Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
आत्तापर्यंत ज्या ज्या काही उत्पादन व सेवांमध्ये रिलायन्स जिओने आपला दावा ठोकला आहे,तेंव्हा तेंव्हा इतर स्पर्धक कंपन्यांच्या अडचणी वाढल्या आहेत. Jio ने टेलिकॉम मार्केटमध्ये प्रथमच अनलिमिटेड मोफत कॉलिंग आणले आणि लवकरच इतर कंपन्यांना देखील असेच करावे लागले. आता Jio ने OTT मार्केटमध्ये सर्वात स्वस्त OTT प्लान सादर केला आहे. या प्लॅनमुळे सदस्यांना OTT कन्टेन्ट स्ट्रीम करण्याचा ऑप्शन दररोज फक्त 1 रुपयामध्ये मिळणे सुरू होईल.
89 रुपयांचा फॅमिली प्लॅन, एकाच वेळी चार डिव्हाइसेसवर स्ट्रीमिंग
जुन्या प्लॅनमध्येही मोठी कपात करण्यात आली होती, याआधी, ग्राहकांना 99 रुपयांच्या मासिक फॅमिली प्लॅनसह JioCinema प्रीमियम रिचार्ज करण्याचा पर्याय मिळत होता. कंपनीने आपल्या OTT प्लॅनमध्ये दोन तृतीयांश कपात केली आहे आणि आता ते 89 रुपयांचा फॅमिली प्लॅन ऑफर करत आहे. या प्लॅनमधून सबस्क्रिप्शन घेतल्यास, एकाच वेळी चार डिव्हाइसेसवर स्ट्रीमिंग करता येते. ही योजना मोबाइल उपकरणांपासून स्मार्ट टीव्हीपर्यंत 4K क्वालिटी स्ट्रीमिंगचा पर्याय देते.
29 रुपये प्रति महिना OTT सर्व्हिस प्लॅन
आता कंपनीने फक्त 29 रुपये प्रति महिना असा एक प्रोपोज्ड प्लॅन आणला आहे, जो जीओ सबस्क्रिप्शन घेतल्यास एकाच डिव्हाइसवर स्ट्रीमिंगचा पर्याय प्रोव्हाईड करेल. ज्यांना फक्त एकाच डिव्हाइसवर OTT कन्टेन्ट पाहायचा आहे त्यांच्यासाठी ही योजना सर्वोत्तम आहे. हा प्लॅन इतर कोणत्याही OTT सर्व्हिस प्लॅनपेक्षा स्वस्त आहे आणि त्याचा दैनंदिन खर्च 1 रुपयापेक्षा कमी असेल.
इतर OTT सर्व्हिसशी थेट स्पर्धा
JioCinema Premium ची मेम्बरशीप घेतल्यानंतर युजर्सना 4K रिझोल्यूशनमध्ये अनेक हॉलिवूड चित्रपट, टीव्ही मालिका आणि शो स्ट्रीम करण्याचा पर्याय मिळतो. हे प्लॅटफॉर्म पाच वेगवेगळ्या भाषांमध्ये व्हिडिओ कन्टेन्ट प्रोव्हाईड करते. इंडियन प्रीमियर लीग (IPL) च्या मोफत स्ट्रीमिंगमुळे JioCinema ची लोकप्रियता झपाट्याने वाढली आहे आणि आता त्याच्या अतिशय स्वस्त प्लॅनमुळे ते इतर सर्व्हिसना मागे टाकू शकते.
इतर OTT सर्व्हिसच्या सबस्क्रिप्शन प्लॅनमध्ये होणार का बदल ?
इतरांना Jio ने केलेल्या या बदलानंतर इतर OTT सेवांच्या सबस्क्रिप्शन प्लॅनमध्ये बदल होतात की नाही हे देखील पाहणे बाकी आहे. हे स्पष्ट आहे की नेटफ्लिक्स ते ॲमेझॉन प्राइम व्हिडिओ आणि डिस्ने + हॉटस्टारपर्यंत, जिओची ही चाल कठीण स्पर्धा देणार आहे.