Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
राशीभविष्य जून 2024: तुळ राशीसह या ३ राशींच्या नात्यात येईल दूरावा! कसा असेल जून महिना वाचा राशिभविष्य
June 2024 Rashi Bhavishya In Marathi : जून महिन्यात ५ राजयोग तयार होत आहे. जूनच्या पहिल्या दिवशी मंगळ ग्रह मेष राशीत प्रवेश करेल. त्यामुळे मेष राशीसह इतर राशींवर त्यांचा सकारात्मक आणि नकारात्मक परिणाम पाहायला मिळेल. उत्पन्नाचे नवे स्त्रोत मिळतील, जोडीदाराची चिंता सतावेल. यश मिळाल्यामुळे अहंकार वाढू शकतो. प्रेम संबंधात विचारपूर्वक पुढे जा. आपल्या प्रिय जोडीदाराच्या भावना समजून घेण्याचा प्रयत्न करा. जोडीदाराच्या भावना आणि गरजांकडे दुर्लक्ष करणे टाळावे. मालमत्ता खरेदी-विक्रीचा विचार करत असाल तर या महिन्यात तुमची इच्छा पूर्ण होईल. मेषसह १२ राशींसाठी कसा असेल जून महिना जाणून घ्या
मेष – उत्पन्नाचे नवे स्त्रोत मिळतील
महिन्याच्या सुरुवातीला कामाच्या ठिकाणी व्यस्त राहाल. काम पूर्ण करण्यासाठी अधिक मेहनत घ्याल. तुमची प्रतिमा चांगली ठेवण्याचा प्रयत्न कराल. या काळात नातेवाईकांशी काही मुद्द्यावर वाद होऊ शकतो. दुसऱ्या आठवड्यात परिस्थिती सुधारेल. जवळचे मित्र आणि कुटुंबातील सदस्यांकडून पाठिंबा मिळेल. या काळात न्यायालयीन प्रकणांमध्ये प्रगती दिसेल. प्रतिस्पर्ध्यावर वर्चस्व गाजवाल. मेहनतीचे आणि प्रयत्नांचे फळ मिळेल. व्यवसाय वाढवण्याची किंवा काही फायदेशीर योजनेत पैसे गुंतवण्याची संधी मिळेल. महिन्याच्या मध्यापर्यंत परिस्थिती आणखी सुधारेल. या काळात नोकरदारांना उत्पन्नाचे अतिरिक्त स्त्रोत मिळतील. इच्छित ठिकाणी बदली किंवा बढती होऊ शकते. यश मिळाल्यामुळे अहंकार वाढू शकतो. ते तुम्हाला टाळावे लागेल. महिन्याच्या तिसऱ्या आठवड्यात आरोग्य आणि नातेसंबंधांची काळजी घ्यावी लागेल. या काळात आर्थिक जोखीम घेणे टाळा. प्रेमसंबंधांच्या बाबतीत महिना सामान्य राहिल. कठीण प्रसंगी जोडीदार पाठीशी उभा राहिल. वैवाहिक जीवनात गोडवा राहिल.
वृषभ – जोडीदाराची चिंता सतावेल
वृषभ राशीसाठी हा महिना लकी असेल. अनेक इच्छा पूर्ण होतील. जीवनातील प्रत्येक क्षेत्रात यश मिळेल. महिन्याच्या सुरुवातीपासून विरोधकांवर वर्चस्व गाजवाल. तुम्ही चांगली कामगिरी कराल. या काळात मान- सन्मान वाढेल. गुंतवलेल्या पैशातून फायदा होईल. करिअर आणि व्यवसायात अपेक्षित प्रगती होईल. आरोग्याच्या दृष्टिकोनातून हा काळ चांगला राहिल. तुमच्या बोलण्याने आणि स्वभावामुळे संबंध अधिक चांगले करण्यात यशस्वी व्हाल. कुटुंबाशी संबंधित कोणताही मोठा निर्णय घेताना त्यांचा पाठिंबा मिळेल. आई-वडील आणि वडीलधाऱ्यांची जवळीक वाढेल. या महिन्याच्या मध्यात जमिनीच्या वादाचा निर्णय तुमच्या बाजूने लागेल. जमीन आणि इमारतींच्या खरेदी-विक्रीतून लाभ होईल. या काळात खूप सक्रिय आणि व्यस्त राहाल. व्यवसायात आर्थिक लाभ होईल. संपत्ती वाढ होईल. परदेशात व्यवसाय करणाऱ्यांना अनपेक्षित नफा मिळेल. नोकरदार लोकांसाठी उत्पन्नाचे अतिरिक्त स्त्रोत तयार होतील. परिक्षा आणि स्पर्धांच्या तयारीसाठी हा काळ शुभ आणि यशस्वी राहिल. या महिन्याच्या उत्तरार्धात आरोग्य आणि नातेसंबंधात अडचणी येतील. प्रेम संबंधात विचारपूर्वक पुढे जा. आपल्या प्रिय जोडीदाराच्या भावना समजून घेण्याचा प्रयत्न करा. जोडीदाराचे आरोग्य तुमच्यासाठी चिंतेचा विषय बनू शकतो.
