ॲपल वॉचमुळे मिळाले जीवनदान; जाणून घ्या ‘त्या’ महिलेची हकीकत

ॲपल वॉचमुळे दिल्लीत राहणाऱ्या एका महिलेला दुसरे जीवन मिळाले. वास्तविक, ॲपल वॉचनेच या महिलेचा जीव वाचवण्यात मदत केली आहे. ही महिला एके दिवशी ऑफिसमधून घरी आली आणि तिला हृदयात जोराचा ठोका जाणवला. यावर तिच्या ॲपल वॉचने तिला ताबडतोब डॉक्टरांचा सल्ला घेण्याचा सल्ला दिला. यानंतर ती हॉस्पिटलमध्ये पोहोचली आणि डॉक्टरांनी तिला सांगितले की, ती वेळेवर आली आहे अन्यथा तिच्यासाठी मोठी समस्या उभी राहिली असती.

अचानक तिचे हृदयाचे ठोके वाढले

दिल्लीत पॉलिसी रिसर्चर म्हणून काम करणारी स्नेहा सिन्हा तिचे सामान्य जीवन जगत होती. एके दिवशी ती संध्याकाळी ऑफिसमधून घरी परतली. यानंतर अचानक तिचे हृदयाचे ठोके वाढू लागले.यानंतर तिने ॲपल वॉच 7 ने हार्ट रेट तपासण्याचा प्रयत्न केला तेव्हा तिला घड्याळाची बॅटरी संपल्याचे समजले. यानंतर तिने थांबून ॲपल वॉच चार्ज केला.

ॲपल वॉच दर्शवते हाय हार्ट रेट

स्वत:ला शांत ठेवण्यासाठी तिने दीर्घ श्वास घेतला, यानंतरही तिच्या ॲपल वॉचमध्ये हृदयाचे ठोके वाढल्याचे दिसत होते. यानंतर तिला गळ्यात हृदयाचे ठोके जलद होत असल्याचे जाणवले आणि तिला छातीत दुखू लागले.
तेंव्हा Apple Watch ने सूचना दिली. दीड तासानंतर ॲपल वॉचच्या ईसीजी ॲपला ॲट्रिअल फायब्रिलेशन आढळून आले आणि महिलेला सूचनाही दिली. सूचनेने महिलेला सांगितले की, तिने लवकर डॉक्टरांना दाखवावे. यानंतर तिने तिच्या मैत्रिणीला फोन केला आणि मग ती डॉक्टरकडे गेली,तिने सकाळची वाट पाहिली असती, खूप उशीर झाला असता.

इमर्जन्सीमध्ये केले चेकअप

यानंतर, डॉक्टरांनी तिला आपत्कालीन कक्षात तपासले आणि तिच्या हृदयाचे ठोके प्रति मिनिट 250 बीट्सच्या वर असल्याचे आढळले. यानंतर महिलेला तातडीने ऑक्सिजन देऊन आवश्यक उपचार देण्यात आले. डॉक्टरांनी सांगितले की, ती वेळेवर हॉस्पिटलमध्ये पोहोचली होती, अन्यथा प्रकृती आणखी बिघडली असती. ती म्हणाली की, जर तिच्याकडे ऍपल वॉच नसती तर कदाचित ती आज या जगात नसती. इंडिया टुडेशी संवाद साधताना तिने ही माहिती दिली.यानंतर महिलेने ॲपलचे सीईओ टिम कुक यांना ईमेल लिहिला. या ईमेलमध्ये त्यांनी ॲपल वॉचच्या या खास वैशिष्ट्याची प्रशंसा केली आहे. यानंतर त्यांनी धन्यवादही म्हटले.