला मोठ्या नुकसानीला तोंड द्यावे लागेल. एकूण या आठवड्यात तुम्हाला अतिआत्मविश्वास आणि अहंकार यापासून दूर राहायचे आहे. व्यापारशी संबंधित लोकांना पैशाच्या देवाणघेवाणीपासून सावध राहिले पाहिजे. कोणतीही योजना सुरू करताना तुमच्या शुभचिंतकांचा सल्ला नक्की ऐका. या आठवड्यात प्रेमसंबंधात काही अडचणींचा सामना करावा लागू शकतो. लव्ह पार्टनरची भेट न झाल्याने मन अस्वस्थ राहील. जोडीदाराच्या प्रकृतीची चिंता राहील.

भाग्यकारक रंग : पांढरा
भाग्यांक अंक : 15

वृषभ – करिअरसंबंधी शुभवार्ता मिळेल

श्री गणेश सांगतात हा आठवडा वृषभ राशीच्या लोकांसाठी शुभता आणि सौभाग्य घेऊन येईल. आठवड्याच्या सुरुवातीला तुम्हाला करिअर आणि व्यवसायाशी संबंधित एखादी शुभवार्ता मिळेल. आर्थिक बाजू मजबूत होईल. नोकरदार लोकांसाठी उत्पन्नाचे नवे मार्ग बनतील. अर्थात या बरोबरीने सुखसुविधांशी संबंधित वस्तूंवर खर्च वाढेल. जर तुम्ही बऱ्याच दिवसांपासून नोकरी बदलण्याचा विचार करत असाल तर या आठवड्यात तुम्हाला चांगल्या ठिकाणाहून ऑफर येईल. नोकरदार महिलांचा घरी आणि कार्यस्थळी सन्मान वाढेल. सत्ता आणि सरकारशी संबंधित प्रलंबित कामे पूर्ण होतील. जे लोक बऱ्याच दिवसांपासून परदेशात करिअर किंवा व्यापार स्थापन करण्याच्या प्रयत्नात होते, त्यांना या आठवड्यात मोठे यश मिळेल. प्रेमसंबंधाच्या दृष्टीने हा आठवडा अनुकूल राहील. लव्ह पार्टनरसोबत चांगला ताळमेळ दिसेल. वैवाहिक जीवन सुखमय राहील. जोडीदार आणि कुटुंबीयांसोबत आनंदाचे क्षण घालवण्याच्या संधी मिळतील.

भाग्यकारक रंग : निळा
भाग्यांक अंक : 1

मिथुन – वरिष्ठांकडून कौतुक होईल

मिथुन राशीच्या लोकांना आजचा आठवडा शुभ ठरणार आहे. आठवड्याचा पूर्वाध हा उत्तरार्धाच्या तुलनेत चांगला जाईल. या कालावधित तुम्ही करिअर आणि व्यवसायाशी संबंधित केलेला प्रवास किंवा एखादा मोठा निर्णय भविष्यात तुमच्यासाठी मोठ्या फायद्याचे कारण ठरेल. व्यापाराशी संबंधित लोकांना या आठवड्यात चांगला लाभ मिळणार आहे. जवळच्या मित्राच्या मदतीने एखाद्या लाभकारी योजनेशी जोडून घेण्याची संधी मिळेल. नोकरदार लोकांना पूर्वी केलेल्या कामांचे चांगले परिणाम मिळतील. वरिष्ठ तुमच्या कामाचे कौतुक करतील. आठवड्याच्या उत्तरार्धात तुम्हाला एखाद्या धार्मिक किंवा मंगलकार्यात सहभागी होण्याची संधी मिळेल. एखाद्या प्रभावशाली व्यक्तीच्या मदतीने जमीन किंवा घराशी संबंधित वादांवर तोडगा निघेल, त्यामुळे तुम्हाला दिलासा मिळेल. एखाद्या जुन्या मित्राची भेट झाल्याने जुन्या आठवणींना उजाळा मिळेल. प्रेमसंबंध दृढ होतील.

