Appleच्या ‘फॅक्टरी’तील व्हिडिओ व्हायरल! युजरपर्यंत पोहोचण्याआधी डिवाइसची होते अग्निपरीक्षा, पाहा कशी होते टेस्टिंग

Apple कंपनी आपल्या iPhones च्या बिल्ट क्वालिटीबद्दल खूप गांभीर्याने विचार करते. म्हणूनच लेटेस्ट iPhone 15 Pro मॉडेलमध्ये कंपनीने फोनला अधिक टिकाऊ बनवण्यासाठी टायटॅनियम बॉडीचा वापर केला आहे. YouTuber MKBHD शी बोलतांना, कंपनीने सांगितले की, कोणताही फोन लॉन्च करण्यापूर्वी वेगवेगळ्या प्रकारच्या टेस्टिंगमधून किमान 10,000 iPhones पास करते. हे स्मार्टफोन विविध परिस्थितींमध्ये काम करण्यासाठी बनवले जातात, त्यामुळे त्यांना कठोर टेस्टिंगला सामोरे लागते. या टेस्टिंगमध्ये फोन उंचावरून खाली सोडला जातो, स्क्रॅच केला जातो आणि पाण्यात देखील बुडवला जातो.

अलीकडे, MKBHD ने सोशल मीडिया प्लॅटफॉर्म X वर एका पोस्टमध्ये ऍपलच्या काही लॅब्ज दिलेल्या भेटीतील काही व्हिडिओ शेअर केले आहेत. या भेटीदरम्यान, कंपनीने त्यांना त्यांच्या iPhones च्या टिकाऊपणाची टेस्टिंग कशी केली हे दाखवले.

Apple iPhoneच्या टिकाऊपणाची टेस्टिंग कशी केली जाते?

आयफोन बनवल्यानंतर तो मजबूत आणि टिकाऊ असल्याची खात्री कंपनी करते. यासाठी ती अनेक प्रकारच्या टेस्ट करते. उदाहरणार्थ, मशीनच्या मदतीने फोन वारंवार आदळणे, हार्ड लाईट, पाण्याचे फवारे आणि जोरदार धक्के याप्रकारे फोन्स टेस्ट केले जातात.

MKBHD नावाच्या YouTuber ने अलीकडे Apple च्या लॅबला भेट दिली. तेथे कंपनीचे इंजिनिअर जॉन टर्नस यांनी सांगितले की हजारो आयफोन (सुमारे 10,000 पेक्षा जास्त) त्यांची टेस्टिंग केल्यानंतरच बाजारात विक्रीसाठी लाँच केले जातात. यावरून ॲपल आपल्या फोनच्या बिल्ट क्वालिटीबद्दल किती गांभीर्याने विचार करते हे लक्षात येते.

फोन रिपेअर करतांना ठरेल अडचणीचे

जॉन टर्नसने असेही सांगितले की कंपनी आयफोनला पाण्यात खराब होण्यापासून वाचवण्यासाठी विशेष ग्ल्यू आणि इतर गोष्टी वापरते. यामुळे फोन खूप जास्त मजबूत होतो, परंतु यामुळे तो रिपेअर करणे देखील कठीण होते. फोन उघडणे आणि रिपेअर करणे सोपे नाही.