Tej Police Times
जर तुम्ही पासपोर्ट बनवण्याचा विचार करत असाल तर ही बातमी तुमच्यासाठी आहे. कारण आज आम्ही तुम्हाला सांगणार आहोत की तुम्ही सहज पासपोर्ट कसा बनवू शकता. तसेच यासाठी तुम्हाला वेगळे काहीही करावे लागणार नाही. तुमच्या स्मार्टफोनमध्ये फक्त एक ॲप असणे आवश्यक आहे आणि त्याच्या मदतीने तुम्ही पासपोर्टसाठी अर्ज करू शकता.
Digilocker ठरेल उपयोगी
डिजीलॉकरच्या मदतीनेही तुमचे काम होईल. कुठल्याही अपॉईंटमेंटसाठी कागदपत्रे सोबत घेऊन जायला विसरला असाल तर काळजी करण्याची गरज नाही. हे ॲप तुमच्यासाठी खूप उपयुक्त ठरणार आहे. या ठिकाणी तुम्ही कागदपत्रांचे व्हेरिफिकेशन करू शकता. हे लक्षात ठेवा की हे सरकारने अप्रुव्ह केलेले ॲप आहे जे कागदपत्र व्हेरिफिकेशनसाठी वापरले जाते.
व्हेरिफिकेशन कसे करावे
काही ठिकाणी नियमांनुसार कागदपत्रांची आवश्यकता असते. पण जर तुम्ही कागदपत्रे सोबत घ्यायला विसरलात तर जास्त काळजी करण्याची गरज नाही. घरबसल्या किंवा प्रत्यक्ष ऑफिसमध्ये न जत देखील तुम्ही व्हेरिफिकेशन करू शकता. या ॲपमध्येच तुम्हाला स्टेस्टस चेक करणे देखील शक्य होणार आहे. तुमच्या फोनवर OTP येतो आणि त्यानंतरच कागदपत्रांचे व्हेरिफिकेशन केले जाते.
पासपोर्ट बनवायला किती दिवस लागतील?
आता प्रश्न असा आहे की पासपोर्ट बनवायला किती वेळ लागेल? व्हेरिफिकेशन आणि कागदपत्रे सबमिट केल्यानंतर, 15 दिवसांपासून ते 1 महिन्यापर्यंतचा कालावधी लागतो. यानंतर पासपोर्ट तुमच्या घरी येतो. तथापि, वेळ कमी किंवा जास्त असू शकतो. ते इतर गोष्टींवर अवलंबून असते. हेच कारण आहे की कागदपत्रे सादर करताना तुम्ही नेहमीच अत्यंत सावधगिरी बाळगली पाहिजे आणि ते पोलिस व्हेरिफिकेशनवर देखील अवलंबून आहे. सामान्य पासपोर्टसाठी शुल्क 1500 रुपये आहे. मात्र, जर तुम्हाला अधिक पेजेस हवे असतील तर तुम्हाला 2,000 रुपये द्यावे लागतील.
DigiLocker कसे वापरावे?
डिजीलॉकर अकाउंट उघडण्यासाठी, युजर्सना त्यांचा मोबाइल नंबर रजिस्टर करावा लागेल, जो आधीपासून आधारशी लिंक आहे. DigiLocker अकाऊंटचे रजिस्ट्रेशन करताना, युजर्सना लिंक केलेल्या मोबाइल नंबरवर एक OTP मिळेल. प्रोसेस पूर्ण करण्यासाठी युजर्सना याचा वापर करावा लागेल. DigiLocker अकाऊंट नाव अपडेट किंवा मोबाइल नंबर अपडेट यासारखे कोणतेही बदल करण्यासाठी, युजर्सना प्रथम तो डेटा आधारमध्ये अपडेट करावा लागेल.