फक्त ९९९ रुपयांमध्ये बुक करता येईल Samsung चा 5G Phone; Galaxy M15 5G ची प्रीबुकिंग सुरु

सॅमसंग लवकरच एक स्वस्त 5G फोन भारतात लाँच करणार आहे. कंपनी ८ एप्रिलला भारतात आपले नवीन 5G फोन्स लाँच करणार आहे, जे Galaxy M सीरीजचा भाग असतील. कंपनी Galaxy M55 आणि Galaxy M15 5G भारतात लाँच करेल. लाँचपूर्वीच कंपनीनं Galaxy M15 5G ची प्री-बुकिंग सुरु केली आहे.

कंपनी प्री-बुकिंग करणाऱ्या युजर्सना काही आकर्षक ऑफर्स देखील देत आहे. इतर मार्केटमध्ये कंपनीनं हे दोन्ही डिवाइस आधीच लाँच केले आहेत. त्यामुळे या फीचर्सची माहिती आधीच उपलब्ध झाले आहेत. चला जाणून घेऊया या स्मार्टफोनचे डिटेल्स.

Samsung Galaxy M15 5G की प्री-बुकिंग डिटेल्स

हा स्मार्टफोन Amazon वरून प्रीबुक केला जाऊ शकतो. कंपनीनं ई-कॉमर्स प्लॅटफॉर्मवर याचं पेज देखील लाइव्ह केलं आहे. हे फोन दोन कॉन्फिग्रेशन ४जीबी रॅम व १२८जीबी स्टोरेज आणि ६जीबी रॅम व १२८जीबी स्टोरेज मध्ये लाँच होईल. तुम्ही हा सेलेस्टियल ब्लू, ब्लू टोपाज आणि स्टोन ग्रे कलरमध्ये खरेदी करू शकता.

प्रीबुकिंगसाठी तुम्हाला सर्वप्रथम कॉन्फिग्रेशन आणि कलर निवडावा लागेल. त्यानंतर तुम्हाला ९९९ रुपये पेमेंट करावं लागेल. तुम्ही हा फोन ८ एप्रिलला दुपारी १२ वाजता खरेदी करू शकता. प्रीबुकिंग करणाऱ्या ग्राहकांना सॅमसंग २५वॉटचा चार्जर फक्त २९९ रुपयांमध्ये देईल, ज्याची किंमत १६९९ रुपये आहे.

Samsung Galaxy M15 5G चे स्पेसिफिकेशन्स

Samsung Galaxy M15 5G मध्ये ६.५ इंचाचा एफएचडी+ सुपर अ‍ॅमोलेड डिस्प्ले मिळतो, जो ९०हर्ट्झ रिफ्रेश रेट सपोर्टसह येतो. स्मार्टफोनमध्ये मीडियाटेक डायमेन्सिटी ६१००+ प्रोसेसर मिळेल. हँडसेट १२८जीबी स्टोरेजसह येईल, जी मायक्रो एसडी कार्डच्या मदतीनं एक्सपांड करता येईल.

यात ५०एमपी कॅमेरा, ५एमपी कॅमेरा व २एमपीचा ट्रिपल रियर कॅमेरा सेटअप मिळेल. फ्रंटला कंपनी १३ एमपीचा सेल्फी कॅमेरा दिला जाऊ शकतो. डिवाइस अँड्रॉइड १४ वर आधारित OneUI वर चालतो. यात चार वर्ष ओएस अपडेट आणि पाच वर्ष सिक्योरिटी अपडेट मिळेल. डिवाइसला पावर देण्यासाठी ६०००एमएएचची बॅटरी आणि २५वॉटची चार्जिंग मिळेल. कंपनीनं या फोनच्या किंमतीची घोषणा केली नाही. परंतु आशा आहे की हा हँडसेट १५ हजार रुपयांच्या बजेटमध्ये लाँच होईल. कंपनी यावर बँक ऑफर देखील देऊ शकते.