Tej Police Times
स्कॅमर्स नेहमीच नवनवीन मार्गाने सर्वसामान्यांची फसवणूक करण्याचा प्रयत्न करत असतात. आजकाल स्कॅमर्स नवीन ग्रँड पॅरेंट्स स्कॅममध्ये वृद्धांकडून पैसे उकळत आहेत. या प्रकारच्या स्कॅममध्ये टार्गेट व्यक्तीला बनावट कॉल करण्यात येतो. या कॉलमध्ये, वृद्ध व्यक्तीला विश्वास दिला जातो की त्यांचे नातवंड काहीतरी अडचणीत आहे आणि त्यांना पैशाची नितांत गरज आहे आणि वृद्ध व्यक्तींना विनंती केली जाते व इमोशनल करुन हा स्कॅम करण्यात येतो.
अशा प्रकारे वृद्ध आजी-आजोबांना म्हणजेच ग्रँड पॅरेंट्सला अडकवले जात आहे
- या स्कॅममध्ये, प्रथम टार्गेट व्यक्तीला कॉल करण्यात येतो. स्कॅमर्स या आजी-आजोबांना त्यांचे नातवंडं अडचणीत असल्याचं भासवतात.
- या कॉलमध्ये, वृद्ध व्यक्तीला विश्वास दिला जातो की त्यांचे नातवंड काही अडचणीत आहे आणि त्यांना पैशाची नितांत गरज आहे.
- वृद्ध व्यक्तीचा विश्वास जिंकण्यासाठी, कार अपघात, मेडिकल इमर्जन्सी किंवा परदेशात अटक झाल्यामुळे पैशाची गरज निर्माण झाल्याची खोटी कथा तयार केली जाईल.
- दरम्यान, स्कॅमर टार्गेट व्यक्तीला या कॉलचा उल्लेख कोणासही करू नये असे सांगतो.
- यानंतर, वृद्ध व्यक्तीकडून पैसे डिजिटल पद्धतीने ऑनलाइन ट्रान्सफर केले जातात.
अशा स्कॅम्सपासून कसे सुरक्षित राहायचे
जर कोणत्याही वृद्ध व्यक्तीला असा फोन आला तर सर्वप्रथम त्यांनी या कॉलबद्दल लगेच कुटुंबातील इतर सदस्यांना सांगावे. लगेच पैसे पाठवण्याचा निर्णय घेऊ नका.
कोणत्याही अनोळखी नंबरवरून आलेल्या कॉलवर वैयक्तिक आणि बँकिंग माहिती शेअर करणे टाळा.
तुम्ही अशा घोटाळ्याला बळी पडल्यास, तक्रार दाखल करा.
- आजी आजोबांनी हे समजून घेणे आवश्यक आहे की कोणत्याही प्रकारच्या इमर्जन्सी परिस्थितीत मुले प्रथम त्यांच्या पालकांशी संपर्क साधतात. अशा परिस्थितीत, अशा कॉल्सबद्दल सावधगिरी बाळगा.
- स्कॅमर्स घाईत असल्याचे दर्शवतात, पैशाची तातडीची मागणी करतात.
- अनोळखी नंबरवरून कॉल उचलणे टाळा. जर ते खूप महत्वाचे असेल तर कॉलरची ओळख तपासण्यास विसरू नका.