Tej Police Times
मुंबई: अभिनेता आर माधवन उर्फ मॅडीला ‘मिडास टच’ असणारा कलाकार म्हटले तरी चुकीचे ठरणार नाही. अलीकडेच आलेल्या त्याच्या सिनेमाच्या बॉक्स ऑफिस कलेक्शनने हे सिद्ध करून दाखवलं आहे. अलीकडेच प्रदर्शित झालेल्या त्याच्या ‘शैतान’ने प्रेक्षकांना आपलंसं केलं आणि अभिनेत्याने पुन्हा एकदा रसिकांच्या मनावर अधिराज्य केलं. ‘रहना है तेरे दिल में’ मधून मॅडीने प्रसिध्दी मिळवली. पुढे ‘३ इडियट्स’मध्ये फरहान कुरेशीच्या भूमिकेत प्रेक्षकांना प्रभावित केले. ‘रंग दे बसंती’मधील कॅमिओवरही प्रेक्षकांनी विशेष प्रेम केले. दाक्षिणात्य सिनेविश्वात तर मॅडीचा दबदबा राहिला आहे.
किती झाली आहे कमाई?
प्रेक्षक-समीक्षकांकडून कौतुक
किती झाली आहे कमाई?
माधवन, अजय देवगण आणि ज्योतिका यांच्या मुख्य भूमिका असणाऱ्या या सिनेमाने १४४ कोटींची कमाई केली आहे आणि सिनेमाचे कौतुक करताना प्रेक्षक थकत नाही आहेत. त्यामुळे येणाऱ्या काळात सिनेमा १५० कोटींच्या पार जाऊ शकतो, अशी अपेक्षा व्यक्त केली जाते आहे. Sacnilk वर उपलब्ध माहितीनुसार सिनेमा रीलिज झाल्यानंतर ३३ व्या दिवशी (०९ मार्च) सिनेमाने ०.४५ कोटींची कमाई केली. यानंतर या सिनेमाची कमाई १४४.१ कोटी झाली आहे.
प्रेक्षक-समीक्षकांकडून कौतुक
शैतान हा सिनेमाचा पहिला लूक समोर आल्यापासूनच प्रेक्षकांनी माधवनच्या भूमिकेचे कौतुक करायला सुरुवात केली आहे. या सिनेमाबाबत आजही सोशल मीडियावर प्रतिक्रिया उमटत आहे. माधवन या सिनेमासाठी राष्ट्रीय पुरस्कार मिळवू शकतो, अशा प्रतिक्रियाही अनेक चाहते सोशल मीडियाच्या माध्यमातून व्यक्त करत आहेत. ८ मार्च रोजी प्रदर्शित झालेला हा सिनेमा जवळपास महिनाभरानंतरही सिनेमागृहांमध्ये तग धरुन आहे.
माधवनबद्दल बोलताना व्यापार विश्लेषक अक्षय राठी यांनी अशी प्रतिक्रिया दिली की, ‘मॅडीने ‘शैतान’मध्ये जे काही केले ते खूप रोमांचक होते. कारण तुम्ही त्याचे याआधी प्रदर्शित झालेले चित्रपट पाहिले तर हेच सिद्ध होतंय. यातून अभिनेत्याची अष्टपैलुत्व दिसून येते. त्याने प्रत्येक शैलीत काम केले आहे आणि प्रत्येक भाग त्याने मनापासून केला आहे.’
बॉक्स ऑफिसवर ‘शैतान’ सुपरहिट ठरत असताना माधवन आता पुढे काय करणार यासाठी सगळेच उत्सुक आहेत. अभिनेत्याच्या आगामी प्रोजेक्टमध्ये तामिळ भाषेतील चित्रपच ‘अधिरष्टसाली’ आणि ‘टेस्ट’ आहे. तर हिंदीमध्ये तो ‘द अनटोल्ड स्टोरी ऑफ सी शंकरन नायर’ या सिनेमात दिसणार आहे.