मिथुन – आळसपणा सोडा
मिथुन राशीच्या लोकांसाठी या महिन्याची सुरुवात थोडी त्रासदायक ठरु शकते. महिन्याच्या सुरुवातीला कामाचा ताण वाढू शकतो. हितचिंतकांकडून वेळेवर मदत न मिळाल्याने मन अस्वस्थ राहिल. या काळात तुमचा खर्च प्रचंड वाढू शकतो. प्रिय व्यक्तीच्या आरोग्याबाबत मन चिंतेत राहिल. कोणत्याही विशिष्ट कामातील अडथळे किंवा व्यवसायतील समस्या त्रास देऊ शकतात. महिन्याच्या दुसऱ्या आठवड्यात यावर मात कराल. या काळात तुम्हाला वडिलोपार्जित संपत्ती मिळण्याची शक्यता आहे. एखाद्या योजनेत गुंतवलेल्या पैशातून लाभ मिळेल. महिन्याच्या मध्यात तुमच्यामध्ये आळस शिरु शकतो. ज्यामुळे काम अडकून राहिल. रोजगार शोधणाऱ्यांना आणखी वाट पाहावी लागेल. या दरम्यान आरोग्याची विशेष काळजी घ्या. महिन्याच्या उत्तरार्धात तुमच्या बोलण्यावर आणि वागण्यावर नियंत्रण ठेवावे लागेल. अन्यथा, वर्षानुवर्षे जपलेले नाते तुटेल. प्रेमसंबंधात निर्माण झालेले गैरसमज संवाद साधून दूर करा. जोडीदाराच्या भावना आणि गरजांकडे दुर्लक्ष करणे टाळावे. महिन्याच्या शेवटी मुलांकडून काही चांगली बातमी मिळेल.
कर्क – लवकरच लग्न जमेल
कर्क राशींच्या लोकांसाठी हा महिना चांगला जाणार आहे. या महिन्याच्या सुरुवातीला तुम्हा वेळेचे व्यवस्थापन करावे लागेल. या काळात तुम्हाला विरोधकांकडून सावध राहावे लागेल. लोकांच्या छोट्या-छोट्या गोष्टींमध्ये अडकण्यापेक्षा तुमच्या ध्येयांवर लक्ष केंद्रित करा. महिन्याच्या दुसऱ्या आठवड्यात प्रभावशाली व्यक्तीच्या मदतीने भविष्यात लाभदायक ठरेल. परदेशाशी संबंधित व्यवसाय करणाऱ्यांसाठी हा काळ शुभ असेल. कोणत्याही योजना किंवा व्यवसायात पैसे गुंतवण्यापूर्वी हितचिंतकांचा सल्ला घेणे उचित ठरेल. या काळात अनेक आजार बळावतील. घरातील आणि बाहेरील सर्वांचा पूर्ण पाठिंबा मिळेल. या काळात कामाच्या ठिकाणी तुमचे वरिष्ठ तुमच्याशी दयाळूपणे वागतील. एखाद्याला प्रपोज करण्याचा विचार करत असाल तर तुमचा निर्णय पूर्ण होईल. प्रेमीजोडप्यांचे लग्न ठरेल. जोडीदारासोबत फिरायला जाल. काही शुभ कार्यक्रमात सहभागी होण्याची संधी मिळेल.
सिंह – रागावर नियंत्रण ठेवा
सिंह राशीच्या लोकांसाठी हा महिना संमिश्र असणार आहे. महिन्याच्या सुरुवातीला घरगुती समस्यांसह कामाशी संबंधित कामे वेळेवर पूर्ण करा. जिवलग मित्राकडून मदत न मिळाल्याने तुम्हाला वाईट वाटेल. नोकरी बदलण्याचा विचार करत असाल तर तुमच्या निर्णयाचा नक्की विचार करा. भावनेने किंवा रागाच्या भरात कोणताही मोठा निर्णय घेणे टाळा. पार्टनरशीपमध्ये काम करत असाल तर गोष्टी स्पष्टपणे बोला अन्यथा वाद होऊ शकतो. नोकरदार लोकांची बदली होऊ शकते. मालमत्ता खरेदी-विक्रीचा विचार करत असाल तर या महिन्यात तुमची इच्छा पूर्ण होईल. व्यवहार करताना पूर्ण काळजी घ्या. कोणताही कागद नीट वाचून मग सही करा. महिन्याच्या उत्तरार्धात कुटुंबातील महिलेच्या आरोग्याबाबत चिंतीत राहाल. प्रेमसंबंधांमध्ये तीव्रता राहिल. जोडीदार कठीण काळात सोबत राहिल. वैवाहिक जीवनात गोडवा राहिल. महिन्याच्या शेवटी मोठा निर्णय घेताना भावंडांकडून पूर्ण सहकार्य मिळेल.
