२०हजारांच्या बजेटमधील ‘हे’ दोन OPPO 5G Phone झाले स्वस्त, कंपनीनं कमी केली किंमत

ओप्पो इंडियानं आपल्या चाहत्यांसाठी व्हॅलेंटाइन डेची भेट देत आज दोन ५जी स्मार्टफोन्सची किंमत कमी केली आहे. कंपनीनं OPPO A79 5G आणि OPPO A78 5G फोनच्या किंमतीत थेट १,००० रुपयांची कपात कर करण्यात आली आहे. या प्राइसकट नंतर हे दोन्ही ओप्पो मोबाइल्स आज पासूनच नव्या दरात विकले जात आहेत. दोन्ही स्मार्टफोनची किंमत तसेच स्पेसिफिकेशन्सची माहिती तुम्ही पुढे वाचू शकता.

OPPO 5G Phone प्राइस कट

OPPO A79 5G स्मार्टफोनच्या ८जीबी रॅम व १२८जीबी स्टोरेज मॉडेलची किंमत १९,९९९ रुपयांवरून १८,९९९ रुप्ये करण्यात आली आहे. हा फोन १००० रुपयांनी स्वस्त झाला आहे. तर १८,९९९ रुपयांच्या OPPO A78 5G च्या ८जीबी रॅम व १२८जीबी स्टोरेज मॉडेल आता १००० रुपयांच्या प्राइस कट नंतर १७,९९९ रुपयांना विकत घेता येईल.
हे देखील वाचा:
१० हजारांच्या जबरदस्त डिस्काउंटसह Oppo Reno 11 5G उपलब्ध; अशाप्रकारे करा ऑर्डर

OPPO A79 5G चे स्पेसिफिकेशन्स

ओप्पो ए७९ ५जी फोनमध्ये १०८० x २४०० पिक्सल रिजोल्यूशन असलेला ६.७२ इंचाचा फुलएचडी+ पंच-होल डिस्प्ले देण्यात आला आहे. ही स्क्रीन ९०हर्ट्झ रिफ्रेश रेट, ६८०निट्स ब्राइटनेस, १४००:१ कॉन्ट्रास्ट रेशियो आणि ९६% कलर गामुटला सपोर्ट करते. OPPO A79 5G अँड्रॉइड १३ आधारित कलरओएसवर लाँच करण्यात आला आहे ज्यात प्रोसेसिंगसाठी मीडियाटेक डायमेन्सिटी ६०२० ऑक्टाकोर प्रोसेसर आहे. सोबत ८जीब फिजिकल रॅममध्ये ८जीबी वचुर्अल रॅम जोडून १६जीबी रॅमची ताकद मिळते.

फोटोग्राफीसाठी ओप्पो ए७९ ५जी फोन ड्युअल रियर कॅमेरा मिळतो. ज्यात ५० मेगापिक्सलचा मुख्य कॅमेरा आणि २ मेगापिक्सलची पोर्ट्रेट लेन्स आहे. फ्रंटला ८ मेगापिक्सलचा सेल्फी कॅमेरा आहे. पावर बॅकअपसाठी ५,०००एमएएचची बॅटरी मिळते जी ३३वॉट फास्ट चार्जिंगला सपोर्ट करते. OPPO A79 5G स्मार्टफोन IP५४ सर्टिफाइड आहे. तसेच यात ड्युअल सिम 5G, 4G, ब्लूटूथ, वाय-फाय, ३.५मिमी हेडफोन जॅक सारखे फीचर्स मिळतात.

OPPO A78 5G चे स्पेसिफिकेशन्स

ओप्पो ए७८ ५जी फोन मध्ये १६१२ x ७२० पिक्सल रिजोल्यूशन असलेला ६.५६ इंचाचा एचडी+ डिस्प्ले देण्यात आला आहे. जो ९०हर्ट्झ रिफ्रेश रेट, ६००निट्स ब्राइटनेस, ९६% कलर गामुट आणि आय कम्फर्ट फीचरला सपोर्ट करतो. OPPO A78 5G अँड्रॉइड १३ आधारित कलर ओएस १२ वर चालतो. प्रोसेसिंगसाठी मीडियाटेक डायमेन्सिटी ७०० प्रोसेसर देण्यात आला आहे. यात ८जीबी + ८जीबी मिळून १६जीबी रॅमची पावर मिळते.

ड्युअल रियर कॅमेरा सेटअपमध्ये ५० मेगापिक्सलचा प्रायमरी सेन्सर आणि ८ मेगापिक्सलचा डेप्थ सेन्सर आहे. सेल्फी आणि व्हिडीओ कॉलिंगसाठी ८ मेगापिक्सलचा फ्रंट कॅमेरा मिळतो. पावर बॅकअपसाठी ५,०००एमएएचच्या बॅटरीसह ३३वॉट फास्ट चार्जिंग मिळते. OPPO A78 5G ड्युअल सिम फोन आहे ज्यात ५जी आणि ४जी दोन्ही एकाच वेळी वापरता येतं. सिक्योरिटीसाठी फोनच्या साइड पॅनलवर फिंगरप्रिंट सेन्सर इम्बेडेड पावर बटन देण्यात आला आहे.