‘लोकसभा निवडणूक 2024’; ड्रोनद्वारे मतदान क्षेत्रावर ठेवली जाणार नजर, जाणून घ्या काय होतील फायदे

भारतातील 17 व्या लोकसभा निवडणुकीचे वेळापत्रक निश्चित करण्यात आले असून या निवडणुका निष्पक्षपणे पार पाडण्यासाठी सरकारने तयारीही केली आहे. 7 टप्प्यात मतदान होणार असून, त्याचे निकाल 4 जूनला जाहीर होतील. 543 जागांसाठी 19 एप्रिल, 26 एप्रिल, 7 मे, 13 मे, 20 मे, 25 मे आणि 1 जून रोजी मतदान होणार आहे. या वेळी निवडणूक अधिक चांगल्या पद्धतीने पार पाडण्यासाठी ड्रोन तंत्रज्ञानाची मदत घेतली जाणार असून याच्या साह्याने मतदान क्षेत्रापासून ते सीमेपर्यंत देखरेख ठेवली जाणार आहे.

ड्रोनच्या माध्यमातून ठेवली जाणार पाळत

या निवडणुका निष्पक्ष राहण्यासाठी, सीमांवर ड्रोन आधारित तपासणीसह २४x७ इंटीग्रेटेड कंट्रोल रूम स्थापन केले जातील. संपर्क कमी असलेल्या ठिकाणांसाठी ड्रोन उत्तम सहाय्य्क ठरते. अशा भागांवर नजर ठेवण्यासाठी ड्रोन हा एक उत्तम पर्याय आहे, ते रिमोटच्या साहाय्याने अनेक किलोमीटर दूरून नियंत्रित केले जाऊ शकतात. तसेच कॅमेरे उत्कृष्ट दर्जाचे असल्याने प्रत्येक गोष्टीचे तपशीलवार परीक्षण करणे सोपे होणार आहे.

भारत सरकार कोणत्या प्रकारचे ड्रोन वापरणार

लहान ड्रोन

हे ड्रोन निवडणूक आयोगाच्या अधिकाऱ्यांना मतदान केंद्रे आणि मतमोजणी स्थळांवर लक्ष ठेवण्यास मदत करतील. यामध्ये कॅमेरे बसवलेले असतील जे मतदान केंद्राच्या आत आणि बाहेरील हालचाली रेकॉर्ड करतील.

मध्यम आकाराचे ड्रोन

या ड्रोनचा वापर मतदान केंद्रे आणि मतमोजणी स्थळांसारख्या मोठ्या क्षेत्रांवर लक्ष ठेवण्यासाठी केला जाईल. हे हायटेक कॅमेरे आणि सेन्सरने सुसज्ज असतील जे मतदान केंद्रांभोवतीच्या हालचाली रेकॉर्ड करतील.

मोठे ड्रोन

या ड्रोनचा वापर दुर्गम भागात असलेल्या मतदान केंद्रांवर लक्ष ठेवण्यासाठी केला जाईल. हे हाय रिझोल्यूशन कॅमेरे आणि सेन्सर्सने सुसज्ज असतील आणि मतदान केंद्रांभोवतीच्या हालचाली रेकॉर्ड करतील.

हे ड्रोन या कामांसाठी वापरले जातील.

1.मतदान केंद्रांचे निरीक्षण
2.मोजणी स्थळांचे निरीक्षण
3.मतदान केंद्रांच्या आसपासच्या भागाचे निरीक्षण
4.मोजणी स्थळांच्या आसपासच्या क्षेत्रांचे निरीक्षण
5. मतदान केंद्रे आणि मतमोजणी स्थळांदरम्यान सुरक्षा दलांच्या हालचालींवर लक्ष ठेवणे.
6. ड्रोनच्या वापरामुळे निवडणूक आयोगाला निवडणूक निष्पक्षता सुनिश्चित करण्यात मदत होईल.
ड्रोनमधून मिळालेल्या डेटाचा वापर निवडणूक आयोगाकडून निवडणुकीत कोणत्याही प्रकारची हेराफेरी ओळखण्यासाठी आणि रोखण्यासाठी केला जाईल.

किती असेल ड्रोनची किंमत

जर आपण किंमतीबद्दल बोललो तर या ड्रोनची सुरुवातीची किंमत 5 लाख ते 20 लाख रुपयांच्या दरम्यान आहे. त्यांच्याकडे अनेक तास वापरता येणारी बॅटरी तर आहेच, शिवाय त्यांना माईक, स्पीकर आणि जीपीएससारख्या सुविधांसह अतिशय उच्च तंत्रज्ञानाचा कॅमेराही दिला जाऊ शकतो.