Tej Police Times
उन्हाळ्यात एसीच्या थंडगार हवेची झळ लाईट बिलाच्या माध्यमातून अनेकांच्या खिशापर्यंत पोहोचते आणि उन्हाळ्यात घरात एकापेक्षा अधिक एअर कंडीनर असतील तर तर तुम्हाला मोठा आर्थिक फटका सहन करावा लागतो. या समस्येवर उपाय म्हणून आज आपण अशा काही सेटिंग्जबद्दल जाणून घेणार आहोत की ज्यामुळे तुम्हाला एसीच्या बिलावर नियंत्रण ठेवण्यास मदत होईल व तुम्ही दिलखुलासपणे एसीच्या थंडगार हवेचा आनंद घेऊ शकतात.
तापमानावर नियंत्रण
एसीच्या वापरामुळे येणाऱ्या लाईट बिलासाठी तापमान जबाबदार असते. 24°C ते 26°C दरम्यान तापमान ठेवल्याने बिल तुलनेने कमी होते. तसेच, वापरकरतांना १°C तापमान कमी केल्यास विजेचा एकूण वापरात ६ टक्क्यांनी वाढ होते.
फिल्टर स्वच्छता व स्लिप मोड
एसीचे एअर फिल्टर नियमित स्वच्छ ठेवल्यास हवेचा प्रवाह वाढतो व यामुळे कमी विजेचा वापर होतो. विजेचा वापर कमी झाल्यामुळे लाईट बिलावर त्याचा थेट परिणाम होतो. फिल्टर स्वच्छ न केल्यास हवेचा प्रवाह कमी होतो आणि वीजबिलात वाढ होते. तसेच, रात्री झोपतांना स्लिप मोडचा वापर केल्यास वातावरणावर आपोआप नियंत्रण एसी ठेवतो व विजेचा वापर कमी होतो.
तुम्ही एअर कंडिशनर अधिक फॅन स्पीडवर सेट केल्यास जास्त ऊर्जा वापरली जाते. अशा परिस्थितीत ऊर्जेचा वापर कमी करण्यासाठी पंख्याचा वेग कमी ठेवणे गरजेचे आहे. तुम्ही खोलीत नसताना किंवा टायमर वापरत असताना एसी बंद ठेवा. अशा प्रकारे तुम्ही उर्जेचा वापर कमीत कमी करू शकता.