Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
प्रेक्षकांवर चालली ‘क्रू’ची जादू; तीन दिवसात किती केली कमाई? ‘शैतान’नेही केलाय गड सर, वाचा बॉक्स ऑफिस रिपोर्ट
मुंबई- अजय देवगण आणि आर माधवन यांचा हॉरर थ्रिलर ‘शैतान’ चित्रपट ८ मार्च रोजी चित्रपटगृहात प्रदर्शित झाला. हा चित्रपट प्रदर्शित होऊन २४ दिवस होऊन गेले तरी सिनेमागृहात अजूनही भरघोस कमाई करतोय. काही वेळा असं होतं की चित्रपटाची कथा इतकी खास नसते परंतु चित्रपटात असलेल्या अभिनेत्यांच्या जोरावर चित्रपट चालतो. ‘शैतान’ या चित्रपटाच्या बाबतीतही असंच काहीसं झालंय. तर बॉक्स ऑफिसवर ‘शैतान’ सोबत आणखी एक चित्रपट धुमाकूळ घालतोय तो म्हणजे २९ मार्चला प्रदर्शित झालेला ‘क्रू’. करीना कपूर, क्रिती सेनन, आणि तब्बू यांनी या चित्रपटात हवाई सुंदरीच्या भूमिका साकारल्या आहेत. या हवाईसुंदरींचा बोल्ड अंदाज प्रेक्षकांच्या पसंतीस पडला आहे. ३ दिवसात ‘क्रू’ने किती केलीये कमाई?
‘शैतान’ चित्रपटाची कमाई
‘शैतान’ या चित्रपटाने २४व्या रविवारी जवळजवळ २ कोटींच्या आसपास कमाई केली आहे. एकूण मिळून जगभरात १९७ कोटी या चित्रपटाने कमावले आणि परदेशात ३३ कोटींचा आकडा पार केला.
क्रू सिनेमानं केलं तिसऱ्या दिवशी १०.२५ कोटींच कलेक्शन
क्रू हा चित्रपट देशातल्या बॉक्स ऑफीवरच नाही तर जगभरातल्या बॉक्स ऑफिसवर धुमाकूळ घालतोय. ‘क्रू’ हा सिनेमा पहिल्याच दिवशी प्रेक्षकांची मनं जिंकून ९.२५ कोटींची कमाई करून बंपर सुरुवात करणाऱ्या चित्रपटांमध्ये शामिल झाला आहे. तिसऱ्या दिवशी म्हणजे रविवारी या चित्रपटाने १०.२५ कोटींचं कलेक्शन केलं. हा चित्रपट जगभरात चालतोय. ‘क्रू’ ची निर्माती एकता कपूरने सोशल मीडियावर चित्रपटाच्या जगभरातील कमाईचं कलेक्शन शेअर केलंय. जगभरातील बॉक्स ऑफिसवर या चित्रपटाचं एकूण कलेक्शन ४१.१३ कोटी रुपये झाले.
सिद्धार्थचा ‘योद्धा’ सिनेमा ५०कोटींच्या आसपास
सिद्धार्थ मल्होत्राचा ‘योद्धा’ हा चित्रपट १५ मार्चला प्रदर्शित झाला. ऍक्शन सीन्सने भरलेल्या अशा योद्धा या चित्रपटात ट्विस्टदेखील आहेत. मात्र चित्रपटाची कथा भरकटतेय असं दिसून येतं. ‘योद्धा’ने १७व्या दिवशी म्हणजे रविवारी फक्त ४९लाख रुपये कमावले आणि प्रदर्शित झाल्यापासून ते आतापर्यंत ३४.३३ कोटींची कमाई केली आहे.