व्हॉट्सॲप आणि इंस्टाग्राम एकमेकांशी होणार कनेक्ट; नवीन फीचर वाढवेल शेअरिंगची मजा

जगातील सर्वात लोकप्रिय सोशल मीडिया प्लॅटफॉर्मच्या यादीमध्ये मेटा कुटुंबातील अनेक ॲप्स जसे की फेसबुक, इन्स्टाग्राम आणि व्हॉट्सॲप इत्यादींचा समावेश आहे. कंपनीने या ॲप्सना कनेक्ट आणि इंटिग्रेट करण्यासाठी अनेक बदल केले आहेत आणि पुन्हा एकदा व्हॉट्सॲपवरून याचे संकेत मिळाले आहेत. मेसेजिंग ॲपमध्ये उपलब्ध असलेले नवीन फीचर ते इन्स्टाग्रामशी कनेक्ट करण्यासाठी काम करेल.

iOS व्हर्जनमध्ये क्रॉस-पोस्टिंगआधीपासूनच उपलब्ध

नवीन WhatsApp फीचर सर्व युजर्ससाठी आणण्यापूर्वी बीटा व्हर्जनमध्ये टेस्ट केले जातात. आता अँड्रॉइड बीटा व्हर्जनमधून एक फीचर येण्याचे संकेत आहेत, ज्याद्वारे यूजर्स इन्स्टाग्रामवरही त्यांचे व्हॉट्सॲप स्टेटस शेअर करू शकतील. हे नवीनतम फीचर iOS व्हर्जनमध्ये आधीपासूनच उपलब्ध आहे. फेसबुक आणि इंस्टाग्राम व्यतिरिक्त, कंपनीने याआधी यूजर्सना फेसबुक आणि व्हॉट्सॲपवर क्रॉस-पोस्टिंगचा पर्याय दिला आहे.

युजरचा वेळ वाचणार

यामुळे नवीन फीचरचा फायदा होणार आहे.व्हॉट्सॲप आणि इंस्टाग्राम या दोन्हीवर स्टेटस शेअर करण्याचा पर्याय एकत्र असल्याने युजर्सना तीच प्रक्रिया पुन्हा पुन्हा करावी लागणार नाही. सध्या, जर एखाद्या युजरला व्हॉट्सॲप आणि इंस्टाग्राम या दोन्हीवर समान स्टेटस किंवा स्टोरी शेअर करायची असेल, तर त्याला वेगवेगळ्या ॲप्समध्ये ते दोनदा करावे लागेल. मात्र नवीन बदलामुळे अर्धा वेळ वाचेल.

प्रायव्हसी सेटिंग्जमध्ये सहज बदल

युजर्स ॲप्समध्ये त्यांचे स्टेटस अपडेट्स व्हॉट्सॲप किंवा इन्स्टाग्रामवर कोणाशी शेअर करायचे आहेत, त्यांच्याशी संबंधित प्रायव्हसी सेटिंग्ज निवडू शकतात. त्यांना सहज व्ह्यूअर निवडण्याची संधी दिली जात आहे. याशिवाय, जर एखाद्या युजरला क्रॉस-पोस्टिंग करायचे नसेल तर तो पूर्वीप्रमाणेच स्वतंत्रपणे ॲप्स वापरणे सुरू ठेवू शकतो.

क्रॉस-पोस्टिंग युजर्ससाठी सोयीचे

फेसबुक आणि इंस्टाग्रामच्या स्टोरीज फीचरप्रमाणेच व्हॉट्सॲपवरील स्टेटस फीचर यूजर्सना २४ तास अपडेट शेअर करण्याचा पर्याय देते. युजर टेक्स्टपासून फोटो आणि व्हिडिओंपर्यंत सर्व काही शेअर करू शकतात, जे 24 तासांनंतर आपोआप अदृश्य होतात. म्हणूनच त्यांना क्रॉस-पोस्टिंगचा पर्याय देणे काही
युजर्ससाठी सोयीचे आणि आवश्यक आहे.