Tej Police Times
मेष – प्रभावशाली व्यक्तीची मदत मिळेल
मेष राशीच्या लोकांना आजचा आठवडा अतिशय शुभ सिद्ध होणार आहे. आठवड्याची सुरुवातीला एखाद्या जवळच्या मित्रामुळे किंवा एखाद्या प्रभावशाली व्यक्तीच्या मदतीने जीवन सहज आणि सुंदर होईल. या काळात तुम्ही कठीणातील कठीण जबाबदारीही चांगल्या पैकी सांभाळाल. या काळात एखाद्या विशेष कामानिमित्त तुमचा मोठ्या व्यासपीठावर सन्मान होईल. व्यापारतील संबंधित लोकांना पूर्वी केलेल्या गुंतवणुकीतून लाभ होईल आणि तुम्ही चांगले पैसे मिळवाल. बाजारात तुमची प्रतिष्ठा वाढेल. सौंदर्य प्रसाधने, चैनीच्या वस्तू यात व्यापार करणाऱ्यांना चांगला लाभ होईल. जे विद्यार्थी परीक्षा आणि स्पर्धांची तयारी करत आहेत त्यांना या आठवड्यात चांगली बातमी मिळेल. जर तुम्ही परदेशात करिअर किंवा व्यापारासाठी प्रयत्न करत असाल तर तुमच्या मार्गातील अडथळे दूर होतील. या काळात लव्ह पार्टनरसोबत तुमचा ताळमेळ चांगला राहील. वैवाहिक जीवन सुखमय राहील. लहानसहान गोष्टींकडे दुलर्क्ष केले तर प्रकृती चांगली राहील.
भाग्यकारक रंग : काळा
भाग्यांक : 7
वृषभ – महत्त्वाच्या कामांमुळे धावपळ
वृषभ राशीच्या लोकांना हा आठवडा संमिश्र राहील. आठवड्याच्या सुरुवातीला तुम्हाला घरगुती आणि कामासंबंधित काही महत्त्वाचे विषय मार्गी लावण्यासाठी धावपळ करावी लागेल. महत्त्वाची कामे पूर्ण करण्याचा दबाव असेल त्यामुळे तणाव वाढेल. वडिलार्जित संपत्तीच्या प्राप्तीत काही अडचणी येतील. आठवड्याच्या मध्याला तुमचा अधिकाधिक वेळ धार्मिक आणि सामाजिक घडामोडींत जाईल. या काळात तुम्ही अचानक एखाद्या तीर्थयात्रेला जाल. वरिष्ठ आणि कनिष्ठांच्या मदतीमुळे कामशी संबंधित एखाद्या समस्येवर उपाययोजना कराल, त्यामुळे तुम्हाला दिलासा मिळेल. रोजगाराच्या शोधात असलेल्या लोकांना थोडी प्रतीक्षा करावी लागेल. आठवड्याच्या उत्तरार्धात तुम्हाला चैनीच्या गोष्टी किंवा एखादी दुरुस्ती यावर खर्च करावा लागू शकतो, ज्यामुळे तुमचे बजेट बिघडू शकते. प्रेमसंबंधात सावधरीत्या पुढे जा. घाईगडबडीत किंवा भावनेच्या भरात कोणतेही मोठे पाऊल उचलून नका, अन्यथा पश्चाताप करावा लागेल. या आठवड्यात जोडीदारासोबत एखाद्या गोष्टीमुळे तणाव वाढू शकतो.
