Poco चा सर्वात शक्तिशाली स्मार्टफोन येतोय भारतात; इतकी असू शकते किंमत

पोकोचा नवीन स्मार्टफोन Poco F6 भारतात लाँचसाठी तयार आहे. हा भारतासह जागतिक बाजारात देखील लाँच केला जाईल. फोन 23 मे 2024 ला ग्राहकांच्या भेटीला येईल. याचा लाँच इव्हेंट दिल्लीत 23 मेला संध्याकाळी 4.30 वाजता सुरु होईल. फोनची विक्री ई-कॉमर्स प्लॅटफॉर्म फ्लिपकार्ट वरून केली जाईल. फोन लाँचची घोषणा सोशल मीडिया प्लॅटफॉर्म एक्सवरून करण्यात आली आहे. तसेच एक मायक्रो साइट देखील लाइव्ह करण्यात आली आहे.

Poco F6 5G चे संभाव्य स्पेसिफिकेशन्स

Poco F6 स्मार्टफोनमध्ये Qualcomm Snapdragon 8s Gen 3 चिपसेट दिला जाऊ शकतो. फोन 6.67 इंचाच्या 1.5K OLED डिस्प्लेला सपोर्ट करू शकतो. फोनमध्ये 120 Hz रिफ्रेश रेटला सपोर्ट दिला जाईल. Poco F6 स्मार्टफोनमध्ये ड्युअल कॅमेरा सेटअप दिला जाऊ शकतो. याचा मेन कॅमेरा 50 मेगापिक्सलचा असेल, जो Sony LYT 600 सेन्सरसह येतो. फोनमध्ये 8 मेगापिक्सलचा अल्ट्रा वाइड कॅमेरा दिला जाऊ शकतो. फोनच्या फ्रंटला 16 मेगापिक्सल कॅमेरा मिळेल. फोन अँड्रॉइड 14 आधारित HyperOS सपोर्टसह येईल. पोको एफ6 स्मार्टफोनमध्ये 5000mAh ची बॅटरी दिली जाईल. त्याचबरोबर फोनमध्ये 90W फास्ट चार्जिंगचा सपोर्ट दिला जाऊ शकतो. या अपकमिंग स्मार्टफोनसह 3 वर्षांचे अपडेट आणि 4 वर्षांचे सिक्योरिटी अपडेट दिले जाऊ शकतात.

Poco F6 ची संभाव्य किंमत

पोकोच्या आगामी स्मार्टफोनची किंमत अधिकृतपणे समोर आली नाही. परंतु रिपोर्टनुसार, Poco F6 स्मार्टफोन भारतात सुमारे 30 ते 35 हजार रुपयांच्या बजेटमध्ये लाँच केला जाऊ शकतो.

बजेट फ्रेंडली Poco C61

अलीकडेच 7 हजारांच्या बजेटमध्ये पोको सी61 भारतात लाँच करण्यात आला आहे. या फोनमध्ये 6.71 इंचाचा डिस्प्ले मिळतो. हा आयपीएस एलसीडी पॅनल 1650 x 720 पिक्सल रिजॉल्यूशनला सपोर्ट करतो. यात १८० हर्ट्झ टच सॅम्पलिंग रेट, 90 हर्ट्झ रिफ्रेश रेट आणि 500 निट्स पीक ब्राइटनेस मिळते.

प्रोसेसिंगसाठी यात हेलियो जी36 चिपसेटचा वापर करण्यात आला आहे. सोबत 6जीबी पर्यंत रॅम आणि 128 जीबी पर्यंतची इंटरनल स्टोरेज मिळते. जी मायक्रोएसडी कार्डच्या मदतीनं 1टीबी पर्यंत वाढवता येईल. नवीन पोको सी61 मध्ये ड्युअल रियर कॅमेरा मिळतो. ज्यात 8 मेगापिक्सलचा प्रायमरी सेन्सर आहे. तर फ्रंटला 5 मेगापिक्सलचा सेन्सर देण्यात आला आहे. यातील 5000 एमएएचची बॅटरी USB-C पोर्टच्या माध्यमातून 10 वॉट स्पीडनं चार्ज करता येते.