Tej Police Times
गेमिंगकडे नेहमी केवळ एक मनोरंजनाचे माध्यम म्हणून बघितले जात असे. अनेकदा पालक आपल्या मुलांना गेमिंगपासून दूर राहण्याचा सल्ला देत असायचे. मात्र मागील काही वर्षांपासून परिस्थिती बदलली आहे. बरेच लोक गेमिंगकडे आपल्या करिअरच्या दृष्टीने देखील बघत आहेत. यासबंधीत उत्तर भारतातून काही रंजक आकडे समोर आले आहेत. यामुळे गेमिंगबद्दलचे लोकांचे गांभीर्य दिसले आहे.
अनेक गेमर्स करतात लाखोंची कमाई
HP कंपनीच्या गेमिंग लँडस्केप या स्पेशल स्टडीमध्ये भारतातील 15 शहरांमध्ये 3000 गेमर्सचे सर्वेक्षण करण्यात आले, यातून समोर आले की, 63% गेमर्सना गेमिंग करिअरमध्ये अधिक रस आहे आणि 10 पैकी 6 गेमर्स वार्षिक 6 लाख रुपयांपेक्षा जास्त कमाई करत आहेत.
या संशोधनातून धक्कादायक निष्कर्ष निघाला. भारतातील अनेक लीक आता eSportकडे करिअर म्हणून बघत आहेत. लोकांचा वाढता प्रतिसाद व गेमर्सची लोकप्रियता यामुळे ही परिस्थिती निर्माण झाल्याचे दिसले आहे. या सर्वेक्षणात आणखी एक गोष्ट बघायला मिळाली त्या उत्तर भारतातील अनेक पालकांनी आपल्या पाल्याला याबाबतीत प्रोत्साहन दिले आहे. ५३ टक्के पालक यावेळी गोंधळात दिसले तर तब्बल ४२ टक्के पालकांनी मुलांनी हे करिअर निवडल्यास पाठींबा असेल असे सांगितले.
गेमिंगमध्ये वाढतोय भारतीयांचा वाढतोय रस
इतर कोणत्याही क्षेत्राप्रमाणे, गेमिंगमध्ये व्यावसायिक यश सहज मिळवता येत नाही. स्किल डेव्हलपमेंटची वाढती मागणी लक्षात घेता, 61% उत्तर भारतीय आपल्या गेमिंगमध्ये सतत सुधार करण्यासाठी प्रयत्नशील आहेत. ही वाढती गरज लक्षात घेऊन HP गेमिंग गॅरेज सादर केले आहे. हे गेमर्ससाठी एक अभूतपूर्व व्यासपीठ आहे जे गेमिंगचे फ्री ट्रेनिंग देईल. हे हिंदी आणि इंग्रजी अशा दोन्ही भाषांमध्ये उपलब्ध असणार आहे. या उपक्रमाचा उद्देश सर्वांना आवश्यक माहिती, गेमिंग स्किल डेव्हलप करणे व या क्षेत्राबद्दल अधिक जनजागृती करणे हा आहे.