डेटवर जाणे होईल सुरक्षित! Tinderने लाँच केले ‘Share My Date’ फिचर, कुटुंब व मित्रांसह शेअर करा डिटेल्स, पाहूया

टिंडरने अलीकडेच ‘शेअर माय डेट’ हे नवीन फीचर लाँच केले आहे. यात युजर्सला त्यांच्या आगामी देटबद्दलचया डिटेल्स कुटुंबासोबत शेअर करता येणार आहे, युजरच्या सुरक्षेच्या दृष्टीने टिंडरने हे पाऊल उचलले आहे. या फीचरमध्ये, डेटपूर्वी, युजर्स ‘शेअर माय डेट’ फीचरमध्ये त्यांच्या डेट प्लॅन जसे की लोकेशन, वेळ आणि त्यांच्यासोबत जाणाऱ्या व्यक्तीचे नाव टाकू शकतात. तसेच हे यूजर्सला त्यांच्या डेट प्लॅन कोणासोबत शेअर करायचे आहे ते निवडण्याचा पर्याय देखील देते. या फिचरबद्दल आणखी डिटेल्स जाणून घेऊया..

यूजरसोबत घडणारी प्रकरणे लक्षात घेऊन टिंडरने हे फिचर तयार केले आहे. तुमच्या कुटुंबातील किंवा जवळील लोकांना याबाबत माहिती असल्यास ते अडचणीच्या वेळी तुमच्यासाठी उपयुक्त ठरेल. हे फिचर प्रामुख्याने महिलांसाठी डेटिंग अधिक सुरक्षित करू शकते. यामुळे युजर्सला डेटवर जाताना अधिक आत्मविश्वास आणि कम्फर्टेबल वाटू शकते.

टिंडरने दिलेल्या माहितीनुसार, 30 वर्षाखालील सुमारे 51 टक्के युजर्स डेटवर जाण्यापूर्वी त्यांच्या मित्रांसह याबद्दल डिटेल्स शेअर करतात, तर 19 टक्के ही माहिती त्यांच्या आईसह शेअर करतात. या फिचरच्या मदतीने एक लिंक तयार होते ज्यात लोकेशन, वेळ, फोटो तसेच समोरील व्यक्तीच्या प्रोफाइलची लिंक समाविष्ट असते. शिवाय शेअर करण्यात आलेल्या लिंकवर युजर नोट्स किंवा माहिती देखिल शेअर करू शकतो.

या फीचरमध्ये लिंक शेअर करण्याची कोणतीही मर्यादा नाही. प्लॅटफॉर्मवर ठरविण्यात आलेल्या, डेटबद्दलची माहिती 30 दिवस अगोदर शेड्युल केली जावू शकते. एकाच दिवशी एकापेक्षा जास्त डेटचे नियोजन यामुळे शक्य होणार नाही. तसेच, युजर्स माहिती शेअर केल्यानंतर त्यांची डेट एडिट करू शकतात, लिंक शेअर केल्यानंतर अचानक भेटीचे ठिकाण किंवा वेळ बदलल्यास याचा खूप उपयोग होऊ शकतो. डेट संपल्यानंतर, शेअर केलेली लिंक आपोआप बंद होते.