Shanivarche Upay : शनीदेवाला प्रसन्न करण्यासाठी शनिवारी करा हे उपाय, विवाहातील अडचणी होतील दूर

By tejpolicetimes Last updated May 24, 2024

Saturday Remedies In Marathi :

शनिवार हा शनिदेव आणि हनुमानासाठी समर्पित आहे. धार्मिक मान्यतेनुसार शनिवारी शनिदेव आणि हनुमानाची पूजा केल्याने अनेक अडचणी दूर होतात. ज्या लोकांच्या कुंडलीवर शनीच्या साडेसातीचा प्रभाव पडत असेल त्यांनी शनिवारी शनिदेवाची पूजा अवश्य करायला हवी.

शनिदेव आपल्या चांगल्या आणि वाईट कर्माचे फळ आपल्याला नेहमी देत असतात. जर शनिवारी तुमच्यासोबत सतत वाईट घटना घडत असतील तर शनिदेवाची उपासना करायला हवी.
Vastu Tips: सूर्यास्तानंतर या चुका करु नका, अन्यथा व्हाल कंगाल! जाणून घ्या वास्तुशास्त्रातील नियम
वैदिक ज्योतिषशास्त्रानुसार शनिदेवाला न्याय देवता आणि कर्म देवता म्हणून ओळखले जाते. शनिदेव आपल्या कर्मानुसार व्यक्तीला शुभ आणि अशुभ फले देतात. शनिवार हा शनिदेवाला प्रसन्न करण्यासाठी असतो. यादिवशी काही उपाय केल्याने जीवनात आर्थिक प्रगती होते, रखडलेली कामे मार्गी लागतात, आरोग्य सुधारते. जाणून घेऊया शनिदेवाला प्रसन्न करण्यासाठी काय करायला हवे.

1. पिंपळाची पूजा

हिंदू धर्मात पिंपळाचे झाड अतिशय पूजनीय आणि पवित्र मानले जाते. धार्मिक मान्यतेनुसार सर्व देवतांचा वास हा पिंपळाच्या झाडामध्ये असतो. शनिवारी पिंपळाच्या झाडाची विशेष पूजा केल्याने व्यक्तीचे सर्व त्रास दूर होतात. धन, समृद्धी, कीर्ती मिळते. दर शनिवारी रात्री पिंपळाच्या झाडाखाली राईच्या तेलाचा दिवा लावल्याने व्यक्तीच्या जीवनात आनंद येतो.
शनिवारी तेलाच्या दिव्याने शनिदेवाचा अभिषेक केल्यास सर्व संकटांपासून मुक्ती मिळते. शनिदेवाच्या पूजेमध्ये मोहरी किंवा तिळाचे तेल अर्पण करणे शुभ मानले जाते. तेल अर्पण केल्याने साडेसाती कमी होते. तसेच अनेक संकटांपासून मुक्ती मिळेल. रखडलेली कामे मार्गी लागतील. शनिवारी हा उपाय केल्याने नोकरी आणि व्यवसायात यश मिळते.
Mantra For Children : सुट्टीत शिकवा मुलांना हे श्लोक, ज्ञान-बुद्धिसोबत वाढेल एकाग्रता; असे करा पाठ

2. शमीच्या झाडाची पूजा

शनिवारी शमीच्या झाडाची पूजा करुन राईच्या तेलाचा दिवा लावल्याने शनिदोषापासून मुक्ती मिळते. विवाहातील अडचणी दूर होतात. घरातील आर्थिक चणचण दूर होते. दर शनिवारी नियमितपणे असे केल्याने कामातील अडचणी दूर होतील. वैवाहिक नाते सुधारेल.

3. अपराजिता फुले

निळी अपराजिता फुले शनिदेवाला अतिशय प्रिय आहेत. ५,७ किंवा ११ फुले शनिवारी शनिदेवाला अर्पण करा. यामुळे ते प्रसन्न होतील. जीवनातील अनेक अडचणी दूर होण्यास मदत होईल.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.

Source link