वनप्लसला टक्कर देण्यासाठी Realme मैदानात; १६जीबी रॅमसह सादर केले Realme P1 Pro 5G

भारतीय बाजारात रियलमीची नवीन पी-सीरीज सादर झाली आहे. या सीरिजमध्ये Realme P1 5G आणि Realme P1 Pro 5G स्मार्टफोन बाजारात लाँच झाले आहेत. विशेष म्हणजे दोन्ही फोन कमी बजेटमध्ये शानदार डिजाइन आणि दमदार देतात. यातील प्रो मॉडेलमध्ये डायनॅमिक टेक्नॉलॉजीसह १६जीबी रॅम, रेनवॉटर स्मार्ट टच फीचर असे अनेक फीचर्स मिळतात. चला, जाणून घेऊया रियलमी पी१ प्रो ५जीची किंमत आणि फुल स्पेसिफिकेशन.

Realme P1 Pro 5G ची किंमत

रियलमीचा नवीन पी सीरीज डिवाइस दोन स्टोरेज ऑप्शनमध्ये भारतीय बाजारात आला आहे. मोबाइलच्या ८जीबी रॅम व १२८GB व्हेरिएंटची किंमत २१,९९९ रुपये आहे, तर ८जीबी रॅम व २५६ जीबी मॉडेलची किंमत २२,९९९ रुपये ठेवण्यात आली आहे.

लाँच ऑफर अंतर्गत आयसीआयसीआय, एचडीएफसी आणि एसबीआय कार्डच्या मदतीनं २,००० रुपयांचा इंस्टंट डिस्काउंट मिळत आहे. त्यामुळे ही किंमत अनुक्रमे १९,९९९ रुपये आणि २०,९९९ रुपये होईल. फोनच्या रेड कलर ऑप्शनची लिमिटेड सेल २२ एप्रिलला संध्याकाळी ६:०० ते ८:०० दरम्यान फ्लिपकार्ट आणि realme.com वर होईल. तर ओपन सेल ३० एप्रिलला दुपारी १२:०० वाजता सुरु होईल.

Realme P1 Pro 5G चे स्पेसिफिकेशन्स

Realme P1 Pro 5G मध्ये युजर्सना ६.७ इंचाचा FHD+ Curved Vision OLED डिस्प्ले देण्यात आला आहे. जो २४१२ x १०८० पिक्सल रिजॉल्यूशन, १२०हर्ट्झ रिफ्रेश रेट, २४०हर्ट्झ टच सॅम्पलिंग रेट आणि ९५०निट्स पीक ब्राइटनेसला सपोर्ट करतो.

रियलमी पी१ प्रो ५जी मध्ये क्वॉलकॉम स्नॅपड्रॅगन ६ जेन १ ५जी चिपसेटचा वापर करण्यात आला आहे. त्याचबरोबर ८जीबी रॅम व २५६ जीबी पर्यंत स्टोरेज आहे. यातील डायनॅमिक रॅमच्या मदतीनं ८जीबी पर्यंत रॅम वाढवता येईल. म्हणजे स्मार्टफोनमध्ये १६जीबी पर्यंत रॅमची पावर मिळेल. रियलमी पी१ प्रो ५जी स्मार्टफोन अँड्रॉइड १४ आधारित रियलमी युआय ५.० वर चालतो. कंपनी ३ वर्ष सिक्योरिटी अपडेट आणि २ वर्ष ओएस अपडेट देणार आहे.

कॅमेरा फीचर्स पाहता रियलमी पी१ प्रो ५जी ५० मेगापिक्सलच्या प्रायमरी कॅमेरा सेन्सरसह लाँच करण्यात आला आहे. यात ऑप्टिकल इमेज स्टॅबिलायजेशनचा सपोर्ट मिळत आहे. या मेन कॅमेरा लेन्ससह ८ मेगापिक्सलचा पोर्ट्रेट कॅमेरा आहे. तसेच, सेल्फी आणि व्हिडीओ कॉलिंगसाठी युजर्सना १६ मेगापिक्सलचा फ्रंट कॅमेरा मिळतो.

बॅटरीच्या बाबतीत रियलमी पी१ प्रो ५जी स्मार्टफोन ५०००mAh ची बॅटरी आणि ४५वॉट सुपरवूक फास्ट चार्जिंग सपोर्टसह बाजारात आला आहे. रियलमी पी१ प्रो ५जी मोबाइलमध्ये २.४ से 5GHz वाय-फाय, ब्लूटूथ ५.२, आयपी६५ रेटिंग, रेनवॉटर टच फीचर, इन डिस्प्ले फिंगरप्रिंट सेन्सर, हाय रेस ड्युअल स्पिकर, ९ ५जी बँड असे अनेक फीचर्स देण्यात आले आहेत.