कन्या – वैवाहिक जीवन आनंदी राहिल.
कन्या राशीच्या लोकांसाठी हा महिना जीवनात नवीन आणि चांगल्या संधी घेऊन येईल. महिन्याच्या सुरुवातीला तुम्हाला मोठी जबाबदारी किंवा नोकरीच्या ठिकाणी मोठे पद मिळू शकते. गरजेच्या वस्तूंवर जास्त पैसे खर्च कराल. उत्पन्नाचे नवीन स्तोत्र देखील वाढतील. परदेशात व्यवसाय करणाऱ्यांना अनपेक्षित फायदा होईल. या काळात तुम्हाला तुमचे मित्र किंवा जवळच्या लोकांकडून पाठिंबा मिळेल. करिअर व्यवसायात प्रगती करण्यासाठी आजचा दिवस चांगला आहे. अविवाहित लोकांचे लग्न ठरेल. शुभ कार्यात सहभागी होण्याची संधी मिळेल. महिन्याच्या सुरुवातीला महिलांचा जास्तीत जास्त वेळ धार्मिक कार्यात जाईल. जोडीदाराशी किंवा प्रिय व्यक्तीशी गैरसमज झाल्याने मानसिक चिंता वाढेल. वाद न करता संवाद केल्याने गोष्टी सुटतील. नात्यात दुरावा येईल. तुम्हाला तुमच्या रागावर आणि बोलण्यावर नियंत्रण ठेवावे लागेल. वैवाहिक जीवन आनंदी राहिल.
तुळ – प्रेमात दूरावा येईल
तुळ राशीच्या लोकांसाठी या महिन्यात नुकसान होईल. कोणत्याही योजनेत पैसे गुंतवणे टाळा. कोणाच्याही प्रभावाखाली मोठा निर्णय घेऊ नका. महिन्याच्या सुरुवातीला घराच्या दुरुस्तीवर किंवा गरजेच्या वस्तूंवर पैसे खर्च करावे लागतील. या काळात कामासाठी लांबचा प्रवास करावा लागेल. प्रवासादरम्यान आरोग्याची आणि सामानाची काळजी घ्या. नोकरी करणाऱ्या महिलांना घर आणि कामाचा समतोल साधण्यात अडचणी येतील. या काळात प्रेमसंबंधांमध्ये गैरसमज निर्माण होऊ शकतात. प्रेमात तिसऱ्या व्यक्तीमुळे वाद होईल. स्पर्धा परिक्षेची तयारी करणाऱ्यांना हा काळ अतिशय शुभ आहे. विशेष व्यक्तीच्या मदतीने रखडलेली कामे मार्गी लागतील. मे महिन्याच्या शेवटी नातेवाईकांशी काही विषयावर मतभेद होऊ शकतात.
वृश्चिक – अडचणींचा सामना करावा लागेल
वृश्चिक राशीच्या लोकांसाठी हा महिना चढ-उतारांचा असेल. व्यावसायिक दृष्टिकोनातून पाहिले तर महिन्याची सुरुवात समाधानकारक असेल. या काळात तुम्हाला कामाच्या ठिकाणी वरिष्ठांचे सहकार्य मिळेल. या काळात तुम्ही घराच्या सजावटीवर दास्त पैसे खर्च कराल. आई-वडिल किंवा घरातील वडिलधाऱ्या व्यक्तींशी चांगले संबंध पाहायला मिळतील. जीवनात काही अडचणींचा सामना करावा लागू शकतो. व्यवसायात चढ-उतार असतील तर कुटुंबाशी संबंधित मोठा निर्णय तुम्हाला मानसिक त्रास देऊ शकतो. मोठ्या व्यक्तीच्या मदतीने घरगुती समस्यांवर तोडगा काढाल. व्यावसायिक प्रगतीच्या मार्गात येणारे अडथळे दूर कराल. प्रेमसंबंधाच्या बाबतीत हा काळ त्रासदायक ठरेल. लग्नात अडचणी येतील. निर्णय घेताना भावनिकपणे घेऊ नका. अन्यथा पश्चाताप करावा लागेल.
धनु – पैशांचे नुकसान सहन करावे लागेल.
