हजारो किमी प्रतितास या वेगाने आज पृथ्वीच्या दिशेने येतोय लघुग्रह, नासाने दिला इशारा

नासाने सांगितल्यांनुसार ताशी ५४,३७७ इतक्या गतीने एक उपग्रह पृथ्वीच्या जवळून जाणार आहे. या लघूग्रहाचे नाव 024 FG3 हे आहे त्याचा आकार सुमारे १०० फूट इतका असेल. तो एका प्रवासी विमानाएवढा असेल असे सांगितले जात आहे. हा लघुग्रह पृथ्वीपासून १.९४ दशलक्ष किमी इतक्या जवळ येईल. सामान्यतः हे अंतर दूर असले तर खगोलीय दृष्ट्या ते खूप जवळ आहे.

चिंतेची बाब नाही

एवढ्या प्रचंड वेगाने पृथ्वीच्या जवळून जाणारे एवढ्या मोठ्या लघुग्रहाची कल्पना चिंताजनक वाटत असली तरी, नासाने जाहीर केले आहे की घाबरण्याचे कोणतेही कारण नाही. अंतराळ संस्था सक्रियपणे त्याच्या मार्गाचा मागोवा घेत आहे आणि तो पृथ्वीपासून दूर असेल याची खात्री ते करत आहेत. याव्यतिरिक्त, 2024 FG3 हा लघुग्रह संभाव्य धोकादायक श्रेणीत येत नाही.

उपग्रहांच्या हालचालीकडे नासाचे लक्ष

नासा2024 FG3 सारख्या अनेक लघुग्रहांवर लक्ष ठेवून आहे. यासाठी स्वतंत्र वेधशाळांची नेमणूक करण्यात आली आहे. नासाच्या NEOWISE आणि आगामी NEO यांसारख्या मोहिमांमधून हे कार्य करण्यात येते. नासाच्या निरीक्षण प्रक्रियेत हा महत्त्वाचा घटक आहे. अंतराळातील अनेक लघुग्रह हे पृथ्वीसाठी हानिकारक ठरू शकतात. यामुळे अनेक छोट्या-मोठ्या आकाराच्या ग्रहांकडे नासाचे लक्ष असते.

तर, यावरून2024 FG3 बद्दल काळजी करण्याचे कारण नाही. काही काळादरम्यान घडणारी ही एक खगोलीय घटना आहे. तुमच्याकडे दुर्बिण उपलब्ध असल्यास ही घटना तुम्ही नजरेत कैद करू शकतात. यामुळे निवांत होऊन या घटनेचा आनंद घ्या..