भाग्यकारक रंग : पिवळा
भाग्यांक अंक : 11
मिथुन – प्रवास फायद्याचा ठरेल
मिथुन राशीच्या लोकांनी या आठवड्यात घाईगडबडीत कोणाताही मोठा निर्णय घेऊ नये. कोणत्याही प्रकारच्या नुकसानीपासून वाचण्यासाठी शुभचिंतकांचा सल्ला दुर्लक्षित करू नका. गेल्या काही दिवसांपासून जर तुम्ही नुकसानीला तोंड देत असाल तर या आठवड्यात परिस्थितीत काही सुधारणा होताना दिसेल. हळूहळू आर्थिक विषयांत प्रगती पाहायला मिळेल. बाजारात अडकलेले पैसे अप्रत्यक्षरीत्या हाती येतील. आठवड्याच्या उत्तरार्धात करिअर किंवा व्यापाराच्या निमित्ताने दूरचा किंवा छोटा प्रवास होऊ शकतो. हा प्रवास थकवणारा पण फायद्याचा सिद्ध होईल. प्रवासाच्या काळात प्रकृतीकडे लक्ष द्या, अन्यथा काही हंगामी आजार होऊ शकतात. या आठवड्यात दुसऱ्यांच्या हस्तक्षेपामुळे तुमचे प्रेमजीवन खराब होऊ शकते. वैवाहिक जीवन सुखी बनवण्यासाठी तुमच्या जोडीदाराच्या भावनांकडे दुलर्क्ष करू नका.
भाग्यकारक रंग : हिरवा
भाग्यांक : 10
कर्क – आर्थिक निर्णय विचारपूर्वक घ्या
कर्क राशीच्या लोकांना हा आठवडा संमिश्र राहाणार आहे. आठवड्याच्या सुरुवातीला प्रकृती बिघडल्यामुळे एखादी महत्त्वाची संधी चुकू शकते, त्यामुळे तुम्हाला उदास वाटेल. या काळात कुटुंबातील एखाद्या सदस्यासोबत वाद होऊ शकतो. विशेष म्हणजे या काळात तुम्हाला आईवडिलांकडून अपेक्षित सहकार्य मिळणार नाही. व्यापाराशी संंबंधित लोकांना स्पर्धकांकडून मोठ्या स्पर्धेला तोंड द्यावे लागू शकते. आठवड्याच्या मध्याला आर्थिक विषयांतील निर्णय अतिशय विचारपूर्वक घ्यावेत. या काळात गुंतवणूक करताना शुभचिंतकांचा सल्ला घ्यावा आणि जोखीम पत्करू नये. आठवड्याच्या उत्तरार्धात कोणतेही काम घाईगडबडीत आणि अतिउत्साहात करू नका, अन्यथा फायद्याच्या जागी नुकसानच होईल. या काळात वाहन चालवताना सावध राहा, अन्यथा मार लागू शकतो. प्रेमजीवन चांगले बनवण्यासाठी तुमच्या लव्ह पार्टनरच्या जीवनात जास्त ढवळाढवळ करू नका. सुखी वैवाहिक जीवनासाठी जोडीदारासोबत ताळमेळ ठेवा.
भाग्यकारक रंग : करडा
भाग्यांक : 8
सिंह : पैशांचे योग्य नियोजन करा
सिंह राशीच्या लोकांनी या आठवड्यात जवळचा फायदा पाहण्याआधी दूरच्या नुकसानीचा विचार केला पाहिजे. या आठवड्यात लहानसहान गोष्टींत गुंतवण्यापेक्षा त्याकडे दुलर्क्ष करावे अन्यथा अनावश्यक वादांमुळे तुमचे लक्ष विचलित होऊ शकते. आर्थिक समस्यांपासून वाचण्यासाठी या आठवड्याच्या सुरुवातीला तुम्हाला पैशांचे नीट नियोजन करावे लागेल. प्रकृती आणि नातेसंबंध यांचा विचार करता या आठवड्याचा मध्य तुमच्यासाठी प्रतिकूल राहणार आहे. या काळात प्रियजनांसोबत तुमचा काही कारणांमुळे वाद होऊ शकतो. तसेच जुने आजार डोके वर काढतील, त्यामुळे शारीरिक त्रास होईल. भागीदारीत व्यवसाय करत असाल तर पैशांच्या देवाणघेवाणीत अतिशय सावध राहाण्याची गरज आहे. प्रेमसंबंधाच्या दृष्टिकोनातून आठवडा प्रतिकूल राहील. लव्ह पार्टनरची भेट न झाल्याने तुमचे मन अस्वस्थ राहील. वैवाहिक जीवन सुखमय राहील. कठीण काळात जोडीदार तुमच्या बाजूने उभा राहील. कुटुंबासोबत आनंदाचे क्षण व्यतित कराल.