भाग्यकारक रंग : लाल
भाग्यांक : 14

कर्क – अडचणींचा सामना करावा लागेल

कर्क राशीच्या लोकांना या आठवड्यात कार्यक्षेत्रात काही अडचणींचा सामना करावा लागू शकतो. आठवड्याच्या सुरुवातीला तुम्हाला करिअर किंवा व्यापाराशी संबंधित एखादा दूरचा प्रवास करावा लागू शकतो. हा प्रवास थकवणारा आणि तुमच्या अपेक्षेपेक्षा कमी फलदायी ठरल्याने तुम्ही थोडे उदास व्हाल. या आठव्यात तुमचे सामान आणि शरीर या दोन्हींची फार काळजी घ्यावी लागणार आहे. हंगामी आजार किंवा एखाद्या जुन्या आजारामुळे शारीरिक कष्टांना तोंड द्यावे लागू शकते. वाहन चालवताना काळजी घ्या अन्यथा दुखापत होऊ शकते. व्यापाराशी संबंधित लोकांना व्यापारविषयक मोठा निर्णय फार विचारपूर्वक घ्यावा. आर्थिक दृष्टिकोनातून हा आठवडा मध्यम राहाणार आहे. आठवड्याच्या अखेरीस संततीसंबंधित एखादी गरज पूर्ण करताना तुम्हाला मोठा खर्च करावा लागू शकतो. प्रेमसंबंधात काही कारणांमुळे गैरसमज होऊ शकतात. हे गैरसमज दूर करण्यासाठी वादविवाद न करता संवादाचा आधार घ्यावा. अडचणीच्या काळात जोडीदार आधार बनेल.

भाग्यकारक रंग : गुलाबी
भाग्यांक अंक : 5

सिंह – आजचे काम उद्यावर ढकलू नका

सिंह राशीच्या लोकांसाठी हा आठवडा संमिश्र राहील. या आठवड्यात तुम्हाला तुमचा वेळ आणि पैसा दोन्हींचे नियोजन करावे लागणार आहे. कोणतेही काम उद्यावर टाकू नका, तसेच अनिच्छेने काम करू नका अन्यथा मोठ्या आर्थिक नुकसानीला तोंड द्यावे लागेल. तुमच्या समस्या जास्त दिवसांपर्यंत बिघडू देऊ नका, त्या लवकरात लवकर सोडवण्याचा प्रयत्न करा. आठवड्याच्या मध्यास घरातील ज्येष्ठांच्या प्रकृतीची चिंता सतावेल. नोकरदार लोकांना कामाच्या ठिकाणी वरिष्ठ आणि कनिष्ठ या दोन्हींशी ताळमेळ ठेवावा लागणार आहे. तुमच्या विरोधकांपासून सावध राहाल. विद्यार्थ्यांचे अभ्यासात मन लागणार नाही. प्रेमसंबंधात सावधपणे पावले उचला. तुमच्या लव्ह पार्टनच्या खासगी आयुष्यात फार हस्तक्षेप करू नका. प्रेमसंंबंध चांगले बनवण्यासाठी तुमच्या लव्ह पार्टनरच्या भावनांकडे दुलर्क्ष करू नका.

भाग्यकारक रंग : जांभळा
भाग्यांक : 10

कन्या – जीवनातील अडचणी कमी होणार

कन्या राशीसाठी हा आठवडा जीवनातील सर्व अडचणी दूर करणारा सिद्ध होईल. आठवड्याच्या सुरुवातीला कोर्टकचेरीशी संबंधित एखादा निर्णय तुमच्या बाजूने येईल, किंवा विरोधक न्यायालयाबाहेर तडजोड करण्याचा प्रस्ताव देऊ शकतील. कोणताही मोठा निर्णय घेताना कुटुंबाची मदत आणि पाठबळ मिळेल. नोकरदार लोकांना उत्पन्नाचे नवे स्रोत मिळतील. प्रदीर्घ काळापासून तुम्ही एखादे नवीन काम सुरू करण्याचा विचार करत असाल तर या आठवड्यात तुमची ही इच्छा पूर्ण होईल. जमीन किंवा घर खरेदीच्या दृष्टीने हा आठवडा शुभ सिद्ध होईल. व्यापाराशी संबंधित लोकांना बाजारातील तेजीचा लाभ होईल आणि बाजारात तुमचे महत्त्व वाढेल. कामच्या जोडीने स्वतःच्या प्रकृतीकडे लक्ष द्या. खाण्यापिण्यावर विशेष लक्ष द्या. बऱ्याच दिवसांपासून जर तुम्ही प्रेमाची कबुली देण्याचा विचार करत असाल तर या आठवड्यात प्रयत्न करू शकता. पूर्वीपासून सुरू असलेले प्रेमसंबंध अधिक मजबूत होतील.

