Tej Police Times
फूड डिलिवरी प्लेटफॉर्म स्विगी हा एक लोकप्रिय ब्रँड आहे, परंतु आइस्क्रीम डिलिवरी न केल्याबद्दल कंपनीला 5 हजार रुपयांचा दंड ठोठावण्यात आला आहे. ग्राहक न्यायालयाने स्विगीला दंड म्हणून 3,000 रुपये आणि कायदेशीर शुल्क म्हणून 2,000 रुपये परत करण्याचे आदेश दिले आहेत.
मीडिया रिपोर्टनुसार, बंडल टेक्नॉलॉजीच्या मालकीच्या स्विगी या ॲपला बंगळुरूच्या ग्राहक न्यायालयाने आयस्क्रीमची किंमत 187 रुपये ग्राहकाला परत करण्याचे आदेश दिले आहेत. नेमकं काय घडलं पाहूया
काय आहे संपूर्ण प्रकरण?
ग्राहकाने जानेवारी 2023 मध्ये स्विगी ॲप वापरून आइस्क्रीम ऑर्डर केले.या आइस्क्रीमचे नाव ‘नट्टी डेथ बाय चॉकलेट’ होते आणि त्याची किंमत 187 रुपये इतकी होती. ग्राहकाने सांगितले की आइस्क्रीम त्याच्यापर्यंत पोहोचले नाही. पण ते डिलिव्हर झाल्याचे स्टेटस मात्र ॲपवर दिसत होते.
ग्राहकापर्यंत डिलीवर झाले नाही
ग्राहकाने दाखल केलेल्या तक्रारीनुसार, डिलिव्हरी एजंटने आइस्क्रीमच्या दुकानातून आइस्क्रीम पिकअप केलं पण त्याने ते डिलिव्हर केल नाही. मात्र ॲपवर हे आईस्क्रीम डिलिव्हर झाल्याचे स्टेटस दिसत होते. तक्रारदाराने हे प्रकरण स्विगीशी शेअर केले होते मात्र कंपनीने त्यावर कोणताही रिफंड दिला नाही. त्यानंतर तक्रारदाराने न्यायालयात धाव घेतली.
ग्राहक न्यायालयाने आदेश दिला, 5 हजार स्विगीने सांगितले की ही केवळ ग्राहक आणि रेस्टॉरंट यांच्यातील प्रकरण आहे. तसेच, स्विगीला त्याच्या डिलिव्हरी एजंटच्या या चुकीसाठी जबाबदार धरले जाऊ शकत नाही. कंपनीने सांगितले की, ऑर्डर डिलिव्हर झाली आहे की नाही कंपनी हे चेक करू शकत नाही खासकरून तेव्हा ज्यावेळी डिलीवरीचे स्टेटस ग्राहकाला दिसते. ग्राहक न्यायालयाने सांगितले की स्विगीविरुद्धच्या या खटल्यात कंपनीवरचे आरोप मात्र सिद्ध झाले आहेत म्हणून कंपनीवर ही कारवाई करण्यात आली आहे.
महिलेकडून १.८ किलोमीटरसाठी आकारले १५० रुपये
स्विगी या फूड डिलीव्हरी ॲप स्विगी संबंधित यापूर्वी देखील अशी अनेक प्रकरणं समोर आली आहेत. एकदा तर चक्क १.८ किमी अंतरासाठी स्विगीने एका महिलेकडून तब्बल १५० रुपये आकारल्याचे कळले होते. स्वातीने व्हिडिओमध्ये यांनी शेअर केलेल्या व्हिडिओमध्ये सांगितले होते की, ऑर्डर कॅन्सल करूनही कंपनीने त्यांचे पैसे परत केले नाहीत. या प्रकरणी त्यांनी स्विगीला मोठे खडे बोल सुनावले होते आणि असे पुन्हा कोणत्याही ग्राहकासोबत असे करू नका हा सल्ला दिला होता