भाग्यकारक रंग : करडा
भाग्यांक : 1
कन्या : महत्त्वाची कामे टाळू नका
कन्या राशीच्या लोकांना हा आठवडा संमिश्र राहणार आहे. आठवड्याच्या सुरुवातीला घरगुती समस्या तुमच्या चिंतेचे मोठे कारण ठरतील. या काळात काही हंगामी आजार तुमच्यासाठी कष्टदायक ठरतील. वाहन चालवताना काळजी घ्या कारण अपघाताचा धोका आहे. आठवड्याच्या मध्याला काही मोठे खर्च येतील त्यामुळे तुमचे बजेट बिघडू शकते. या काळात करिअर आणि व्यापाराशी संबंधित दूरचा किंवा जवळचा प्रवास करावा लागू शकतो. आळसामुळे महत्त्वाचे काम टाळू नका, अन्यथा नंतर पश्चाताप करण्याची वेळ येऊ शकते. या काळात एखाद्या प्रभावशाली व्यक्तीशी संपर्क प्रस्थापित होईल आणि मदतीचे योग आहेत, या व्यक्तीच्या मदतीमुळे मागील काही दिवसांपासून सुरू असलेल्या समस्यांवर उपाय निघेल. महिलांचा जास्तीजास्त वेळ धर्म आणि अध्यात्म यात जाईल. प्रेमसंबंधात विचारपूर्वक पुढे जा. कोणताही मोठा निर्णय रागाच्या भरात किंवा घाईगडबडीत घेऊ नका, अन्यथा नंतर पश्चाताप करायची वेळ येईल. वैवाहिक जीवन सुखमय बनवण्यासाठी जोडीदाराच्या भावनांकडे आणि गरजांकडे दुलर्क्ष करू नका.
भाग्यकारक रंग : सोनेरी
भाग्यांक : 6
तूळ : आजचे काम उद्यावर ढकलू नका
तूळ राशीच्या लोकांना या आठवड्यात आळस आणि अहंकार या दोन्ही गोष्टांपासून स्वतःला दूर ठेवायचे आहे. करिअर आणि व्यापाराशी संबंधित आजचे काम उद्यावर टाळू नका, अन्यथा वेळ हातातून निघून गेल्यानंतर पश्चाताप करावा लागू शकतो. आठवड्याच्या सुरुवातीला जमीन आणि घराशी संबंधित वाद तुमच्या चिंतेचे कारण ठरतील. शत्रू तुमच्यावर प्रभावी होण्याचा प्रयत्न करतील. कामाच्या ठिकाणी लोकांच्या गोष्टीत गुंतवण्यापेक्षा त्यांच्या लहान गोष्टींकडे दुलर्क्ष करा. आठवड्याच्या पूर्वार्धापेक्षा उत्तरार्ध थोडा दिलासादायक राहील. या काळात तुम्ही तुमची वेळ आणि पैसे यांचे नियोजन करू शकला तर तुम्हाला कामात यश मिळेल. या काळात तुम्हाला कार्यकुशलेतनुसार कामाचा विस्तार करणे योग्य राहील. प्रेमसंबंधांच्या दृष्टिकोनातून या आठवडा तुमच्यासाठी फार अनुकूल नाही, त्यामुळे कोणताही निर्णय घेताना विचारपूर्वक घ्यावा. जर लव्ह पार्टनरसोबत काही वाद सुरू असेल किंवा या विषयावरून घरी काही कलह सुरू असेल तर वादविवाद न करता संवादाची मदत घ्यावी. जीवनातील कठीण काळात जोडीदार तुमचा आधार बनेल.
