X (Twitter) वर वरील ‘Click Here’ इमेज म्हणजे काय? अशाप्रकारे करता येईल ट्रेंडिंग पोस्ट

X (Twitter) ‘Click Here’ Trend: रविवार सकाळी जर तुम्ही तुमचं एक्स अकाऊंट ओपन केलं असेल तर तुम्हाला सारखी इमेज असलेल्या हजारो पोस्ट दिसल्या असतील. या इमेजवर एका मोठ्या अ‍ॅरोसह ‘Click Here’ लिहलेलं दिसत आहे. एक्स (ट्विटर) वर हा ट्रेंड शनिवारी संध्याकाळी सुरु झाला होता. विशेष म्हणजे फक्त सामान्य युजर्स नव्हे तर मोठे राजकीय पक्ष, खेळाडू व सेलिब्रिटी देखील या ट्रेंडमध्ये सहभागी होऊन ‘Click Here’ असलेल्या इमेजेस एक्सवर शेयर करत आहेत. त्यामुळे तुम्हाला प्रश्न पडला असेल की ‘Click Here’ ट्रेंड म्हणजे काय आणि एक्सवर अशी पोस्ट कशी करायची?

‘Click Here’ ट्रेंड म्हणजे काय?

X (Twitter) वर शनिवारी संध्याकाळी हजारो लोकांनी या ‘Click Here’ ट्रेंडमध्ये सहभाग घेतल आहे. या ट्रेंड अंतगर्त लोक एक्स अकाऊंटवर एक इमेज शेयर करत आहेत. या इमेजमध्ये एक मोठा अ‍ॅरो दिसत आहे. अ‍ॅरो सोबत मोठ्या अक्षरात लिहिण्यात आलं आहे ‘Click Here’.

विशेष म्हणजे या इमेजवरील अ‍ॅरो X (Twitter) हा ‘ALT’ टेक्स्टकडे पॉईंट करतो आणि जेव्हा तुम्ही ‘ALT’ टेक्स्टवर क्लिक करता, तेव्हा तुम्ही पोस्ट सोबत शेयर केलेला सीक्रेट मेसेज वाचू शकता. हा मेसेज फक्त ऑल्ट शब्दावर क्लिक करूनच वाचता येतो.

ALT Text फीचर

ALT Text फीचर एक्स (ट्विटर) वरील खूप जुनं फीचर आहे. या फीचर अंतगर्त युजर्स ट्विटरवर शेयर केलेल्या फोटोसह काही माहिती शेयर करू शकतात. ही माहिती तुम्ही ऑल्ट टेक्स्ट अंतगर्त १००० अक्षरांत लिहू शकता. अशी पोस्ट करण्यासाठी:

• सर्वप्रथम एखादी इमेज अपलोड केल्यावर त्या खाली असलेल्या ‘Add description’ ऑप्शनची निवड करा.
• इथे तुम्ही त्या इमेज मध्ये काय आहे, याचं वर्णन करू शकता किंवा एखादा सिक्रेट मेसेज देखील टाइप करू शकता. इथे फक्त १००० अक्षरांचा वापर करता येतो याची काळजी घ्या.
• त्यानंतर सेव्ह वर क्लिक करा. यामुळे आता एक ALT बॅज तुमच्या इमेजच्या कॉर्नरवर दिसू लागेल. (“ALT” हा अल्टर्नेटीव्ह टेक्स्टचा शॉर्ट फॉर्म आहे, ज्याचा टेक्निकल भाषेतील अर्हता इमेज डिस्क्रिप्शन असा आहे)
• त्यानंतर पोस्टवर क्लिक करा. जेव्हा ALT बॅज निवडला जातो तेव्हा स्क्रीनवर इमेज डिस्क्रिप्शन दिसू लागतं.