फक्त ८ हजारांमध्ये मिळतोय Samsung चा स्मार्टफोन; कंपनीनं गुपचूप कमी केली किंमत

By tejpolicetimes On Apr 10, 2024

स्वस्त Samsung Smartphone खरेदी करू इच्छित असाल तर बाजारातील Galaxy A05 चं नाव सर्वात वर येतं. ६जीबी व्हर्च्युअल रॅम, ५०एमपी कॅमेरा आणि ५,०००एमएएच बॅटरीच्या पावरसह हा मोबाइल ९,९९९ रुपयांच्या बेस किंमतीत लाँच झाला होता. परंतु आता कंपनीनं याची किंमत २००० रुपयांनीं कमी केली आहे. फोनच्या सर्व वेरिंएट्सवर प्राइस कट लागू झाला आहे. Samsung Galaxy A05 किंमत आणि स्पेसिफिकेशन्सची माहिती तुम्ही पुढे वाचू शकता.

Samsung Galaxy A05 Price

गॅलेक्सी ए०५ भारतात दोन व्हेरिएंट्समध्ये लाँच झाला होता, तसेच आता दोन्हींच्या किंमतीत २,००० रुपयांची कपात झाली आहे. याच्या ४जीबी रॅम असलेल्या व्हेरिएंटची किंमत ९,९९९ रुपयांवरून ७,९९९ रुपये झाली आहे. तर १२,४९९ रुपयांमध्ये लाँच झालेला फोनका मोठा ६जीबी रॅम मॉडेल आता फक्त १०,४९९ रुपयांमध्ये विकत घेता येईल. हा सॅमसंग फोन Light Green, Silver आणि Black कलरमध्ये सेलसाठी उपलब्ध आहे.

Samsung Galaxy A05 Specifications

सॅमसंग गॅलेक्सी ए०५ स्मार्टफोन ७२० x १६०० पिक्सल रिजोल्यूशन असलेल्या ६.७ इंचाच्या एचडी+ डिस्प्लेसह लाँच झाला आहे. ही वॉटरड्रॉप नॉच स्क्रीन आहे जी एलसीडी पॅनलवर बनली आहे. हा मोबाइल फोन अँड्रॉइड १३ वर लाँच झाला आहे तसेच वनयुआयवर चालतो. प्रोसेसिंगसाठी यात २.०गीगाहर्ट्झ क्लॉक स्पीड असलेला मीडियाटेक हीलियो जी८५ ऑक्टाकोर प्रोसेसर आहे.

Samsung Galaxy A05 वर्चुअल रॅम टेक्नॉलॉजीसह आला आहे. या टेक्नॉलॉजीमुळे फोनच्या फिजिकल रॅम मध्ये ६जीबी रॅम एक्स्ट्रा जोडता येईल, त्यामुळे यात १२जीबी रॅमची ताकद मिळेल. सॅमसंगनं याला RAM Plus फीचरचं नाव दिलं आहे. फोटोग्राफीसाठी हा फोन ड्युअल रियर कॅमेऱ्याला सपोर्ट करतो. याच्या बॅक पॅनलवर ५० मेगापिक्सलची वाइड अँगल लेन्स तसेच २ मेगापिक्सलचा डेप्थ सेंसिंग कॅमेरा देण्यात आला आहे. तसेच सेल्फी आणि व्हिडीओ कॉलिंगसाठी गॅलेक्सी ए०५ ८ मेगापिक्सलच्या फ्रंट कॅमेऱ्याला सपोर्ट करतो.

पावर बॅकअपसाठी सॅमसंग गॅलेक्सी ए०५ स्मार्टफोन ५,०००एमएएच बॅटरीला सपोर्ट करतो. तसेच ही मोठी बॅटरी वेगानं चार्ज करण्यासाठी यात २५वॉट फास्ट चार्जिंग टेक्नॉलॉजी आहे. Samsung Galaxy A05 चार वर्ष सिक्योरिटी अपडेट तसेच २ वर्षांच्या अँड्रॉइड ओएस अपडेटसह येतो. या फोनमध्ये ड्युअल सिम ४जी, ड्युअल बँड वाय-फाय, ब्लूटूथ ५.३ आणि जीपीएस असे फीचर्स देखील मिळतात.

Source link