भाग्यकारक रंग : नारंगी
भाग्यांक : 10
वृश्चिक – आर्थिक समस्या वाढू शकतात
वृश्चिक राशीच्या लोकांना हा आठवडा अपेक्षेपेक्षा थोडा कमी लाभदायक ठरेल. आठवड्याच्या सुरुवातीला एखाद्या महत्त्वाच्या कामात अचानक मोठा अडथळा येईल आणि तुम्हाला उदास वाटू वाटेल. पण तुम्ही फक्त बसून न राहाता या अडथळ्यावर उपाय करण्याचे प्रयत्न केले पाहिजेत. कोणत्याही परिस्थितीत ही समस्या अधिक वाढणार नाही, याची दक्षता घ्या. मित्र आणि शुभचिंतक यांच्या माध्यमातून या समस्या सोडवण्याचा प्रयत्न करा. या आठवड्यात घरातील एखाद्या वयस्कर व्यक्तीच्या प्रकृतीची चिंता सतावेल. तसेच तुम्हाला तुमच्या आरोग्याची काळजी घ्यावी लागणार आहे, अन्यथा तुम्हाला हॉस्पिटलच्या फेऱ्या माराव्या लागतील. आठवड्याच्या उत्तरार्धात आर्थिक समस्या वाढू शकतात. व्यापाऱ्यांचा पैसा बाजारात अडकू शकतो. या काळात कोणत्याही योजनेत पैसे गुंतवताना फार विचारपूर्वक निर्णय घ्याव. कामाच्या ठिकाणी वरिष्ठ आणि कनिष्ठांशी ताळमेळ ठेवणे फायद्याचे ठरेल. प्रेमसंबंधात सावधरीत्या पुढे जा. वैवाहिक जीवन सामान्य राहील.
भाग्यकारक रंग : जांभळा
भाग्यांक : 3
धनू – आवडत्या जागी बदली होईल
धनू राशीच्या लोकांना हा आठवडा सकारात्मक राहील. आठवड्याच्या सुरुवातीला एखाद्या प्रभावशाली व्यक्तीच्या मदतीने दीर्घकाळापासून सुरू असलेली समस्या सुटू शकेल. कोर्टात सुरू असलेल्या खटल्यांत निर्णय तुमच्या बाजूने येईल किंवा विरोधक स्वतःच तडजोडीसाठी तयार होतील. परीक्षा आणि स्पर्धांची तयारी करत असलेल्यांना चांगली बातमी मिळू शकते. गृहिणींचा जास्तीजास्त वेळ पूजाअर्चेत जाईल. या आठवड्यात धार्मिक ठिकाणी प्रवासाचे योग आहेत. सामाजिक कार्याशी संबंधित लोकांचा सन्मानहोईल. नोकरदारांसाठी आठवड्याचा दुसरा भाग अत्यंत शुभ ठरणार आहे. या काळात तुम्हाला एखादे मोठे पद किंवा महत्त्वाची जबाबदारी मिळू शकते. जर तुम्ही दीर्घकाळापासून आवडत्या जागी बदलीची प्रतीक्षा करत असाल तर तुमची इच्छा पूर्ण होईल. प्रेमसंबंध दृढ होतील. तुम्हाला लव्ह पार्टनरकडून भेटवस्तू मिळतील. वैवाहिक जीवन सुखमय राहील. कुटुंबासोबत आनंदी क्षण व्यतित करण्याची संधी मिळेल.
भाग्यकारक रंग : गुलाबी
भाग्यांक : 12
मकर – विरोधक सक्रिय होतील
मकर राशीच्या जातकांना हा आठवडा अपेक्षेपेक्षा कमी फलदायी असेल. कार्यस्थळी तुमचे काम वेळेवर पूर्ण करण्यासाठी तुम्हाला वरिष्ठ आणि कनिष्ठांसोबत चांगला ताळमेळ ठेवावा लागेल. या काळात विरोधक सक्रिय होतील, त्यामुळे सतर्क राहा आणि तुमचे काम इतरांच्या हाती सोपवण्याची चूक करू नका. आठवड्याचा मध्य तुमच्या प्रकृतीसाठी शुभ नाही. या काळात तुम्ही हंगामी आजारामुळे त्रस्त असाल आणि तुमचे कामावर याचा परिणाम होईल. या काळात उत्पन्नापेक्षा खर्च जास्त होईल, त्यामुळे तुमचे बजेट बिघडून जाईल. करिअर आणि बिझनेसशी संबंधित प्रवास अपेक्षेपेक्षा कमी फलदायी ठरतील. नोकरदार महिलांना काम आणि घर यात ताळमेळ ठेवताना अडचणींना तोंड द्यावे लागेल. प्रेमसंबंधात सावधतेने पुढे जा, तसेच लव्ह पार्टनरबद्दल मनात नकारात्मक विचार येऊ देऊ नका. प्रेमसंबंध किंवा वैवाहिक जीवन यात शंकांना वाव देऊ नका आणि गोष्टी स्पष्ट ठेवा.