भाग्यकार रंग : नारंगी
भाग्यांक अंक : 1

तूळ – वडिलोपार्जित संपत्ती मिळेल

तूळ राशीसाठी हा आठवडा जुन्या चुका सुधारणे आणि अपूर्ण कामे पूर्ण करण्यासाठी अत्यंत शुभ सिद्ध होणार आहे. आठवड्याच्या सुरुवातीला एखाद्या वरिष्ठ व्यक्तीच्या मदतीने नातेवाईकांसोबत झालेले गैरसमज दूर होतील. वडिलार्जित संपत्ती मिळेल. आठवड्याच्या सुरुवातीला एखाद्या मंगलकार्यात किंवा धार्मिक कार्यात भाग घेण्याची संधी मिळेल. एखाद्या तीर्थयात्रेची संधी मिळेल. नोकरदार व्यक्तींना हा आठवडा अत्यंत शुभ सिद्ध होईल. या आठवड्यात तुम्हाला एखादे मोठे पद किंवा जबाबदारी मिळेल. व्यापारात योजनाबद्धरीत्या काम केल्याने मनासारखा लाभ होईल. प्रेमसंबंध मजबुत होतील आणि लव्ह पार्टनरसोबत आनंदाचे क्षण व्यतित करण्याची संधी मिळेल. वैवाहिक जीवन सुखमय राहील. लहानसहान तक्रारींकडे दुलर्क्ष केले तर आरोग्य सामान्य राहील.

भाग्यकारक रंग : काला
भाग्यांक : 12

वृश्चिक – विरोधकांपासून सावध राहा

वृश्चिक राशीच्या लोकांना या आठवड्यात विरोधकांपासून फार सावध राहावे लागणार आहे. तुमच्या ध्येयापासून तुम्हालि नेहमी विचलित करणाऱ्या लोकांपासूनही तुम्हाला सावध राहावे लागणार आहे. कोणतेही काम घाईगडबडीत न करता ते विचारपूर्वक करा, अन्यथा तुमचे मोठे नुकसान होऊ शकते. आठवड्याच्या मध्यास एखादा जुन्या किंवा हंगामी आजारामुळे तुमच्या शरीर आणि मनाला त्रास होईल. या काळात तुमची जीवनशैली नीट ठेवा आणि खाण्यापिण्यावर विशेष लक्ष ठेवा. नोकरदार व्यक्तींना कामच्या ठिकाणी मिळूनमिसळून काम करावे. कोणत्याही स्थितीत वरिष्ठांसोबत संबंध बिघडणार नाहीत, याकडे लक्ष द्या. परीक्षा आणि स्पर्धांच्या तयारी करत असणाऱ्या विद्यार्थ्यांना अपेक्षित यश मिळवण्यासाठी तुम्हाला कठोर परिश्रम घ्यावे लागतील. प्रेमसंबंधात कोणत्याही प्रकारच्या गैरसमजांना थारा देऊ नका. सकारात्मक विचारने पुढे जा, जेणे करून प्रेमसंबंध दृढ होतील. जोडीदाराच्या प्रकृतीमुळे चिंतित राहाल.

भाग्यकारक रंग : पिवळा
भाग्यांक : 3

धनू – घाईगडबड टाळा

धनू राशीच्या लोकांनी या आठवड्यात नशिबावर विसंबून न राहाता कर्मावर विश्वास ठेऊन पुढे गेले पाहिजे. कोणत्याही प्रकारची घाईगडबड टाळा, वाहन चालवतानाही काळजी घ्या. या आठवड्यात सामाजिक घडामोडींत तुमची रुची कमी होईल आणि तुम्ही गर्दीपासून दूर, एकांतात राहाणे पसंत कराल. पण घर किंवा व्यावसायाशी संबंधित कोणताही मोठा निर्णय एकट्याने न घेता जवळचे मित्र, शुभचिंतक यांचा सल्ला घेणे योग्य राहील. जमीन, घर किंवा वडिलार्जित संपत्तीचा वाद कोर्टात न नेता चर्चेतून सोडवणे योग्य राहील. आठवड्याच्या मध्यावर घरची दुरुस्ती आणि चैनीच्या वस्तूंच्या खरेदीवर मोठी रक्कम खर्च होऊ शकते. आठवड्याच्या उत्तरार्धात अचानक दूरचा किंवा जवळचा प्रवास करावा लागू शकतो. प्रेमसंबंधाच्या दृष्टीने हा आठवडा अनुकूल सिद्ध होईल. लव्ह पार्टनरसोबत चांगला ताळमेळ राहील.

भाग्यकारक रंग : हिरवा
भाग्यांक अंक : 11

मकर – फायदा आणि तोटा याचा विचार करुन निर्णय घ्या.