या महिन्यात धनु राशीचे लोक व्यस्त राहातील. अनेक आव्हानांना तोंड द्यावे लागेल. स्वत:ला एकटे समजाल. कामाच्या ठिकाणी ताण वाढेल. या काळात एखादे काम पूर्ण करण्यासाठी अतिरिक्त मेहनत आणि वेळ लागेल. कोणाशी फ्लर्ट करु नका, मोठ्या संकटात सापडाल. प्रतिष्ठेचे तसेच पैशांचे नुकसान सहन करावे लागू शकते. प्रेमी जोडीदाराच्या आयुष्यात हस्तक्षेप करणे टाळा, परिस्थिती बिघडू शकते. वेळ आणि आरोग्याची काळजी घ्यावी लागेल. आजची कामे उद्यावर टाकण्याची सवय सोडा. व्यवसायाशी संबंधित लोकांना कोणत्याही योजनेत पैसे गुंतवणे टाळले पाहिजे. न्यायालयीन कामे मार्गी लागतील. इतरांच्या बोलण्याकडे दुर्लक्ष करा. वैवाहिक जीवन सुखी होण्यासाठी जोडीदाराच्या भावना समजून घ्या. त्यासाठी वेळ काढा.
मकर – जुने आजार बळावतील
मकर राशीच्या लोकांसाठी हा महिना चांगला असेल. बोलण्यावर नियंत्रण ठेवा, अन्यथा परिस्थिती वाईट होईल. कोणत्याही परिस्थितीत संयम ठेवणे चांगले. तुमच्या घरावर आणि कुटुंबावर लक्ष केंद्रित करा. या काळाच कौटुंबिक प्रश्न सोडवताना नातेवाईकांच्या भावनांकडे दुर्लक्ष करण्याची चुक करु नका. कामासाठी लांबचा प्रवास करावा लागेल. प्रवासादरम्यान आरोग्याची काळजी घ्या. प्रतिस्पर्ध्याकडून व्यावसायिकांना कठीण प्रसंगांना सामोरे जावे लागू शकते. करिअर पुढे नेण्यासाठी कठोर परिश्रम करणाऱ्यांना निराशेचा सामना करावा लागू शकतो. प्रेमसंबंधात विचारपूर्वक निर्णय घ्या. कामाच्या ठिकाणी संबंध चांगले राखण्याची गरज आहे. या काळात जुने आजार बळावतील त्यामुळे मन अस्वस्थ राहिल.
कुंभ – नात्यात दूरावा येईल
कुंभ राशीच्या लोकांसाठी हा महिना संमिश्र असणार आहे. महिन्याच्या सुरुवातीला कौटुंबिक गरजांसाठी जास्त पैसे खर्च होतील. महागड्या वस्तूंवर पैसे खर्च होतील, त्यामुळे बजेट बिघडेल. कामाच्या ठिकाणी ताण राहिल. महिलांना घर आणि कामाच्या ठिकाणी संतुलन राखण्यात अडचणी येतील. नोकरीच्या शोधात असणाऱ्या लोकांना नवीन संधी मिळतील. प्रेमसंबंधात गैरसमज निर्माण होऊ शकतात. ज्यामुळे जोडीदारासोबतचे अंतर वाढेल. पालकांशी काही कारणांवरुन वाद होऊ शकतात. शांत मनाने गोष्टी सोडवण्याचा प्रयत्न करा. विरोधक कामाच्या ठिकाणी सक्रिय होतील. आरोग्याची काळजी घ्या. व्यवसायाशी संबंधित लोकांना अनपेक्षित आर्थिक लाभ मिळतील.
मीन – इच्छुकांचे विवाह जमतील
मीन राशीच्या लोकांसाठी हा महिना शुभ आणि यशस्वी ठरेल. महिन्याच्या सुरुवातीला प्रिय व्यक्तीशी भेट होईल. भविष्यात मोठा नफा होण्याची शक्यता आहे. जमीन किंवा खरेदी-विक्रीतून नफा किंवा उत्पन्नाच्या अतिरिक्त स्त्रोतांवर खर्च कराल. या काळात केलेले प्रयत्न लाभदायक ठरतील. कोणत्याही मोठ्या योजनेत पैसे गुंतवताना प्रियजनांचा सल्ला घ्या. प्रिय व्यक्तीच्या येण्याने घरात आनंदाचे वातावरण राहिल. कुटुंबासोबत फिरण्याचा प्लान कराल. इच्छुकांचे विवाह जमतील. नोकरी करणाऱ्यांना पदोन्नती मिळेल. कोर्टाच्या कामातील निर्णय तुमच्या बाजूने लागेलय व्यवसायातील प्रगती समाधानकारक असेल. आर्थिक बाबतीतील निर्णय जपून घ्या. आंधळेपणाने विश्वास ठेवणे टाळा, अन्यथा मोठे नुकसान होऊ शकते. या काळात खर्चाचे व्यवस्थापन करावे लागेल.