निवडणूक आयोगाची कारवाई ; तुमचेही नाव मतदार यादीतून वगळले आहे का? तपासा ऑनलाइन या सोप्या स्टेप्स फॉलो करून

लोकसभा निवडणुकीच्या 2024 च्या तारखा जाहीर झाल्या आहेत. यंदाच्या लोकसभा निवडणुकीसाठी भारतीय निवडणूक आयोगाने पूर्ण तयारी केली आहे. अनेक वेळा एकापेक्षा जास्त मतदान झाल्याच्या बातम्या येतात. म्हणजे एखादी व्यक्ती एकाहून अधिक ठिकाणी मतदान करते. याचे कारण एकापेक्षा जास्त मतदार ओळखपत्रे असणे हे आहे. हे टाळण्यासाठी निवडणूक आयोग वेळोवेळी मतदार यादीतून बनावट व बोगस मतदार काढून टाकत असतो. तथापि, भारत हा एक मोठा देश असल्याकारणाने अशा परिस्थितीत कधी-कधी खऱ्या मतदारांची नावेही मतदार यादीतून चुकून गायब होतात. अशा परिस्थितीत निवडणुकीपूर्वी तुमचे नाव मतदार यादीतून गायब झाले आहे की नाही हे तुम्ही घरबसल्या ऑनलाइन तपासू शकता. त्याची प्रक्रिया खूप सोपी आहे.

नाव तपासणीची ऑनलाइन प्रक्रिया

सर्वप्रथम, फोन किंवा लॅपटॉपच्या मदतीने तुम्ही https://electoralsearch.eci.gov.in/ या वेबसाइटला भेट द्या.
यानंतर एक नवीन पेज उघडेल, जिथे तुम्हाला तीन पर्याय दिसतील.
हे पर्याय असतील – तपशीलांनुसार शोधा, EPIC द्वारे शोधा आणि मोबाइलद्वारे शोधा.

पहिला पर्याय

तुम्ही तपशीलवार शोध हा पर्याय निवडल्यास, तुम्हाला तुमचे नाव, तुमच्या वडिलांचे किंवा पतीचे नाव, जन्मतारीख, वय, लिंग, राज्य, जिल्हा आणि विधानसभा मतदारसंघ यांचा तपशील टाकावा लागेल.
यानंतर कॅप्चा कोड टाकावा लागेल. यानंतर तुमचे नाव असेल तर ते दिसेल.

दुसरा पर्याय

तुम्ही ‘EPIC शोध’ पर्यायावर टॅप केल्यास, तुम्हाला भाषा निवडावी लागेल आणि तुमचा EPIC क्रमांक टाकावा लागेल.
यानंतर कॅप्चा टाकावा लागेल. त्यानंतर तुम्हाला सर्च बटणावर क्लिक करावे लागेल.

तिसरा पर्याय

तुम्ही मोबाईलद्वारे सर्च हा पर्याय निवडल्यास, तुम्हाला राज्य आणि भाषा निवडावी लागेल.
यानंतर, तुम्हाला मतदार ओळखपत्रावर रजिस्टर्ड मोबाईल क्रमांक टाकावा लागेल.
त्यानंतर कॅप्चा कोड टाकावा लागेल.
त्यानंतर तुम्हाला सर्च बटणावर क्लिक करावे लागेल.

या तीनही प्रकारे तुम्ही ‘लोकसभा निवडणूक 2024’ च्या मतदार यादीत तुमचे नाव तपासू शकता.