मकर राशीच्या लोकांना या आठवड्यात फायदा आणि तोट्याचा विचार करावा लागणार आहे. आठवड्याच्या सुरुवातीला घाईगडबडीत आणि बेजबाबदारपणे काम करणे टाळा, अन्यथा लहान चूकही होत असलेली कामे बिघडवू शकते. नोकरदार लोकांवर कामाचा ताण जास्त राहील. हे काम वेळेवर पूर्ण करण्यासाठी अतिरिक्त कष्ट आणि प्रयत्न करावे लागतील. आठवड्याचा पूर्वाध उत्तरार्धापेक्षा तुलनेत दिलासदायक राहील. या काळात व्यापारात मनासारखा लाभ मिळेल. जर तुम्ही दीर्घकाळापासून तुमचा व्यापार वाढवण्याचा विचार करत असाल तर तुमची इच्छापूर्ण होईल. या काळात उत्पन्नाबरोबरच खर्चही जास्त राहील. सुखसुविधांशी संबंधित एखादी वस्तू खरेदी केल्याने घरी आनंदाचे वातावरण राहील. कटूगोड तक्रारींसह प्रेमाची वाटचाल सुरू राहील. आठवड्याच्या अखेरीस तुम्हाला तुमच्या लव्ह पार्टनरकडून भेटवस्तू मिळेल.

भाग्यकारक रंग : करडा
भाग्यांक : 8

कुंभ – चढउतारांचा आठवडा

कुंभ राशीच्या जातकांसाठी हा आठवडा चढउतारांचा असेल. आठवड्याच्या सुरुवातीला काम जास्त असल्याने तुम्ही कुटुंबाला पुरेसा वेळ देऊ शकणार नाही. तुम्ही कामात फार व्यस्त राहाल, त्यामुळे काही वेळा तुम्हाला तणावाच्या स्थितीतून जावे लागेल. अशा वेळी तुम्हाला तुमचा व्यवहार सकारात्मक ठेवावा लागणार आहे. आठवड्याच्या मध्यास एखाद्या मैत्रिणीच्या मदतीने दीर्घकाळापासून रखडलेले काम पूर्ण झाल्याने तुम्हाला दिलासा मिळेल. जर तुम्ही रोजगाराच्या शोधात असला तर तुम्हाला मनासारखी संधी मिळण्यासाठी थोडा वेळ वाट पाहावी लागेल. भागीदारीत व्यवसाय करत असणाऱ्यांनी व्यापार दुसऱ्याच्या हाती सोपवणे आणि डोळे झाकून विश्वास ठेवणे यापासून दूर राहिले पाहिजे. प्रेमसंबंधात लव्ह पार्टनरच्या भावनांकडे दुलर्क्ष करू नका, त्यांच्या गरजा आणि अडचणी समजून घ्या. अडचणींच्या काळात जोडीदार सावलीसारखा तुमच्यासोबत उभा राहील.

भाग्यकारक रंग : राखाडी
भाग्यांक : 6

मीन – स्वतःचे काम आणि ध्येय याकडे लक्ष द्या

मीन राशीच्या जातकांना या आठवड्यात दुसऱ्यांच्या कामात गुंतून न जाता स्वतःच्या ध्येयावर लक्ष केंद्रित केले पाहिजे. तसेच एखादे काम अपूर्ण ठेऊन दुसरे काम हाती घेऊ नका, असे केल्याने दोन्ही कामे अपूर्ण राहतील. तसेच स्वतःचे काम दुसऱ्यावर सोपवण्यापेक्षा ते स्वतःच पूर्ण करावे. आठवड्याच्या सुरुवातीला एखाद्या प्रभावशाली व्यक्तीशी भेट होई, त्यामुळे भविष्यात एखाद्या लाभाच्या योजनेत सहभागी होण्याची संधी मिळेल. आठवड्याच्या मध्याला तुमचे विरोधक तुमचे लक्ष विचलित करण्याचा आणि तुमच्यावर प्रभाव टाकण्याचा प्रयत्न करतील, त्यामुळे तुम्हाला फार सावध राहून काम करावे लागणार आहे. व्यापारासी संबंधित लोकांना मंदीचा सामना करावा लागेल. आठवड्याच्या अखेरीस करिअर किंवा व्यवसायाशी संबंधित दूरचा प्रवास करावा लागू शकतो. प्रेमसंबंध सामान्य राहतील. वैवाहिक जीवन सुखमय असेल. कठीण काळात जोडीदार तुमचा आधार बनेल.

भाग्यकारक रंग : सोनेरी
भाग्यांक अंक : 4

Source link