एलोन मस्कची मोठी घोषणा,आता एक्स यूजर्सला मिळणार ब्लू टिक मोफत; करावी लागणार ‘ही’ अट पूर्ण

एलोन मस्क यांनी एक्स प्लॅटफॉर्मबाबत मोठी घोषणा केली आहे. आता अनेक X युजर्सना ब्लू टिक मोफत मिळवण्याची संधी मिळणार आहे. तथापि, ही एक सशुल्क सेवा आहे आणि युजर्सना त्यासाठी दरमहा शेकडो रुपये खर्च करावे लागतात. वास्तविक, या X प्रीमियम योजनेची किंमत मासिक 650 रुपये आहे आणि वार्षिक योजनेची किंमत 6800 रुपये आहे.

इलॉन मस्क यांनी X पोस्ट

इलॉन मस्क यांनी X वर पोस्ट केले आहे कि, ज्या X अकाउंट होल्डरचे 2500 व्हेरीफाईड सब्सक्राइबर फॉलोअर्स असतील त्यांना प्रीमियम फीचर्स फ्री मिळतील. तर ज्यांचे 5000 व्हेरीफाईड सब्सक्राइबर फॉलोअर्स असतील त्यांना Premium+ फ्री मिळेल.

X प्रीमियम आणि X प्रीमियम प्लस योजनांची किंमत

X प्रीमियम आणि X प्रीमियम प्लस या दोन सशुल्क योजना आहेत. X प्रीमियमची किंमत मासिक 650 रुपये आहे आणि वार्षिक योजना 6800 रुपये आहे. तर, X प्रीमियम प्लसची किंमत मासिक 1300 रुपये आणि एका वर्षाच्या योजनेसाठी 13,600 रुपये आहे. तथापि, इलॉन मस्कच्या वर नमूद केलेल्या अटींची पूर्तता करून तुम्ही ही योजना विनामूल्य वापरू शकता.

X Premium चे फीचर्स

X Premium च्या वैशिष्ट्यांबद्दल बोलायचे झाले तर त्यात 50% कमी जाहिराती दिसतील. पोस्ट एडिट करणे, लाँगर पोस्ट, अन डू पोस्ट आणि व्हिडिओंच्या मोठ्या पोस्ट केल्या जाऊ शकतात. यामध्ये ब्लू टिक देखील मिळेल. यामध्ये अनेक कस्टमायझेशन फीचर्स उपलब्ध आहेत.

इलॉन मस्क यांनी गेल्या वर्षी ट्विटरचे नाव बदलले

इलॉन मस्क यांनी गेल्या वर्षी ट्विटरचे नाव बदलून एक्स केले. जेव्हापासून इलॉन मस्क यांनी ट्विटरचे व्यासपीठ मिळवले आहे, तेव्हापासून ते त्यात बदल करत आहेत. पूर्वी ब्लू टिक विनामूल्य उपलब्ध होता, त्यानंतर एलोन मस्क यांनी त्याला सबस्क्रिप्शन योजनेचा भाग बनवले. त्यात अनेक नवीन फीचर्स आणि कमाई फीचर्स देखील जोडण्यात आले आहेत.