Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Friday Remedies :
शुक्रवार हा दिवस देवी लक्ष्मीला समर्पित आहे. या दिवशी देवी लक्ष्मीची विधीपूर्वक पूजा केली जाते. याशिवाय देवी लक्ष्मीचे वैभव व्रतही केले जाते. हे व्रत केल्याने आपल्याला अपेक्षित असे फल देखील प्राप्त होते. ज्यामुळे उत्पन्न आणि सौभाग्यात वाढ होते.
शुक्रवार हा दिवस शुक्र या ग्रहाशी निगडीत आहे. जो भौतिक सुख, ऐश्वर्य, वैभव, सौंदर्य इत्यादीचा कारक मानला गेला आहे. ज्योतिषशास्त्रामध्ये लक्ष्मी देवीचा आशीर्वाद, सांसारिक इच्छा आणि भौतिक सुख प्राप्त करण्यासाठी काही उपाय सांगण्यात आले आहे.
शुक्रवारी देवी लक्ष्मीची पूजा केल्याने वास्तुदोष दुर होतात. जर तुम्हालाही सतत पैशांची चणचण भासत असेल किंवा घरात संकटे येत असतील तर शुक्रवारी हे उपाय करुन पाहा. देवी लक्ष्मी प्रसन्न होऊन तिचा आशीर्वाद मिळतो. तसेच आर्थिक संकटे दूर होतात.
शुक्रवारी संपत्ती, समृद्धी आणि आनंदासाठी अष्टलक्ष्मीची विधिवत पूजा केली जाते. तसेच कनकधार स्तोत्राचे पठण करा. तसेच गुलाबाची फुले अर्पण करा.
शुक्रवारी करा हे उपाय
1. शुक्रवारी स्नान केल्यानंतर ध्यान करा. त्यानंतर देवी लक्ष्मी, कुबेर देव आणि विष्णूची पूजा करा. नैवेद्य म्हणून तांदाळाची खीर अर्पण करा. असे केल्याने लक्ष्मी देवीची कृपा राहाते. तसेच यामुळे सुख-समृद्धी देखील वाढते.
2. धनाची देवी लक्ष्मी मातेला एकमुखी नारळ फार प्रिय आहे. त्यामुळे शुक्रवारी मंदिरात जाऊन देवी लक्ष्मीला एकमुखी नारळ अर्पण करा. या उपायांचा अवलंब केल्याने आपल्याला इच्छित असे परिणाम मिळतात.
3. कमळाचे फुल लक्ष्मी देवीला फार आवडते. त्यामुळे या दिवशी लक्ष्मी देवीची पूजा करताना कमळाचे फूल अर्पण करा. हा उपाय केल्याने देवी लक्ष्मीची कृपा होते.
4. जर तुम्हाला सतत आर्थिक अडचणींचा सामना करावा लागत असेल तर शुक्रवारी देवी लक्ष्मीची पूजा करावी. यावेळी घरातील सर्व सदस्यांची उपस्थिती असायला पाहिजे. देवी लक्ष्मीकडून सुख आणि समृद्धीची प्रार्थना करा. शास्त्रात सांगितले आहे की, देवी लक्ष्मीचा वास ज्या ठिकाणी असतो तिथे पैशांची चणचण भासत नाही.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.