जगात 6G तंत्रज्ञानाची एंट्री, 5G पेक्षा शेकडो पटीने अधिक वेग; 1 सेकंदात 5 चित्रपट डाउनलोड करण्याची क्षमता, पाहा

5G अद्याप जगाच्या अनेक भागांमध्ये अजून योग्यरित्या पोहोचलेले नाही, परंतु जपानने 6G ची तयारी सुरू केल्याचे दिसते. कारण नुकतेच एका जपानी कन्सोर्टियमने अलीकडेच जगातील पहिले हाय-स्पीड 6G प्रोटोटाइप डिवाइस सादर केले आहे. असा दावा केला जात आहे की ते 100 गीगाबिट्स प्रति सेकंद (Gbps) वेगाने 330 फुटांपेक्षा जास्त अंतरापर्यंत डेटा ट्रांसमिट शकते. हा वेग सध्याच्या 5G प्रोसेसरपेक्षा 20 पट जास्त आहे आणि त्याचा एकूण वेग सरासरी 5G फोन स्पीडपेक्षा 500 पट जास्त असेल.

वापरात आल्यानंतर वेग कमी होण्याची शक्यता

6Gच्या चाचणीत दिसणार हा वेग खूपच प्रभावी असला तरी, आधीच या तंत्रज्ञानाकडून अपेक्षा खूप जास्त करू नये. कारण 6G ची चाचणी एकाच डिवाइसमध्ये करण्यात आली आहे, पहिल्याच चाचणीत या तंत्रज्ञानाचे तोटे तज्ज्ञांच्या लक्षात आले आहेत.

5G, कनेक्टिव्हिटीमधील सध्याचा सर्वाधिक वेग 10 Gbps वेग इतका आहे. मात्र जगभरात याची गती सामान्यत: खूपच कमी असते, यूएस मधील T-Mobile वापरकर्त्यांसाठी सरासरी 200 मेगाबिट प्रति सेकंद (Mbps) असते.

फ्रिक्वेन्सी आव्हान ठरण्याची शक्यता

5Gची गती कमी होण्याचे प्रमुख कारण म्हणजे त्यात हाय फ्रिक्वेन्सी बँड वापरण्यात येतात. ही हाय फ्रिक्वेन्सीमुळे कोणतीही गोष्ट वेगवान गतीने शेअर होते, परंतु यामुळे सिग्नल खूप दूर जाऊ शकत नाही किंवा गोष्टी चांगल्या प्रकारे शेअर होऊ शकत नाही.

6Gत कनेक्टिव्हिटीमध्ये 5G पेक्षा जास्त फ्रिक्वेन्सीमुळे बँड वापरले जातील. याचा अर्थ 6G डिव्हाइसेसला वेगवान डाउनलोडसाठी आवश्यक फ्रिक्वेन्सी मिळणे कठीण होईल. या चाचण्या 330 फूट (100 मीटर) पेक्षा जास्त अंतरावर घेण्यात आल्या. त्यामुळे भिंती आणि अगदी पावसासारख्या गोष्टी 6G सिग्नलसाठी मोठ्या प्रमाणात अडचणीच्या ठरू शकतात.

6Gमुळे या गोष्टी होतील सुलभ

4G वरून 5G कडे व्हिडीओ स्ट्रीमिंग आणि मोबाईल ब्राउझिंग सारख्या ऍक्टिव्हिटिजची डेटा क्षमता वाढवण्यावर कंपन्या लक्ष केंद्रित करत असताना, 6G नेटवर्क लोकांपर्यंत पोहोचवणे आव्हानात्मक ठरणार आहे. वेगवान गतीसह, 6G रिअल-टाइम होलोग्राफिक कम्युनिकेशन आणि इमर्सिव्ह व्हर्च्युअल आणि मिक्स-व्हर्चुअल रियालीटी यासारख्या गोष्टींना सपोर्ट करेल असा अंदाज लावण्यात येत आहे.