Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Srikanth: राजकुमार रावच्या ‘श्रीकांत’ ची जादू, 12th Fail पेक्षा अधिक कमाई; पाच दिवसांत जमवला इतक्या कोटींचा गल्ला
मुंबई: अभिनेता राजकुमार राव याचा ‘श्रीकांत’ सिनेमा सध्या चर्चेत आहे. काही दिवसांपूर्वीच हा सिनेमा प्रदर्शित झाला. उद्योगपती श्रीकांत बोल्ला यांच्या आयुष्यावर आधारित असलेला हा सिनेमा बॉक्स ऑफिसवर धुमाकूळ घालताना दिसतोय. बॉलिवूडच्या बिग बजेट सिनेमांना या चित्रपटानं चांगलीच टक्कर दिली आहे.
राजकुमारच्या या सिनेमाची तुलना विक्रांत मेस्सीच्या १२ वी फेल या सिनेमासोबत केली जात आहे. विशेष म्हणजे या श्रीकांत या सिनेमानं 12Th Fail चा रेकॉर्ड मोडला आहे. या सिनेमाची पहिल्या पाच दिवसाची कमाई ही 2Th Fail सिनेमापेक्षा जास्त आहे. विक्रांत मेस्सीच्या 12Th Fail सिनेमानं पाच दिवसात ९.८९ कोटींची कमाई केली होती. या सिनेमानं बॉक्स ऑफिसवर ५६ कोटींची एकूण कमाई केली होती. त्यामुळं श्रीकांत सिनेमाकडून निर्मात्यांना आणखी अपेक्षा आहेत.
sacnilk च्या रिपोर्ट नुसार ‘श्रीकांत’ नं पाच दिवसात एकूण १५ कोटींची कमाई केली आहे. पाचव्या दिवशी सिनेमाची कमाई ही १.६५ कोटी इतकी होती. सकारात्मक गोष्ट अशी की, सिनेमाच्या कमाईच्या आकड्यांमध्ये दिवसेंदिवस वाढ होताना दिसतेय. आठवड्याच्या मधल्या दिवसांतही सिनेमानं कमाईवर पकड कायम ठेवली आहे. काही दिवसांपूर्वी प्रदर्शित झालेले ‘मैदान’ आणि ‘बड़े मियां छोटे मियां’ हे बिग बजेट सिनेमे बॉक्स ऑफिसवर फ्लॉप ठरले. पण ४० कोटींच्या बजेटमध्ये तयार झालेल्या सिनेमाला प्रेक्षकांचा चांगला प्रतिसाद मिळताना दिसतोय.
दरम्यान, सिनेमाबद्दल बोलायचं झालं तर दृष्टीदोष असणारे उद्योगपती श्रीकांत बोल्ला यांच्या जीवनप्रवासाची. लेखक सुमीत पुरोहित आणि जयदीप सिधू यांनी ही गोष्ट अतिशय साधी, सरळ, सोपी लिहिली आहे. दिग्दर्शक तुषार हिरानंदानी यांनी हा चरित्रपट मांडताना दृष्टीदोष असणारी व्यक्ती आणि तिचा प्रवास यात कुठंही ‘दया’ वाटेल अशा पद्धतीचं चित्रीकरण टाळलं आहे. त्याऐवजी दृष्टीदोष असणाऱ्या माणसाची बलस्थानं, त्याची बुद्धीमत्ता, काम करण्याची कौशल्यं आणि आव्हानात्मक परिस्थितीचा सामना करण्याची जबरदस्त इच्छाशक्ती याचं दर्शन घडवलं आहे. या मांडणीमागं आपल्या देशात दृष्टीदोष असणाऱ्यांना मिळणारी वागणूक किंवा त्यांच्या क्षमतांना कमी लेखण्याच्या मानसिकतेवरही भाष्य केलं आहे.