भाग्यकारक रंग : लाल
भाग्यांक : 4
कुंभ – दूरच्या प्रवासाचे योग
कुंभ राशीच्या लोकांना आठवड्याच्या सुरुवातीला एखाद्या मोठ्या समस्येला तोंड द्यावे लागू शकते. कामच्या ठिकाणी तुमचे विरोधक तुमची प्रतिष्ठा खराब करण्याचा प्रयत्न करतील. अशात तुम्हाला फार सावध रहावे लागेल आणि तुमचे लक्ष विचलित होणार नाही, याबाबतीत सतर्क राहावे लागेल. या काळात न वाचता कोणत्याही कागदावर सही करू नका. आठवड्याच्या सुरुवातीला व्यापारासंबंधित दूरचा प्रवास करावा लागेल. हा प्रवास थकवणारा असेल आणि लाभ थोडे कमी होतील. पण प्रवासात तुमची ओळख काही प्रभावशाली व्यक्तींशी होऊ शकते, ज्यांचा फायदा भविष्यातील काही योजनांवर काम करताना होईल. हवमान बदलत आहे, त्यामुळे प्रकृतीबद्दल सतर्क राहा. प्रेमसंबंधात काही अडचणी चिंतेचा विषय बनतील. तुमच्या प्रेमकथेत तिसऱ्या व्यक्तीच्या हस्तक्षेपामुळे तुम्ही उदास असाल. अशात लव्ह पार्टनरसोबतचे विषय चर्चेतून सोडवावेत. जोडीदाराच्या आरोग्यची चिंता सतावेल.
भाग्यकारक रंग : निळा
भाग्यांक : 2
मीन – बजेट बिघडू शकते
मीन राशीच्या लोकांसाठी प्रकृतीमुळे कामात अडथळे येतील. आठवड्याच्या सुरुवातीला हंगामी आजार किंवा जुने आजार यातून बाहेर पडताना तुम्हाला शारीरिक त्रास तर होईलच शिवाय आर्थिक भारही सोसावा लागेल. या काळात लहान भाऊ किंवा बहिणीशी काही मुद्यांवर वाद होऊ शकतो, त्यामुळे तुम्ही दुःखी व्हाल. अचानक आलेल्या काही मोठ्या खर्चामुळे बजेट बिघडू शकते. खासगी जीवनाच्या जोडीनेच आर्थिक चिंता तुम्हाला सतावेल. व्यापाराशी संबंधित कागदोपत्री कामे वेळेत पूर्ण करा, अन्यथा अनावश्यक अडचणींना तोंड द्यावे लागेल. आठवड्याचा दुसरा भाग पहिल्या भागापेक्षा थोडा जास्त दिलासादायक असेल.या काळात संततीशी संबंधित मोठे यश तुमचा मानसन्मान वाढवणारी ठरेल आणि घरात आनंदाचे वातावरण राहील. एखाद्या धार्मिक किंवा मंगलकार्यात भाग घेण्याची संधी मिळेल. प्रेमसंबंधातील गैरसमजुती दूर होतील. जीवनातील अडचणींना तोंड देण्यासाठी लव्ह पार्टनर सहकार्य करेल. वैवाहिक जीवन सुखमय राहील.
भाग्यकारक रंग : पांढरा
भाग्यांक : 5