Mangal Gochar 2024 : जून महिन्यात मंगळ ग्रहाचे संक्रमण! पंतप्रधान मोदींच्या राशीसह या ५ राशींना मिळणार जबरदस्त यश, मिळेल भरपूर प्रसिद्धी

Mangal Gochar In Mesh Rashi :

लोकसभा निवडणुकांच्या निकालापूर्वी मंगळ ग्रहाचे संक्रमण मेष राशीत होणार आहे. शौर्याने संपन्न असलेला मंगळ स्व: राशीत प्रवेश करतो तेव्हा तो अधिक बलवान होतो. मंगळ मेष राशीत आल्यानंतर रुचक राजयोग तयार होईल.

रुचक राजयोगाच्या शुभ प्रभावामुळे वृश्चिक राशीसह ५ राशींना यश मिळण्याची शक्यता आहे. पंतप्रधान मोदींची रासही वृश्चिक आहे. या काळात ग्रहांची स्थिती उत्तम दर्शवत आहे. त्यामुळे मोदींना लोकसभा निवडणुकीत दणदणीत विजय मिळेल. जाणून घेऊया मंगळाच्या संक्रमणामुळे कोणत्या ५ राशींना यश मिळते.

१ जून रोजी मंगळाचे संक्रमण मेष राशीमध्ये होणार आहे. या दिवशी मंगळ अश्विनी नक्षत्राच्या पहिल्या चरणात असल्यामुळे मूलत्रिकोण राशीत प्रवेश करेल. मंगळाच्या या संक्रमणाने रुचक राजयोगाला सुरुवात होणार असून ४ जून रोजी लोकसभा निवडणूकांचे निकाल जाहीर होतील. त्या दिवशी रुचक राजयोगासह अनेक राजयोग तयार होतील.

शनि मूळ राशीत असल्यामुळे शशा राजयोग तयार होईल. शुक्र स्व: राशीत अर्थात वृषभ राशीत असल्यामुळे मालव्य राजयोग निर्माण होईल. अशा स्थितीत जून महिन्यात मंगळाच्या संक्रमणामुळे पंतप्रधान नरेंद्र मोदी यांच्या राशीसाठी वृश्चिक राशीसह मंगळ शुभ राहिल. जाणून घेऊया कोणत्या राशींना मंगळाच्या संक्रमणाचा फायदा होईल.

1. मेष : कामाच्या ठिकाणी अनपेक्षित यश मिळेल

मेष राशीत मंगळाचे संक्रमण होत असल्यामुळे राजयोग तयार होत आहे. नोकरदार लोकांसाठी हे संक्रमण अत्यंत अनुकूल असणार आहे. कामाच्या ठिकाणी अनपेक्षित यश मिळेल. तसेच त्याचे अपेक्षित परिणाम मिळतील. या काळात तुम्हाला पैसे कमावण्याच्या नवीन संधी मिळतील. जोडीदारासोबत तुमचे नाते पूर्वीपेक्षा चांगले होईल. परस्पर समंजसपणा वाढेल. तुमचे आरोग्य देखील चांगले राहील. डोकेदुखीची समस्या वारंवार त्रास देईल.

2. मिथुन: नवीन ऊर्जा संचारेल

मिथुन राशीच्या अकराव्या स्थानात मंगळाचे संक्रमण होणार आहे. त्यामुळे संपत्तीत वाढ होईल. व्यवसाय पुढे नेण्यासाठी बँकेकडून कर्ज घेण्याचा विचार करत असाल तर तुम्हाला यश मिळेल. कामाच्या नवीन संधी मिळतील. अनेक इच्छा पूर्ण होतील. तुमच्या जीवनसाथीसोबत चांगला समन्वय राहिल. त्यामुळे वेळही चांगला घालवाल. व्यापारी असाल तर या काळात तुम्हाला मोठा नफा मिळेल. आरोग्य चांगले राहिल ज्यामुळे तुमच्या आत एक नवीन ऊर्जा संचारेल.

3. सिंह – करिअरमध्ये नव्या संधी मिळतील.

सिंह राशीच्या लोकांसाठी मंगळ नवव्या घरात प्रवेश करणार आहे. त्याच्या प्रभावामुळे तुम्हाला नवीन नोकरी मिळू शकते. संपत्तीत वाढ होण्याची शक्यता आहे. तुमच्या करिअरमध्ये उत्तम संधी मिळू शकतात. व्यवसायात उत्तम यशही मिळेल. पैसे कमावण्यात आणि बचत करण्यात तुम्हाला यश मिळेल. तुमचे तुमच्या जोडीदाराशी नाते घट्ट होईल. मंगळ ग्रहाचे संक्रमण आरोग्याच्या बाबतीत अनुकूल ठरेल.

4. वृश्चिक : वाद आणि स्पर्धेत यश मिळेल

मंगळ त्यांच्या राशीपासून सहाव्या भावात मूळत्रिकोण राशीत असेल. ही रास मोदींची असल्यामुळे या लोकांचा प्रभाव आणि वर्चस्व वाढेल. वृश्चिक राशीचे लोक विरोधकांवर आणि शत्रूंवर वर्चस्व गाजवतील. वाद आणि स्पर्धांमध्ये यश मिळेल. वृश्चिक राशीचे लोक व्यवसाय वाढवण्यासाठी कर्ज घेण्याचा प्रयत्न करत असतील त्यांची कामे मार्गी लागतील. भूतकाळात केलेल्या गुंतवणूकीतून लाभ मिळेल. आरोग्याच्या बाबतीत काळजी घ्यावी लागेल. तुमच्या खराब आरोग्यामुळे कामात अडथळे येतील.

5. धनु: पैसे गुंतवण्यासाठी योग्य वेळ

धनु राशीच्या लोकांसाठी मंगळाचे संक्रमण पाचव्या घरात होणार आहे. त्यामुले भविष्याची चिंता करुन असुरक्षितता वाटेल. शेअर बाजारात तुम्हाला यश मिळण्याची शक्यता आहे. करिअरमध्ये भरभराटी आणि नोकरीत यश मिळेल. शेअर्समध्ये पैसे गुंतवण्याची हीच योग्य वेळ आहे. भविष्यात तुम्हाला चांगले उत्पन्न मिळू शकते. वाढत्या खर्चाचा सामना करावा लागेल. महिन्याच्या शेवटी चांगली बचत कराल. प्रेमप्रकरणात यश मिळेल. मुलांची प्रगती पाहून समाधानी व्हाल.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.