Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
People Born in June : जून महिन्यात जन्मलेल्या व्यक्तींवर असतो बुध-चंद्राचा जबरदस्त प्रभाव, कसे असते व्यक्तिमत्त्व; वाचा सविस्तर
People Born In June Horoscope :
आपला जन्म कोणत्या महिन्यात झाला यावर अनेक गोष्टी अवलंबून असतात. यामध्ये तुमचा स्वभावही अवलंबून असतो. ज्या महिन्यात तुमचा जन्म झाला त्या महिन्याचे गुण तुमच्या व्यक्तीमत्त्वात नक्कीच येतात.
जूनमध्ये जन्मलेल्या व्यक्तीवर चंद्र आणि बुध ग्रहाचा चांगला प्रभाव असतो. त्यामुळे याची बोलण्याची पद्धत वेगळी असते. दिसायला सुंदर असतात. सध्या २१ मे २० जून या कालावधीत जन्मलेल्या लोकांची राशी मिथुन असेल. ज्याचा स्वामी बुध ग्रह असणार आहे.
तर २१ जून ते २२ जुलै या काळात जन्मलेल्या लोकांची राशी कर्क असेल. ज्याचा स्वामी चंद्र आहे. अशा स्थितीत जून महिन्यात जन्मलेल्या लोकांमध्ये बुध आणि चंद्राचे गुण अधिक दिसतात. जर तुमचा वाढदिवस जून महिन्यात येत असेल तर त्यांचा स्वभाव कसा असतो जाणून घेऊया
1. व्यक्तिमत्त्व
जून महिन्यात जन्मलेल्या लोकांचे व्यक्तिमत्त्व खूप चांगले असते. ते त्याच्या आजूबाजूच्या लोकांमध्ये अतिशय प्रिय असतात. त्यांच्या व्यक्तिमत्त्वातून अनेकांना खूप काही शिकायला मिळते. याशिवाय ते अनेक गोष्टीत चांगले काम करतात. खेळ, गायन आणि नृत्य यांची त्यांना आवडत असते.
2. स्वभाव
जूनमध्ये जन्मलेल्या लोकांना बहुतेक वेळा कल्पनांच्या जगात जगायला फार आवडते. स्वभावाने ते अतिशय हळवे असतात. लोकांच्या समस्या त्यांना लगेच समजतात. गरजू लोकांच्या मदतीसाठी तत्पर असतात. त्यांना त्यांच्या पद्घतीने कामे करायला आवडतात.
3. कामात हुशार
जूनमध्ये जन्मलेल्या लोकांची सर्वात चांगली गोष्ट म्हणजे ते प्रत्येक कामात आपले सर्वोत्तम देण्याचा प्रयत्न करतात. ते कोणत्याही प्रमाणात कठोर परिश्रम करु शकतात. परंतु, हवे तसे यश मिळाले नाही की, स्वभाव चिडचिडा बनतो.
4. मूड कसा असतो?
जूनमध्ये जन्मलेल्या लोकांच्या मन:स्थितीबद्दल तुम्हाला विशेष काही कळू शकत नाही. कधी कधी ते खूप हसून बोलतात. तर पुढच्या क्षणापासून त्यांना शांतता आणि एकटेपणा आवडतो. स्वत:च्या भावनांवर नियंत्रण ठेवण्याचा प्रयत्न करतात.
5. बुध-चंद्राचे गुण
जूनमध्ये जन्मलेल्या लोकांवर बुध आणि चंद्र या ग्रहांचा सर्वाधिक प्रभाव असतो. ज्योतिषशास्त्रात बुध हा ग्रह बुद्धिमत्तेसाठी जबाबदार मानला जातो. जूनमध्ये जन्मलेल्या लोकांमध्ये तीक्ष्ण बुद्धिमत्ता असते. तसेच त्यांची तर्क करण्याची क्षमताही चांगली असते. बोलण्याच्या बळावर लोकप्रियता मिळवतात. चंद्र हा मन आणि बुद्धीचा कारकही मानला जातो. चंद्राच्या प्रभावामुळे हे लोक अधिक काल्पनिक जगात जगतात.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.