Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Box Office Collection:हळूहळू गड सर करतोय ‘श्रीकांत’; देतोय हॉलिवूडच्या चित्रपटाला टक्कर, वाचा किती झाली कमाई!
मुंबई- १० मेला प्रदर्शित झालेल्या राजकुमार रावच्या ‘श्रीकांत’ या चित्रपटाची कमाई जरी हळूहळू होत असली तरी या चित्रपटाने आपली पकड बॉक्स ऑफिसवर कायम ठेवली आहे. सहा दिवसात ‘श्रीकांत’ या चित्रपटाने भारतीय बॉक्स ऑफिसवर १६.४५ कोटींची कमाई केलीये. मात्र, या चित्रपटाची टक्कर हॉलिवूड मधल्या ‘किंगडम ऑफ द प्लॅनेट ऑफ द एप्स’ या चित्रपटाशी होतेय.
तुषार हिरानंदानी दिग्दर्शित ‘श्रीकांत’ या चित्रपटाच्या शोला बुधवारी ११% प्रेक्षक उपस्थित होते. तर रात्रीच्या शोमध्ये प्रेक्षकांची संख्या १४ टक्क्यांनी वाढली होती. दुसरीकडे, ‘किंगडम ऑफ द प्लॅनेट ऑफ द एप्स’ हा चित्रपट पाहण्यासाठी कमी संख्येने प्रेक्षक उपस्थित होते पण हा चित्रपट जास्त कामाई करतोय. याचं कारण म्हणजे हा चित्रपट IMAX आणि 4DX व्हर्जनमध्ये प्रदर्शित झाला असून त्याच्या तिकिटाचा दर जास्त आहे.
तुषार हिरानंदानी दिग्दर्शित ‘श्रीकांत’ या चित्रपटाच्या शोला बुधवारी ११% प्रेक्षक उपस्थित होते. तर रात्रीच्या शोमध्ये प्रेक्षकांची संख्या १४ टक्क्यांनी वाढली होती. दुसरीकडे, ‘किंगडम ऑफ द प्लॅनेट ऑफ द एप्स’ हा चित्रपट पाहण्यासाठी कमी संख्येने प्रेक्षक उपस्थित होते पण हा चित्रपट जास्त कामाई करतोय. याचं कारण म्हणजे हा चित्रपट IMAX आणि 4DX व्हर्जनमध्ये प्रदर्शित झाला असून त्याच्या तिकिटाचा दर जास्त आहे.
‘श्रीकांत’ या चित्रपटाचं बजेट ४० कोटी
रिपोर्टनुसार, ‘श्रीकांत’ या चित्रपटाने प्रदर्शित झाल्यानंतर सहाव्या दिवशी म्हणजे बुधवारी १ कोटी ५० लाख रूपयांची कमाई केली. त्याच्या आदल्या दिवशी १ कोटी ६० लाख रुपयांची कमाई केली होती. अशाप्रकारे या चित्रपटाचं सहा दिवसातलं बॉक्स ऑफिस कलेक्शन १६ कोटी ४५ लाखांपर्यंत पोहोचलं आहे. या चित्रपटाचं बजेट ४० कोटी रुपये असून जर ह्याच वेगाने कमाई करत राहिला तर आठवड्याच्या शेवटपर्यंत बजेट ओलांडून नफा कमवू शकेल.
‘किंगडम ऑफ द प्लॅनेट ऑफ द एप्स’चं कलेक्शन
दुसरीकडे, ‘प्लॅनेट ऑफ द एप्स’ या फ्रेंचायजीच्या ‘किंगडम ऑफ द प्लॅनेट ऑफ द एप्स’ या चित्रपटाने सहाव्या दिवशी भारतात १ कोटी ८० लाख रुपयांची कमाई केलीये. या चित्रपटाने एकूण सहा दिवसात १७ कोटी ३० लाख रुपयांची कमाई केली असून जगभरात १२०० कोटी रुपयांचा आकडा पार केलाय.
श्रेयस तळपदेचा ‘कर्तम भुगतम’ शुक्रवारी प्रदर्शित होणार आहे
‘शैतान’ या चित्रपटाच्या यशानंतर बॉक्स ऑफिसची अवस्था अत्यंत वाईट झालीये. गेल्या दोन महिन्यात एकही चित्रपट बंपर कमाई करत नाहीये. लहान बजेट असलेले काही चित्रपट हिट सुद्धा झाले आणि त्यांनी नफ्याचा टॅगही मिळवला. येत्या शुक्रवारी १७मेला श्रेयस तळपदेचा ‘कर्तम भुगतम’ हा एकच चित्रपट प्रदर्शित होणार आहे.