‘शैतानची’ जादू ओसरली! १३ व्या दिवशी केली केवळ इतकी कमाई, ‘योद्धा’ची अवस्था तर आणखी बिकट

मुंबई: बॉक्स ऑफिसवर सध्या दोन सिनेमांची चर्चा सुरू आहे. एक आहे आर माधवन आणि अजय देवगण यांचा ‘शैतान’ सिनेमा, तर दुसरा आहे सिद्धार्थ मल्होत्रा याचा योद्धा. शैतान सिनेमानं पहिल्या काहीच दिवसांच १०० कोटींचा टप्पा पार केला होता. पण आता सिनेमाच्या कमाईत घट झाली आहे. तर सिद्धार्थ मल्होत्राच्या योद्धा सिनेमानं मात्र निराशा केली आहे. सिनेमाची अपेक्षेप्रणानं कमाई झाली नसल्याचं समोर आलंय.
बंगाली सिनेमातून अभिनय क्षेत्रात एन्ट्री, नंतर गाजवली बॉलिवूड इंडस्ट्री; फोटोतील चिमुकली २०० कोटींची मालकीण

‘शैतान’ नं बॉक्स ऑफिसवर चांगलीच पकड निर्माण केली होती. पहिल्या दोन आठवड्यात प्रेक्षकांनी सिनेमा पाहायला चांगलीच गर्दी केली होती. या हॉरर सिनेमासमोर नंतर प्रदर्शित झालेले सिनेमे टिकू शकले नाही. शैतानमुळे सिद्धार्थ मल्होत्राचा ‘योद्धा’ आणि अदा शर्माच्या ‘बस्तर द नक्सल स्टोरी’ या सिनेमांना फार काही कमाल करता आली नाही.

शैतानच्या कमाईबद्दल बोलायचं झालं तर, पहिल्या दिवशी सिनेमानं १४.७५ कोटींची दमदार कमाई केली होती. तर पहिल्या आठवड्यात सिनेमाची कमाई ही ८० कोटींच्या घरात होती. पण आता या सिनेमाच्या कमाईत घट होत आहे. प्रदर्शित झाल्यानंतर १३ व्या दिवशी शैतान सिनेमा केवळ २.७५ कोटींचा गल्ला जमवला आहे. तर सिनेमाची एकूण कमाई ही १११.८० कोटी झाली आहे.
आदित्यच्या कौन्सलिंगचं सत्य उघड, लकीने काडी लावत घरच्यांच्या मनात मुक्ताबद्दल कालवलं विष

शैतान चित्रपटाबद्दल बोलायचं झालं तर, काळ्या जादूच्या अंधारमय प्रदेशात डोकावणारा आहे सिनेमा आहे. हा सिनेमा प्रेक्षकांना कबीर आणि त्याच्या कुटुंबाबरोबर वेगळ्या प्रवासाला घेऊन जातो. त्यांच्या या आनंददायी प्रवासात एका रहस्यमयी अनोळखी व्यक्तीमुळं नेमकं काय घडतं, आणि त्यांचा पुढचा प्रवास या सिनेमात पाहायला मिळतोय.

‘बस्तर द नक्सल स्टोरी’ सिनेमाच्या कमाईबद्दल बोलायचं झालं तर प्रदर्शित झाल्यानंतर पाचव्या दिवशी सिनेमानं २१ लाखांची कमाई केली. तर एकूण कमाई ही अडीच कोटींच्या जवळपास आहे. तर सिद्धार्थ मल्होत्राच्या योद्धा सिनेमानं सहा दिवसांत २३ कोटींचा गल्ला जमवला आहे. दमदार प्रमोशन, कोट्यवधींचं बजेट असतानाही या सिनेमाची जादू चालली नाहीे.