फोनच्या खरेदीवर ब्लूटूथ स्पिकर्स फ्री; जाणून घ्या किंमत आणि ऑफर

टेक्नोनं भारतात २९ मार्चला आपला हटके मोबाइल Tecno Pova 6 Pro 5G लाँच केला होता. तसेच, आज पासून ब्रँडनं सेलची सुरुवात केली आहे. विशेष म्हणजे फोन हटके डिजाइन, पावरफुल फीचर्स आणि ऑफर्ससह विकला जात आहे. त्याचबरोबर डिव्हाइसवर कंपनी ४,९९९ रुपयांचा ब्लूटूथ स्पिकर देखील मोफत देत आहे.

Tecno Pova 6 Pro 5G ची किंमत आणि ऑफर्स

Tecno Pova 6 Pro 5G भारतात दोन स्टोरेज ऑप्शनमध्ये लाँच झाला आहे. फोनच्या ८ जीबी रॅम + २५६ जीबी स्टोरेजची किंमत मात्र १९,९९९ रुपये आहे. तर १२ जीबी रॅम + २५६ जीबी स्टोरेज २१,९९९ रुपयांचा आहे. ऑफर्स पाहता ग्राहक बँक कार्ड पेमेंटच्या माध्यमातून नवीन फोनवर २,००० रुपयांचा इंस्टंट डिस्काउंट मिळवू शकतात. त्यानंतर बेस मॉडेल १७,९९९ रुपये आणि टॉप मॉडेल १९,९९९ मध्ये सेल होईल.

ब्रँड टेक्नो पोवा ६ प्रो 5G वर अ‍ॅमेझॉन प्लॅटफॉर्म आणि ऑफलाइन मोडवर देखील ४,९९९ रुपयांचा Tecno S2 स्पिकर फ्री देत आहे. ज्याचा अर्थ असा आहे बँक आणि या ऑफर नंतर तुम्हाला एकूण ७,००० रुपयांपर्यंतचा फायदा होईल.हा मोबाइल मेटियोराइट ग्रे आणि कॉमेट ग्रीन सारखे दोन कलरमध्ये उपलब्ध आहे.

Tecno Pova 6 Pro 5G चे स्पेसिफिकेशन्स

Tecno Pova 6 Pro 5G मध्ये ६.७८-इंचाचा अ‍ॅमोलेड डिस्प्ले आहे यावर FHD+ रिजॉल्यूशन आणि १२०हर्ट्झ रिफ्रेश रेट देण्यात आला आहे. फोनच्या सुरक्षेसाठी यात इन-स्क्रीन फिंगरप्रिंट स्कॅनर आहे. टेक्नो पोवा ६ प्रो ५जी मध्ये डायमेन्सिटी ७०२० चिपसेट देण्यात आला आहे. डिवाइसमध्ये १२ जीबी पर्यंत रॅम, १२ जीबी पर्यंत व्हर्च्युअल रॅम आणि २५६ जीबी पर्यंत इंटरनल स्टोरेज मिळते.

मोबाइलमध्ये ६,०००एमएएचची बॅटरी देण्यात आली आहे. त्याचबरोबर ७०वॉट चार्जर मिळतो. ज्यमुळे हा फक्त १९ मिनिटांत ० ते ५० टक्क्यांपर्यंत चार्ज होतो. तसेच १०वॉट रिवर्स वायर्ड चार्जिंग देखील आहे. Tecno Pova 6 Pro 5G फ्रंटला सेल्फी आणि व्हिडीओ कॉलिंगसाठी ३२ मेगापिक्सलचा कॅमेरा आहे. तर बॅक पॅनलवर १०८ मेगापिक्सलचा प्रायमरी, २ मेगापिक्सल अन्य आणि एक AI लेन्स आहे. Tecno Pova 6 Pro 5G मध्ये तुम्हाला यूनिक बॅक पॅनल LED लाइटसह मिळतो. यात पाणी धुळीपासून बचाव करण्यासाठी IP53 रेटिंग, ड्युअल सिम ५जी, वायफाय ब्लूटूथ असे अनेक फीचर्स आहेत. हा नवीन टेक्नो मोबाइल फोन अँड्रॉइड १४ सह हायओएस १४ वर चालतो.