Google ने आपले Google Wallet ॲप केले लाँच; आता दैनंदिन अर्थव्यवहार होणार सोपे

Google Wallet ॲपच्या मदतीने बोर्डिंग पासपासून लॉयल्टी पासपर्यंत आणि सर्व आवश्यक कागदपत्रे या व्हर्च्युअल वॉलेटमध्ये सहज ठेवता येतात आणि Google Pay द्वारे पेमेंटही त्वरित करता येते.कंपनीने या लाँच संदर्भात म्हटले आहे की, पुढील काही महिन्यांत ती आणखी ब्रँडसोबत भागीदारी करेल जेणेकरून त्यांच्या सेवा Google Wallet मध्ये इंटिग्रेट केल्या जातील.हे सिंगल सोल्यूशनप्रमाणे काम करेल. अँड्रॉइडचे जीएम आणि गुगलचे इंडिया इंजिनिअरिंग हेड, म्हणाले की, “नवीन ॲपचा देशभरातील लाखो युजर्सना फायदा होईल, गुगल वॉलेट ॲपचे आगमन अँड्रॉइड इंडियाच्या प्रवासात एक मैलाचा दगड ठरेल आणि याद्वारे लोकांचे दैनंदिन जीवन सुकर होणार आहे.” पुढे ते म्हणाले की, “आम्ही भारतातील आघाडीच्या ब्रँडशी भागीदारी केली आहे जेणेकरून आम्ही युजर्सना अधिक चांगले समाधान देऊ शकू”.

मोठ्या ब्रँड्ससोबत भागीदारी

Google ने आपले नवीन ॲप भारतात लॉन्च करण्यासाठी 20 मोठ्या ब्रँड्ससोबत भागीदारी केली आहे, ज्यांच्या यादीमध्ये PVR आणि INOX, Air India, Indigo, Flipkart, Pine Labs, Kochi Metro आणि Abhibus सारख्या नावांचा समावेश आहे.

गुगल वॉलेटमध्ये उपलब्ध असतील हे फीचर्स

चित्रपट आणि इव्हेंट तिकिटे सेव्ह करा

PVR आणि INOX च्या भागीदारीत, Android युजर्सना आता Google Wallet वर चित्रपट आणि इव्हेंट तिकिटे सेव्ह करण्याचा पर्याय मिळेल.

तुम्ही बोर्डिंग पासेस ऍक्सेस करू शकाल

अनेक भारतीय एअरलाइन्स आणि ट्रॅव्हल कंपन्यांसोबत भागीदारी करून, Google ने ठरवले आहे की युजर्स त्यांच्या फ्लाइटसाठीचे बोर्डिंग पास Google Wallet मध्ये सेव्ह करू शकतील. Pixel युजर्सना बोर्डिंग पासचा स्क्रीनशॉट घेतल्यानंतर ‘Add to Google Wallet’ वर टॅप करावे लागेल.

लॉयल्टी किंवा गिफ्ट कार्ड्सची पूर्तता करा

फ्लिपकार्टपासून शॉपर्स स्टॉप आणि डॉमिनोजपर्यंत, युजर्सना वॉलेट ॲपमध्ये विविध लॉयल्टी प्रोग्राममधील कूपन आणि गिफ्ट कार्ड स्टोअर करण्याचा पर्याय दिला जाईल.

प्रवास करताना तिकीट करा सेव्ह

Google Wallet ॲपद्वारे, युजर्स कोची मेट्रो, हैदराबाद मेट्रो, VRL ट्रॅव्हल्स आणि अभिबस यांसारख्या सेवांसह प्रवास करताना त्यांची तिकिटे सेव्ह करू शकतील.

फोन कॉर्पोरेट बॅजप्रमाणे काम करेल

Google Wallet ॲपने Wavelynx आणि Alert Enterprise सारख्या सिस्टीम इंटिग्रेटरसह भागीदारीत युजर्सना त्यांचा कॉर्पोरेट बॅज किंवा आयडी कार्ड डिजिटली वॉलेटमध्ये ठेवण्याचा पर्याय दिला आहे.

फिजिकल डॉक्युमेंट डिजिटल करा

कोणतेही भौतिक दस्तऐवज Google Wallet सह डिजीटल केले जाऊ शकतात. तुम्ही त्यामध्ये QR कोड किंवा बारकोडसह ईमेजेस सहजपणे सेव्ह करू शकता.

तिकिटे आपोआप वॉलेटवर येतील

जीमेलवर तुम्हाला चित्रपटाचे तिकीट,आयपीएल तिकीट किंवा ट्रेनचे तिकीट मिळताच ते लिंक केलेल्या गुगल वॉलेटमध्ये आपोआप सेव्ह होईल आणि दृश्यमान होईल.

Google Wallet ॲप वॉलेट सोल्यूशन म्हणून काम करेल आणि युजर्स पूर्वीप्रमाणे पेमेंटसाठी Google Pay ॲप वापरणे सुरू ठेवण्यास सक्षम असतील. वॉलेट ॲप पेमेंटसाठी Google Pay सिस्टम देखील वापरेल आणि Google त्याचे जुने पेमेंट ॲप काढणार नाही.